1. NAFARROAKO FORU KOMUNITATEA
1.7. BESTELAKOAK
38/2016 EBAZPENA, martxoaren 14koa, Energiaren, Meatzaritzaren eta Industria Segurtasunaren zuzendari nagusiak emana, aurretiko administrazio baimena ematen duena 2016an Nafarroako Foru Komunitateko zenbait udalerri eta hirigunetan gas natural kanalizatuaren sareak hedatzeko.
Gas Navarra SA enpresak, Gas erregaien banaketari eta erabilerari buruzko erregelamendu teknikoaren (uztailaren 28ko 919/2006 Errege Dekretuaren bidez onetsiaren) ITC-ICG 01eko 2. artikuluan ezarritakoa betez, administrazio baimena eskatu du Nafarroako Foru Komunitateko ondoko udalerri eta hiriguneetan gas natural kanalizatuaren sareak hedatzeko 2016. urtean: Ablitas, Agoitz, Aiegi, Alesbes, Allo, Altsasu, Andosilla, Antsoain, Aranguren, Arazuri, Arbizu, Arguedas, Arrada, Arroitz, Artaxoa, Atarrabia, Azagra, Azkoien, Bakaiku, Barañain, Barillas, Baztan, Bera, Berbintzana, Beriain, Berriobeiti, Berriozar, Bertizarana, Buñuel, Burlata, Cabanillas, Cadreita, Caparroso, Cárcar, Cascante, Castejón, Cintruénigo, Corella, Cortes, Doneztebe, Dorre, Eguesibar, Elgorriaga, Elortz, Esteribar, Etxarri Aranatz, Erriberri, Ezkabarte, Faltzes, Fitero, Fontellas, Funes, Fustiñana, Galar, Gares, Igantzi, Imarkoain, Irunberri, Iruña, Irurtzun, Ituren, Iturmendi, Itza, Kaseda, Lakuntza, Larraga, Ledea, Leitza, Lekunberri, Lerin, Lesaka, Lizarra, Lodosa, Los Arcos, Martzilla, Mélida, Mendabia, Milagro, Miranda Arga, Monteagudo, Murchante, Murillo el Cuende, Murillo el Fruto, Noain, Oibar, Olazti, Oltza, Orkoien, Ororbia, Oteitza, Ribaforada, San Adrián, Santakara, Sartaguda, Sesma, Sunbilla, Tafalla, Tebas-Muru Artederreta, Tutera, Tulebras, Uharte, Uharte Arakil, Urdiain, Valtierra, Viana, Villatuerta, Zangoza, Zarrakaztelu, Ziordia, Zizur Nagusia, Zizur Txikia, Zulueta.
Eskaera jendaurrean jarri zen, iragarkia 2016ko 24. Nafarroako Aldizkari Ofizialean argitaratuz, otsailaren 5ean, bai eta Diario de Navarra eta Diario de Noticias egunkarietan ere, 2016ko otsailaren 11n. Epe horretan ez da alegaziorik aurkeztu.
Proiektuaren oinarrizko datuak honako hauek dira:
Eskaeran aurreikusitako instalazioak egungo gas naturalaren sareen hedapen eta aldaketak dira, 2016. urteari dagozkionak. Sare hauen jardueraren gehieneko presioa 5 bar edo gutxiagokoa da. Gas Navarra SAk egin du proiektua, eta ez dira bertan sartu berariazko proiektua izan duten edo izanen duten sareak.
Sare horiek 21.853 metroko luzera dute, guztira.
Aurrekontua milioi bat zazpiehun eta hiru mila zazpiehun eta hamasei euro eta hogeita zortzi zentimokoa da (1.703.716,28 euro).
Adierazitakoarekin bat, Industriaren, Energiaren eta Berrikuntzaren zuzendari nagusiak urtarrilaren 15ean emandako 48/2016 Ebazpenaren bidez eskuordetu dizkidaten eskumenak erabiliz (2016ko 20. Nafarroako Aldizkari Ofiziala, otsailaren 1ekoa), eta Nafarroako Foru Komunitateko Administrazioari buruzko abenduaren 3ko 15/2004 Foru Legearen 22. eta 36. artikuluetan ezarritakoa betez,
EBATZI DUT:
1. Gas Navarra SA enpresari baimena ematea aipatu diren udalerri eta hiriguneetan gas natural kanalizatuaren sareak hedatzeko instalazioak gauzatzeko 2016. urtean.
2. Gas Navarra SAk, 2017ko lehen hiruhilekoan, 2016an egindako lanen dokumentazio teknikoa jasotzen duen proiektua aurkeztuko du zuzendaritza nagusi honetan, bakoitza zerbitzuan jartzeko eguna zehaztuta.
3. Enpresak bi hilabeteko epean 34.074,32 euroko bermea jarri beharko du, espedientean agertzen diren instalazioen aurrekontuaren %2, bere eginbeharrak beteko dituela ziurtatzeko. Bermea Nafarroako Gobernuko Ekonomia, Ogasun, Industria eta Enplegu Departamentuan jarri beharko da eta instalazioak abian jartzeko akta egin ondoren itzuliko zaio enpresari.
4. Enpresak Hidrokarburoen Sektoreari buruzko Legearen 74. artikuluan eta bereziki d) idatz-zatian aipatzen diren eginbeharrak beteko ditu. Artikulu horren indarrez Gas Navarra SA beharturik dago banaketa instalazioak handitzera eta loturak erraztera baimen bakoitzaren eremu geografikoan, berdintasun baldintzetan.
5. Baimenaren titularrak abenduaren 27ko 1434/2002 Errege Dekretuaren 10. artikuluan aipatzen diren eskubideak eta baldintzak izanen ditu, banatzailea den aldetik. Dekretu horren bidez arautzen dira gas naturala garraiatu, banatu eta merkaturatzeko jarduerak eta instalazioak baimentzeko prozedurak.
6. Baimen hau ematen da beharrezkoak diren kontzesioak eta baimenak galarazi gabe, aplikatzekoak diren bestelako xedapenen, sektoreko legeriaren eta, bereziki, lurraldearen antolamenduari eta ingurumenari buruzko xedapenen arabera.
7. Ebazpen hau Gas Navarra SAri jakinaraztea (Gipuzkoako etorbidea, 40, 1. solairua; 31012 Iruña), eta ohartaraztea administrazio bidea amaitzen ez duen ebazpen honen aurka gora jotzeko errekurtsoa jar daitekeela, Garapen Ekonomikorako kontseilariari zuzendua, hilabeteko epean, jakinarazi eta biharamunetik aurrera. Hartan espediente zenbakia adierazi beharko da.
8. Ebazpen hau Nafarroako Aldizkari Ofizialean argitaratzea, denek jakin dezaten.
Iruñean, 2016ko martxoaren 14an.–Energiaren, Meatzaritzaren eta Industria Segurtasunaren Zerbitzuko zuzendaria, Jesús Lasa Equiza.
Iragarkiaren kodea: F1603233