81. ALDIZKARIA - 2016ko apirilaren 28a

2. NAFARROAKO TOKI ADMINISTRAZIOA

2.2. XEDAPEN ETA IRAGARKIAK, HERRIEN ARABERA ANTOLATUAK

EGUESIBAR

Laburpena, 2016-2017 denboraldian kirol eskolak antolatzen dituzten kirol klubei diru-laguntzak emateko deialdiarena

Diru-laguntzei buruzko azaroaren 17ko 38/2003 Lege Orokorraren 17.3b eta 20.8a artikuluetan aurreikusitakoari jarraituz, argitara ematen da deialdiaren laburpena; horren testu osoa Diru-laguntzen Datu Base Nazionalean kontsulta daiteke (http://www.pap.minhap.gob.es/bdnstrans/GE/eu/index). BDNS (Identifikazioa): 304290.

Deialdia, 2016-2017 denboraldian kirol eskolak antolatzen dituzten kirol klubei diru-laguntzak emateko.

Deialdi honen helburua da 2016/2017 denboraldian (urritik maiatzera bitarte) kirol irakaskuntzako eskolak antolatzen dituzten klubei diru-laguntzak ematea, zehazten diren baldintzak betetzen badituzte.

LAGUNTZAK ESKATZEN DITUZTEN ENTITATEEN BETEBEHARRAK

Laguntzak eskatzen dituzten kirol klubek honako baldintza hauek bete behar dituzte:

1.–Haien jarduera egokia izanen da Nafarroako kirolari buruzko uztailaren 5eko 15/2001 Foru Legean eta deialdi honen klausuletan adierazitako printzipio eta lehentasunekiko.

2.–Eguesibarko kirol ikastaroei eta Udalaren kirol eskolei buruzko araudia bete behar dute.

3.–Haien jardueran aritzen direnek 6 eta 16 urte bitarteko adina izanen dute, baina behar bezala justifikaturiko salbuespenak egoten ahalko dira, eskolaren ezaugarri zehatzetatik eratorritakoak.

4.–Haien jarduera Eguesibarko Udalaren mugapean eta 2016/2017 denboraldian eginen da.

5.–Kirol eskolen antolatzaileak eta kudeatzaileak izan beharko dute. Eskola horiek jende guztiari irekiak izan beharko dute, baldintza berdinetan, inolako bereizkeriarik egin gabe sexua, arraza, erlijioa eta/edo ideologia dela eta.

6.–Udalak Kirol eskolei buruzko ordenantza fiskalean ezarritako kuotak kobratu beharko dizkiete klubek eskolen erabiltzaileei. Eskola berria bada, erroldatuak ordaindu beharreko tasak gutxienez ere hartu beharko du 10. oinarria aplikatzetik sortzen diren gastuen %80.

7.–Arau orokor gisa, entrenatzaile bakoitzeko 15 ikasle egonen dira gehienez, taldekako kirolen eskoletan izan ezik, non gehieneko kopurua federazio bakoitzean fitxen arabera ezarritakoa izanen baita.

8.–Eguesibarko Udalarekin lankidetza hitzarmenik sinaturik ez edukitzea eta Udalak egindako kontratu baten esleipenduna ez izatea, diru-laguntza zein proiektutarako eskatu eta horretarako, eta Udalaren beste edozein alorren diru-laguntzarik jaso ez izana, jarduera hori bera gauzatzeko.

9.–Udaleko Kirol Zerbitzuak zehaztuko du Udalaren kirol eskoletako taldeen eskaintza, kirol modalitate bakoitzeko.

10.–Kirol Zerbitzuak zehaztuko du kirol espazioak nola erabiliko diren, Udalaren kirol eskolen entrenamenduetarako eta partidetarako.

11.–Entitateek ez dute inola ere diru-laguntzarik jasoko, beren xedeek, harrera sistemak, funtzionamenduak, ibilbideak edo jarduketak emakumezko eta gizonezkoen arteko berdintasun printzipioari kontra egiten badiote.

12.–Orobat, inork ez du diru-laguntzarik jasoko, baldin eta administrazio ebazpen edo epai judizial irmoen bidez soldata-bereizkeriagatik, jazarpen moralagatik edo sexu arrazoiek ekarritako edozein tratu ezberdintasunagatik zehatuak edo kondenatuak izan badira, edo urratzen badituzte Emakumeen eta gizonen aukera berdintasuna sustatzeko azaroaren 28ko 33/2002 Foru Legean edo Emakumeen eta gizonen arteko egiazko berdintasunerako martxoaren 22ko 3/2007 Lege Organikoan ezarritako printzipio eta betebeharrak.

13.–Kirol mota bakoitzean, eskola bakar bati emanen zaio diru-laguntza. Klub desberdinek egindako bi eskaera badaude kirol mota bererako, Udalak aukera emanen die eskatzaileei akordio batera irits daitezen, ea nork kudeatu behar duen delako eskola. Akordio batera iritsi ezean, Udalak bidezko dena ebatziko du, irizpide objektibo eta ertsiki pedagokiko eta kirolekoak aintzat hartuta, betiere interes publikoa babestuz.

14.–Deialdi honetan arautzen diren laguntzak jasotzetik berariaz baztertuta daude kirol espazio egokirik ez duten kirol eskola berriak.

Eskabideak aurkezteko epea:

Diru-laguntzak jasotzeko eskabideak eta frogagiriak 20 eguneko epean aurkeztu beharko dira, Nafarroako Aldizkari Ofizialean argitaratzen denetik hasita.

Sarrigurenen, 2016ko martxoaren 1ean.–Alkatea, Alfonso Etxeberria Goñi.

Iragarkiaren kodea: L1604770