2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
JAITZ
Tokiko ehiza barrutia eratzeko proiektua
Jaizko Udalak tokiko ehiza barrutia eratzeko proiektua sustatu du, Nafarroako Ehizari eta Arrantzari buruzko abenduaren 22ko 17/2005 Foru Legean xedatua aplikatuz. Argitara ematen da, Herri Administrazioen Araubide Juridikoari eta Administrazio Prozedura Erkideari buruzko 30/1992 Legearen 59. eta 60. artikuluak aplikatu beharrez, eta ohartarazten da espedientea udal bulegoetan egonen dela jendaurrean, hamabortz egun baliodunean, iragarki hau Nafarroako Aldizkari Ofizialean argitaratu eta biharamunetik hasita, barrutian sartu beharreko lurren jabeek aukera izan dezaten lurrak barruti horretan sartzeari uko egiteko.
Barrutian sartu beharreko mugapea: Jaizko Udala, Muezko Kontzejua eta Gesalazko Udalaren ardurapean ziren Kontzejuak: Iruxo, Biguria eta Arzotz.
Jaitzen, 2016ko otsailaren 19an.–Alkatea, Francisco Javier Eraso Azqueta.
Iragarkiaren kodea: L1602126