1. NAFARROAKO FORU KOMUNITATEA
1.4. DIRU-LAGUNTZAK, LAGUNTZAK ETA BEKAK
HEZKUNTZA DEPARTAMENTUA. Hezkuntzako zuzendari nagusiaren otsailaren 25eko 46/2016 Ebazpenaren laburpena. Horren bidez, 27 beka gehitzeko dei egin eta baimena ematen da Hezkuntza Departamentuaren menpeko ikastetxe publikoetako goi mailako lanbide heziketako ikasleentzat, “FONTELLAS” izeneko deialdiaren eta proiektuaren barrenean, “Erasmus+” programaren esparruan.
Oharra: Testu osoa Diru-laguntzen Datu Base Nazionalean kontsultatu daiteke, hemen: (http://www.pap.minhap.gob.es/bdnstrans/index). BDNS (identifikazioa): 301629.
Hezkuntzako zuzendari nagusiaren otsailaren 25eko 46/2016 Ebazpenean aurreikusiari jarraikiz, deialdiaren laburpena argitaratzen da, horren testu osoa Diru-laguntzen Datu Base Nazionalean kontsultatzen ahal baita. Ebazpen horren bidez, 27 beka gehitzeko dei egin eta baimena ematen da Hezkuntza Departamentuaren menpeko ikastetxe publikoetako goi mailako lanbide heziketako ikasleentzat, “FONTELLAS” izeneko deialdiaren eta proiektuaren barrenean, “Erasmus+” programaren esparruan.
Lehendabizikoa.–Onuradunak: “Cara Erasmus” duten Nafarroako Foru Komunitateko ikastetxe publikoetako lanbide heziketako goi mailako zikloetako ikasleak.
Bigarrena.–Xedea. Xedea da Europako enpresetan prestakuntza egonaldietarako 27 beka gehiago ematea.
Hirugarrena.–Oinarri arautzaileak. Oinarri arautzaileak Hezkuntzako kontseilariaren apirilaren 3ko 31/2012 Foru Aginduan ezarri ziren, ikastetxe publikoetako Lanbide Heziketako eta Arte Plastikoetako eta Diseinuko Irakaskuntzetako ikasle eta irakasleen atzerriko prestakuntza egonaldiak arautzen baititu. Tramitazioa Nafarroako Gobernuaren Zerbitzuen katalogoaren bidez eginen da.
Laugarrena.–Zenbatekoa. Gehieneko zenbatekoa 29.200 eurokoa izanen da eta inskripzioa martxoaren lehendabiziko hamabostaldian izanen da.
Iruñean, 2016ko martxoaren 3an.–Hezkuntzako zuzendari nagusia, Estebe Petrizan Iriarte.
Iragarkiaren kodea: F1602785
