1. NAFARROAKO FORU KOMUNITATEA
1.4. DIRU-LAGUNTZAK, LAGUNTZAK ETA BEKAK
LANDA GARAPENEKO, INGURUMENEKO ETA TOKI ADMINISTRAZIOKO DEPARTAMENTUA. Martxoaren 3ko 300/2016 Ebazpenaren laburpena. Haren bidez, eskoletan fruta jateko planaren bigarren aldian (2015-2016 ikasturteko hamar astetan) Nafarroako Foru Komunitateko ikastetxeetan frutak eta barazkiak banatzeko diru-laguntzen oinarri arautzaileak eta deialdia onesten dira.
Diru-laguntzei buruzko azaroaren 17ko 38/2003 Lege Orokorrari buruzko 17.3.b eta 20.8 artikuluetan aurreikusitakoari jarraituz, argitara ematen da deialdiaren laburpena; horren testu osoa Diru-laguntzen Datu Base Nazionalean kontsulta daiteke (http://www.pap.minhap.gob.es/bdnstrans/index). BDNS (identifikazioa): 301924.
Lehendabizikoa.–Onuradunak.
Eskoletan fruta jateko planaren bigarren aldian (2015-2016 ikasturteko hamar astetan) Nafarroako Foru Komunitateko ikastetxeetan fruta banatzeko baimenduta dauden hornitzaileak.
Bigarrena.–Xedea.
Ebazpen honen xedea da ezartzea eskoletan fruta jateko planaren oinarri arautzaileak eta onestea eskoletan fruta jateko planaren bigarren aldirako (2015-2016 ikasturteko hamar astetan) Nafarroako Foru Komunitateko ikastetxeetan frutak banatzeko laguntzen deialdia.
Hirugarrena.–Oinarri arautzaileak.
Oinarri arautzaileak martxoaren 3ko 300/2016 Ebazpenean daude sartuta. Ebazpen hori Nafarroako Aldizkari Ofizialean argitaratu da.
Laugarrena.–Zenbatekoa.
Eskoletan fruta jateko plana aplikatzearen kostua Europar Batasunak (%75) eta Nafarroako Foru Komunitateak (%25) kofinantzatuko dute. Landa Garapeneko, Ingurumeneko eta Toki Administrazioko Departamentuak 35.010,00 euroko aurrekontua aurreikusi du 2015-2016 ikasturtean eskoletan fruta banatzeko planaren bigarren aldirako. Onuradun bakarra izanen da: fruta banatzeko hornitzaile baimendua.
Bosgarrena.–Eskaerak aurkezteko epea.
Eskaerak ebazpen hau Nafarroako Aldizkari Ofizialean argitaratu eta hurrengo 10 egun naturaleko epean aurkeztuko dira.
Seigarrena.–Beste datu batzuk.
Horniketa Haur Hezkuntzako 2. zikloko (3-6 urte) 10.300en bat ikaslerentzat eginen da, Hezkuntza Departamentuak planean parte hartzeko hautatutako 126 eskoletakoak, bai eta Lehen Hezkuntzako 1. zikloko (6-9 urte) 1.200en bat ikaslerentzat ere, Nafarroako batez bestekotik gorako obesitate tasa duten eskualdetako ikastetxetakoak.
Iruñean, 2016ko martxoaren 3an.–Landa Garapeneko, Nekazaritzako eta Abeltzaintzako zuzendari nagusia, Ignacio Gil Jordán.
Iragarkiaren kodea: F1602884
