1. NAFARROAKO FORU KOMUNITATEA
1.7. BESTELAKOAK
84/2016 FORU AGINDUA, martxoaren 11koa, Landa Garapeneko, Ingurumeneko eta Toki Administrazioko kontseilariak emana, azaroaren 9ko 486/2007 Foru Agindua aldatzen duena. Foru agindu horren bidez Erakunde Ordaintzailearen Jarraipen Batzordea sortu zen Nafarroako Foru Komunitatean.
Landa Garapeneko eta Ingurumeneko kontseilariaren azaroaren 9ko 486/2007 Foru Aginduaren bidez, Erakunde Ordaintzailearen Jarraipen Batzordea eratu zen Nafarroako Foru Komunitatean, helburua izanik erakundearen gaineko informazioaren segurtasuna kudeatzeaz arduratzea, jarraipena egitea kontrol erakundeen aholkuei eta jarraipena egitea, orobat, landa garapenerako programa gauzatzeko moduari, kudeaketa prozeduren onespenari eta erakunde ordaintzailearekin lotutako beste alderdi batzuei.
Foru agindu horri zenbait aldaketa egin zaizkio xedapen hauen bidez: Landa Garapeneko eta Ingurumeneko kontseilariaren 83/2011 Foru Agindua, Landa Garapeneko, Industriako, Enpleguko eta Ingurumeneko kontseilariaren martxoaren 9ko 111/2012 Foru Agindua, eta Landa Garapeneko, Ingurumeneko eta Toki Administrazioko kontseilariaren urriaren 27ko 119/2015 Foru Agindua, Erakunde Ordaintzailearen Jarraipen Batzordeko kideen egitura aldatzen duena Nafarroako Foru Komunitatean.
Azkeneko aldaketa hori abuztuaren 28ko 137/2015 Foru Dekretua onestearen ondorioz egin behar izan zen, horren bidez Landa Garapeneko, Ingurumeneko eta Toki Administrazioko Departamentuaren egitura organikoa ezarri baitzen. Aldaketa horretan, okerki, Abeltzaintza Zerbitzuko zuzendaria ez zen Erakunde Ordaintzailearen Jarraipen Batzordeko kideen artean aipatu.
Nekazaritza Bermatzeko Europako Funtsak (NBEUF) eta Landa Garapenerako Europako Nekazaritza Funtsak (LGENF) Nafarroako Foru Komunitatean finantzaturiko gastuak ordaintzen dituen erakundea baimendu eta haren antolamendua eta funtzionamendua ezartzen dituen urtarrilaren 23ko 7/2013 Foru Dekretuaren azken xedapenetako bigarrenak ahalmena ematen dio Landa Garapen, Ingurumen eta Toki Administrazioko kontseilariari, bere eskumenen barruan, foru dekretu hori garatu eta betearazteko behar diren xedapen guztiak eman ditzan.
Hortaz, bidezkoa da beste foru agindu bat prestatzea Abeltzaintza Zerbitzuko zuzendaria sartzeko Erakunde Ordaintzailearen Jarraipen Batzordeko kideen zerrendan.
Azaldutakoarekin bat, eta Nafarroako Gobernuari eta Lehendakariari buruzko abenduaren 3ko 14/2004 Foru Legearen 41.1.g) artikuluak ematen dizkidan eskudantziak erabiliz,
AGINDU DUT:
Artikulu bakarra.–Landa Garapeneko eta Ingurumeneko kontseilariaren azaroaren 9ko 486/2007 Foru Agindua aldatzea. Foru agindu horren bidez Erakunde Ordaintzailearen Jarraipen Batzordea sortu zen Nafarroako Foru Komunitatean.
Azaroaren 9ko 486/2007 Foru Aginduaren 2. artikulua aldatzen da, eta honela idatzita geldituko da:
“2. Erakunde Ordaintzailearen Jarraipen Batzordeak kide hauek izanen ditu:
1. Batzordeburua: Erakunde Ordaintzaileko zuzendaria eta Erakunde Ordaintzailearen Zerbitzuko zuzendaria.
2. Batzordekideak:
a) Landa Garapenerako Programa kudeatzen duen agintaria eta Landa Aniztasunerako eta Garapenerako Zerbitzuko zuzendaria.
b) Landa Garapeneko, Nekazaritzako eta Abeltzaintzako zuzendari nagusia.
c) Ingurumeneko eta Lurraldearen Antolamenduko zuzendari nagusia.
d) Departamentuko idazkari tekniko nagusia.
e) Nekazaritza Zerbitzuko zuzendaria.
f) Abeltzaintza Zerbitzuko zuzendaria.
g) Nekazaritzako Ustiategien eta Elikagaien Sustapenerako Zerbitzuko zuzendaria.
h) Nekazaritzako Azpiegituren Zerbitzuko zuzendaria.
i) Biodibertsitatea Zaintzeko Zerbitzuko zuzendaria.
j) Mendi Zerbitzuko zuzendaria.
k) Enpresa Sustapenaren Zerbitzuko zuzendaria.
l) Barne Auditoretzako Ataleko burua.
m) Koordinazio Ataleko burua, idazkari lanak eginen dituena.”
Azken xedapen bakarra.–Indarra hartzea.
Foru agindu honek Nafarroako Aldizkari Ofizialean argitaratu eta biharamunean hartuko du indarra.
Iruñean, 2016ko martxoaren 11n.–Landa Garapeneko, Ingurumeneko eta Toki Administrazioko kontseilaria, Isabel Elizalde Arretxea.
Iragarkiaren kodea: F1603253
