1. NAFARROAKO FORU KOMUNITATEA
1.5. ESTATUTUAK ETA LAN HITZARMEN KOLEKTIBOAK
20C/2016 EBAZPENA, martxoaren 31koa, Politika Ekonomiko eta Enpresarialaren eta Lanaren zuzendari nagusiak emana, Iruñeko Tallunce SL enpresaren berdintasun planari buruzko akordioa erregistratu, gorde eta Nafarroako Aldizkari Ofizialean argitaratzea erabakitzen duena.
Iruñeko Tallunce SL enpresaren hitzarmen kolektiboaren testua (kode zenbakia: 31100052112016) aztertu da, Erregistro honetan 2016ko martxoaren 15ean sartu zena eta Tallunce enpresako Emakumeen eta gizonen arteko berdintasun plana negoziatzeko batzordeak 2015eko apirilaren 23an izenpetu zutena, Langileen Estatutuari buruzko Legearen Testu Bategina onetsi zuen martxoaren 24ko 2/2015 Legegintzako Errege Dekretuaren 90. artikuluaren 2. eta 3. idatz-zatietan eta Hitzarmen Kolektiboen Erregistro eta Gordailuei buruzko maiatzaren 28ko 713/2010 Errege Dekretuaren 2.1.f) artikuluan ezarritakoaren arabera. Horrenbestez,
EBATZI DUT:
1. Nafarroako Lan Hitzarmen eta Akordio Kolektiboen Erregistroan inskribatzeko agintzea.
2. Nafarroako Aldizkari Ofizialean argitaratzeko agintzea, denek jakin dezaten.
Iruñean, 2016ko martxoaren 31n.–Politika Ekonomiko eta Enpresarialaren eta Lanaren zuzendari nagusia, Izaskun Goñi Razquin.
TALLUNCE SL-REN BIGARREN BERDINTASUN PLANA,
2014-15
Enpresaren datu orokorrak.
Sozietate-izena: Tallunce SL.
IFK. B31070998.
Helbidea: Landaben industrialdea D k., zk. g., 31012 Iruña (Nafarroa).
Tel. 948 250 562.
Weba www.tallunce.com.
Enpresako arduraduna: Yon Elía Díaz de Cerio.
Jarduera: Ostalaritza erabilera.
1.–Lidergoa, politika eta estrategia
1. eremua. Enpresaren politika eta erakundearen kultura.
Hobetzeko atzemandako eremuak:
Departamentu / zentroetako arduradunen berdintasunaren gaineko prestakuntza / sentikortasuna.
Helburuak:
Lortzea departamentu / zentroetako arduradunek transmititzea enpresak berdintasunaren alorrean hartutako konpromisoa.
Ekintza/ekitaldia/zeregina:
Erantzukizuneko postuetan dagoen jendearen prestakuntza generoaren gainean.
Norentzat den:
Departamentu / zentroetako ardur.
Egitea zer departamenturi / pertsonari dagokion:
Giza Baliabideak.
Egiteko datak:
2015. eta 2016. urteak.
2. eremua. Barneko komunikazioa eta parte-hartzea.
Hobetzeko atzemandako eremuak:
Enpresak berdintasunarekin duen konpromisoa hedatzeko jarduerak eta ekintzak.
Helburuak:
Enpresak berdintasunarekin duen konpromisoaren berri ematea langileei.
Ekintza/ekitaldia/zeregina:
Informatzeko zirkularrak / jakinarazpenak, berdintasun planari eta jazarpen protokoloari buruz eta egindako ekintzei buruz.
Norentzat den:
Langile guztiak.
Egitea zer departamenturi / pertsonari dagokion:
Giza Baliabideak.
Egiteko datak:
2014 - 2015 - 2016 urteak.
2.–Pertsonak
3. eremua. Giza baliabideen kudeaketa.
Hobetzeko atzemandako eremuak:
Langileen sentikortasuna / prestakuntza handitzea berdintasunaren alorrean.
Helburuak:
Bermatzea langileek bereganatuko dutela enpresak berdintasunarekin duen konpromisoa.
Ekintza/ekitaldia/zeregina:
Lantegiak edo jarduerak langileek sentikortasun handiagoa izateko berdintasunari dagokionez.
Norentzat den:
Langile guztiak.
Egitea zer departamenturi / pertsonari dagokion:
Departamentu / zentroetako ardur.
Egiteko datak:
2015. eta 2016. urteak.
5. eremua. Lana eta familia bateratzea-ardurakidetza.
Hobetzeko atzemandako eremuak:
Familia eta lana bateratzeko enpresak eskaintzen dituen neurriak zehaztea.
Helburuak:
Neurri zehatzak ezartzea bizitza pertsonala eta lanbidea bateratzeko.
Enpresan lana eta familia bateratzeko dauden neurrien berri ematea langileei.
Ekintza/ekitaldia/zeregina:
Familia eta lana bateratzeko, sektorera egokitzen diren neurriak birformulatzea, langileen gainean eragin txarrik ez izateko.
Horren berri ematea langileei komunikazio bideen bitartez.
Norentzat den:
Langile guztiak.
Egitea zer departamenturi / pertsonari dagokion:
Giza Baliabideak.
Egiteko datak:
2015. eta 2016. urteak.
3.–Prozesuen kudeaketa
8. eremua. Zerbitzuak / produkzioa kudeatzea.
Hobetzeko atzemandako eremuak:
Berdintasunari buruzko prestakuntza eta sentikortasuna zerbitzuak egiten dituzten eta ikasleekin harreman zuzena duten pertsonentzat.
Helburuak:
Berdintasunaren printzipioaz baliatzea zerbitzuak emateko orduan.
Ekintza/ekitaldia/zeregina:
Berdintasunari buruzko sentikortasuna bezeroarekin harreman zuzena duten langileentzat.
Norentzat den:
Eskolako eguerdiko koordinatzaileak eta begiraleak.
Egitea zer departamenturi / pertsonari dagokion:
Eskolako eguerdiko gainbegiralea.
Egiteko datak:
2016. urtea.
4.–Ingurunearekiko harremanak.
10. eremua. Bezeroekiko harremana, irudia eta kanpoko komunikazioa.
Hobetzeko atzemandako eremuak:
Enpresak berdintasunarekin duen konpromisoaren berri ematea bezeroei.
Helburuak:
Berdintasuna ezartzea enpresa garatzeko irizpide gisa bezeroen aurrean.
Ekintza/ekitaldia/zeregina:
Enpresaren publizitate politika berrikustea (eskuorriak, weba, eta abar).
Norentzat den:
Bezeroak.
Egitea zer departamenturi / pertsonari dagokion:
Zuzendaritza.
Egiteko datak:
2015. eta 2016. urteak.
Iragarkiaren kodea: F1603913
