67. ALDIZKARIA - 2016ko apirilaren 8a

2. NAFARROAKO TOKI ADMINISTRAZIOA

2.2. XEDAPEN ETA IRAGARKIAK, HERRIEN ARABERA ANTOLATUAK

MARTZILLA

El Campillo industrialdeko 7. sektorearen xehetasun azterlana. Hasierako onespena

Alkatetzaren martxoaren 7ko 65/2016 Ebazpenaren bidez, hasiera batean onetsi da Talleres Serrano Cirauqui SLUk sustatutako xehetasun azterlana, helburu duena eraikuntzako gehieneko lerrokadura berria proposatzea eta egun planteatutako bolumetria handitzea El Campilllo industrialdeko 7. sektoreko UE 7.1 eta 7.2 unitateak birzatitzeko proiektutik A lurzatia banantzearen ondoriozko lurzatian.

Lurraldearen Antolamenduari eta Hirigintzari buruzko abenduaren 20ko 35/2002 Foru Legearen 76. artikuluan ezarritakoari jarraikiz, espedientea jendaurrean egonen da hogei egunean, iragarki hau Nafarroako Aldizkari Ofizialean argitaratzen denetik hasita, azter dadin eta bidezko alegazioak aurkez daitezen. Jendaurreko epean inork ez badu alegaziorik aurkezten, dokumentua behin betiko onetsiko da, bidezkoa bada.

Martzillan, 2016ko apirilaren 1ean.–Alkatea, Mario Fabo Calero.

Iragarkiaren kodea: L1603810