52. ALDIZKARIA - 2016ko martxoaren 16a

1. NAFARROAKO FORU KOMUNITATEA

1.5. ESTATUTUAK ETA LAN HITZARMEN KOLEKTIBOAK

10C/2016 EBAZPENA, otsailaren 22koa, Politika Ekonomiko eta Enpresarialaren eta Lanaren zuzendari nagusiak emana. Honen bidez erabakitzen da Leitzako Sarrió Papel y Celulosa SA enpresaren hitzarmen kolektiboko soldaten berrikuspenari buruzko akordioa erregistratu, gorde eta Nafarroako Aldizkari Ofizialean argitaratzea.

Ikusirik Leitzako Sarrió Papel y Celulosa SA enpresaren hitzarmen kolektiboko soldaten berrikuspenari buruzko akordioaren testua (kodea: 31008142012002, 2016. urteari dagokiona), Erregistroan 2016ko otsailaren 19an sartu zena eta enpresaren ordezkariek eta enpresako sindikatuen ordezkariek 2016ko otsailaren 11n sinatu zutena; Langileen Estatutuari buruzko legearen testu bategina onesten duen urriaren 23ko 2/2015 Legegintzako Errege Dekretuaren 90. artikuluko 2. eta 3. idatz-zatietan eta lan hitzarmen eta akordio kolektiboak erregistratu eta gordetzeari buruzko maiatzaren 28ko 713/2015 Errege Dekretuan xedatutakoarekin bat,

EBATZI DUT:

1. Nafarroako Lan Hitzarmen eta Akordio Kolektiboen Erregistroan inskribatzeko agintzea.

2. Nafarroako Aldizkari Ofizialean argitaratzeko agintzea, denek jakin dezaten.

Iruñean, 2016ko otsailaren 22an.–Politika Ekonomiko eta Enpresarialaren eta Lanaren zuzendari nagusia, Izaskun Goñi Razquin.

AKTA

Zuzendaritza:

–Jordi Serra Vilà jauna.

–Rafael Reina Vélez jauna.

Enpresa Batzordea:

–Mikel Aguirretxe Ibarbia jauna.

–Aratz Barandiaran Olaetxea jauna.

–Jose Manuel Morales Campos jauna.

–Juan Bautista Razkin Rodríguez jauna.

–Haritz Zabaleta Juantorena jauna.

–Aiert Zubillaga Buruntza jauna.

–Felix Fernandez Bikuña jauna.

–Emilio Bustos Garrido jauna.

–Jesus Oiartzun Sagastibeltza jauna.

–Jose Javier Bazterrica Mutuberria jauna.

Leitzan, 2016ko otsailaren 11ko 11:00etan, bazterrean zerrendatzen diren jaun-andreak elkartu dira, lantoki honetako Zuzendaritzaren eta Enpresa Batzordea ordezkatuz.

Gai zerrenda:

1. 2016rako enpresako hitzarmen kolektiboaren soldaten berrikuspena.

Ordezkari sindikala.

–Izaskun Eraso Goikoetxea andrea.

–Asier Zubillaga Gaztañaga jauna.

1. Enpresako hitzarmen kolektiboaren 2016rako soldaten berrikuspena.

Enpresa zuzendaritzak eta enpresa batzordeak solaskide izateko gaitasuna aitortzen diote elkarri, eta honako hau erabaki dute:

2015. urtean, %0,0 onartzea Kontsumoko Prezioen Indize gisa.

2. eta 3. eranskinetako taulak egitea, 17. artikuluan (Ordainsarien sistema, 2016ko igoera) xedatutakoarekin bat:

“2015eko igoeraren ondoriozko soldata taulei (2. eranskina) aplikatuko zaie 2015eko KPIaren eta 0,50eko murrizketa linealaren arteko diferentziaren ondoriozko portzentajea”.

Aipatutako 17. artikuluko azkeneko paragrafoari loturik, 2015eko apirilaren 21eko testuaren arabera:

“Epe horretako diferentzia negatiboa bada, aurreko urteko KPIa aplikatuko da. Dena dela, kontuan hartu beharreko aldian aplikatu beharreko igoera ezin da %0,5etik beherakoa izan hitzarmenaren indarraldiko urte guztietan”.

Hau da, taulak %0,5 igotzea.

Aipatu berri diren irizpideen arabera egindako taulak onestea.

Enpresako zuzendaritzari emanen zaio hitzarmeneko soldaten berrikuspen honen aurkezpena lan agintaritza eskudunaren aurrean kudeatzearen ardura, hitzarmena legezko moduan erregistratu, gorde eta argitaratzeko.

Batzordea Zuzendaritza

TAULAK

2016. urteko soldata-taulak (PDF).

Urteko soldata gordin teorikoaren taula, antzinatasunaren arabera, 2016 (PDF).

Iragarkiaren kodea: F1602407