2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
ARAIZKO, ARESOKO, BETELUKO, LARRAUNGO ETA LEKUNBERRIKO KIROL MANKOMUNITATEA
Batzar Orokorrak 2016ko otsailaren 24an hartutako erabakia, 2016an kirol jarduerak sustatzeko diru-laguntzen
deialdia egiten duena. Laburpena
Diru-laguntzei buruzko azaroaren 17ko 38/2003 Lege Orokorraren 17.3.b eta 20.8.a artikuluetan ezarritakoari jarraituz, argitara ematen da deialdiaren laburpena; horren testu osoa Diru-laguntzen Datu Base Nazionalean kontsulta daiteke (http://www.pap.minhap.gob.es/bdnstrans/index). BDNS (identifikazioa): 301980.
Lehendabizikoa.–Onuradunak.
Diru-laguntza eskatu ahalko dute legez eratutako kirol klubek, egoitza Mankomunitatearen udalerrietako edozeinetan badute eta Nafarroako Gobernuko Kirol Entitateen Erregistroan eta Entitateen Udal Erregistroan inskribaturik badaude.
Bigarrena.–Xedea.
Laguntzak emateko deialdi honen xedea da kirol kluben parte hartzea sustatzea, Mankomunitatearen iritziz interesekotzat jotzen diren kirol jarduerak bultzatzeko eskola-umeen artean.
Laguntzak emanen zaizkie kirol klubei 2015-2016 denboraldiko gastuetarako, hau da 2015eko abuztuaren 1etik 2016ko uztailaren 31 bitarte egindako edozein jardueretarako.
Oinarri hauetan ezarritako baldintzez gain, Diru-laguntzei buruzko azaroaren 17ko 38/2003 Lege Orokorrean xedatua aplikatuko da, baita Diru-laguntzei buruzko Lege Orokorraren Erregelamendua onesten duen uztailaren 21eko 887/2006 Errege Dekretuan xedatua ere.
Hirugarrena.–Oinarri arautzaileak.
Mankomunitatea osatzen duten udaletan eskuratu ahalko dira, hau da: Araizko, Aresoko, Beteluko, Larraungo eta Lekunberriko udaletan.
Laugarrena.–Zenbatekoa.
Mankomunitatearen 2016ko aurrekontuen arabera, diru-laguntzen deialdi honetan gehienez ere 8.500 euro esleituko dira.
Bosgarrena.–Aurkezteko epea.
Eskaerak aurkezteko epea 30 egun naturalekoa izanen da, oinarri hauek Nafarroako Aldizkari Ofizialean eta Mankomunitatea osatzen duten udalen iragarki-oholetan argitaratu eta biharamunetik hasita.
Betelun, 2016ko martxoaren 7an.–Idazkari eta kontu-hartzailea, Joanes Aleman Ollo.
Iragarkiaren kodea: L1602864
