1. NAFARROAKO FORU KOMUNITATEA
1.3. LURRALDEAREN ANTOLAMENDUA ETA HIRIGINTZA
36E/2016 FORU AGINDUA, apirilaren 8koa, Landa Garapeneko, Ingurumeneko eta Toki Administrazioko Departamentuko kontseilariak emana. Horren bitartez behin betiko onesten da espedientea Azagrako 2. poligonoko 1.262., 67., 75., 76. lurzatien eta 77. lurzatiaren zati baten kategoria aldatzeko, orain babestu beharreko lurzoru urbanizaezina baitira, natura aldetik ustiatzeko balioaren azpikategorian, eta horren barnean ureztapenaren azpikategorian, gorde beharreko lurzoru urbanizaezina izan daitezen, natura aldetik ustiatzeko balioaren azpikategorian, eta horren barnean aldi baterako ureztapenaren azpikategorian. Sustatzailea Bodegas y Viñedos Fernández de Manzanos SL da.
Azagrako Udalak idazpuruan azaltzen den espedientea aurkeztu du Landa Garapeneko, Ingurumeneko eta Toki Administrazioko Departamentuan, behin betiko onets dadin.
Ikusirik aurkeztutako dokumentazioa, bai eta Lurraldearen Antolamendu eta Hirigintza Zerbitzuaren txostena ere, bidezkoa da espedientea behin betiko onestea.
Landa Garapeneko, Ingurumeneko eta Toki Administrazioko Departamentuaren egitura organikoa ezarri zuen abuztuaren 28ko 137/2015 Foru Dekretuak ematen dizkidan ahalmenak erabiliz,
AGINDU DUT:
1. Behin betiko onestea espedientea Azagrako 2. poligonoko 1.262., 67., 75., 76. lurzatien eta 77. lurzatiaren zati baten kategoria aldatzeko, orain babestu beharreko lurzoru urbanizaezina baitira, natura aldetik ustiatzeko balioaren azpikategorian, eta horren barnean ureztapenaren azpikategorian, gorde beharreko lurzoru urbanizaezina izan daitezen, natura aldetik ustiatzeko balioaren azpikategorian, eta horren barnean aldi baterako ureztapenaren azpikategorian. Sustatzailea Bodegas y Viñedos Fernández de Manzanos SL da.
2. Adieraztea foru agindu honek ez duela administrazio bidea amaitzen. Administrazio publikoak ez diren interesdunek gora jotzeko errekurtsoa aurkezten ahalko dute, Nafarroako Gobernuari zuzendua, legezkotasuna kontrolatzen duen onespen honen aurka, foru agindu hau jakinarazi edo Nafarroako Aldizkari Ofizialean argitaratu eta biharamunetik hilabeteko epean.
Halaber, onetsitako hirigintza araudiaren kontra administrazioarekiko auzi-errekurtsoa jar daiteke, Nafarroako Justizia Auzitegi Nagusiko Administrazioarekiko Auzien Salari zuzendua, edukia Nafarroako Aldizkari Ofizialean argitaratu eta bi hilabeteko epean, dagokion udalak eskaturik.
Administrazio publikoek zilegi dute administrazioarekiko auzi-errekurtsoa jartzea, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean. Horrek ez du galarazten Nafarroako Gobernuan aldez aurreko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan aurreikusitako moduan eta epean.
3. Foru agindu hau Bodegas y Viñedos Fernández de Manzanos SLri eta Azagrako Udalari jakinaraztea, azken horrek dagokion hirigintza arloko araudia Nafarroako Aldizkari Ofizialean argitara dezan.
4. Foru agindu hau Nafarroako Aldizkari Ofizialean argitaratzea, behar diren ondorioak izan ditzan.
Iruñean, 2016ko apirilaren 8an.–Landa Garapeneko, Ingurumeneko eta Toki Administrazioko kontseilaria, Isabel Elizalde Arretxea.
Iragarkiaren kodea: F1604364
