2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
LARRAGA
Xehetasun azterlana, Ctra. de la Balsa 16an
Behin betiko onespena
Lurraldearen Antolamenduari eta Hirigintzari buruzko abenduaren 20ko 35/2002 Foru Legearen 76. artikuluan 74. artikuluari dagokionez aurreikusitako tramitazioari jarraikiz, eta iragarkia 2016ko 3. Nafarroako Aldizkari Ofizialean, urtarrilaren 7an, argitaratu ondoko hogei eguneko jendaurreko epea alegaziorik gabe iragan denez, Larragako Udalak, 2016ko otsailaren 25ean egin osoko bilkuran, behin betiko onetsi du UA-5 unitateko P-26 lurzatirako xehetasun azterlana (katastroko 1. poligonoko 1104. lurzatia), Ctra. de la Balsa kaleko 16. zenbakian, Susana Corera Bonak eta Juan José Corera Macuak sustatu dutena.
Ondotik, haren arauen edukia argitara ematen da, Toki Araubidearen Oinarriak arautzen dituen apirilaren 2ko 7/1985 Legearen 70. artikuluan eta Lurraldearen Antolamenduari eta Hirigintzari buruzko abenduaren 20ko 35/2002 Foru Legearen 81.ean xedatuari jarraikiz. Aditzera ematen da erabaki honen kontra administrazioarekiko auzi-errekurtsoa para daitekeela zuzenean Nafarroako Auzitegi Nagusiko arlo bereko Salari zuzendua, edo, bertzenaz, Administrazioarekiko Auzien Epaitegiari, jurisdikzio hori arautzen duen uztailaren 13ko 29/1998 Legearen 8.1 artikuluan aurreikusitako kasuetan, bi hilabeteko epean, hau argitaratu eta biharamunetik hasita, edo, aitzinetik eta hautara, errekurtso hauetariko bat:
A) Berraztertzeko errekurtsoa, erabakia hartu duen organoari zuzendua, hilabeteko epean, erabaki hau argitaratu eta biharamunetik hasita.
B) Gora jotzeko errekurtsoa, Nafarroako Administrazio Auzitegiari zuzendua, hilabeteko epean, erabaki hau argitaratu eta biharamunetik hasita.
Larragan, 2016ko apirilaren 12an.–Alkatea, Carlos Suescun Sotés.
XEHETASUN AZTERLANA, UA-5 UNITATEKO P-26 LURZATIRAKO (KATASTROKO 1. POLIGONOKO 1104. LURZATIA),
CTRA. DE LA BALSA 16an
Hirigintza edukia
1. Lurzatiaren eraikigarritasuna 370 m²-koa da; beheko solairuan, gehienez 16 metroko sakonera izan dezake eta lehen solairuan, berriz, 13,5 metrokoa. Atzeraemanguneei dagokienez, beheko solairuan 0 metrokoa da, lehen solairuan, La Balsa kalerantz, 2,5 metrokoa eta aldakorrak San Francisco Javier kalerantz.
2. Eraikuntzako lerrokadura kale horretarantz ez da lerrokadura ofizialarekiko paraleloa izanen, baizik eta paraleloa eta perpendikularra La Basa kalerantz, mailakatua, planoetan adierazten den bezala.
3. Fatxada eta mehelinetako teilatu-hegalak ez dira nahitaezkoak izanen, estalkiko uren isuririk ez dagoen tokietan.
4. Garajera sartzeko baoa eta bertako atea 4x3 metrokoak izanen dira.
5. Lurzatien itxiturak harri plakazkoak izanen dira beheko solairuarekin bat egiten duenean, eta hormigoizkoak, zurezko oholeriaren itxurako ataltzearekin, itxitura horiek fatxadako planoan ez daudenean, planoan jasotzen den bezala.
6. Beheko solairuko fatxadak harri plakazkoak izanen dira.
7. Lehen solairuko fatxadak aurrefabrikatutako hormigoiarekin eginen dira, zurezko oholeriaren itxurako ataltzearekin.
Iragarkiaren kodea: L1604446
