33. ALDIZKARIA - 2016ko otsailaren 18a

2. NAFARROAKO TOKI ADMINISTRAZIOA

2.2. XEDAPEN ETA IRAGARKIAK, HERRIEN ARABERA ANTOLATUAK

ABLITAS

Zinegotzi delegatuen izendapena

Ablitasko Udaleko alkate udalburuak urtarrilaren 29an emandako 11/2016 Ebazpenaren bidez, Ablitasko Udaleko zinegotzi delegatuen izendapena egiten da.

Ikusirik Toki Araubidearen Oinarriei buruzko Legearen 23. artikuluan eta Toki Entitateen Antolaketaren eta Funtzionamenduaren gaineko Erregelamenduaren 43. artikuluak alkateari ematen dizkioten ahalmenak.

EBATZI DUT:

Lehenbizikoa.–Alkatetzari halako alor batzuetan dagozkion eskumenak, inoren eskuan utz ez daitezkeenak salbu, zinegotzi hauen eskuan uztea:

–Ángel Sola Corral: Nekazaritza, Abeltzaintza, Parke eta Lorategietako zinegotzia.

–Paulino Javier Calvo Sandúa: Ekonomia eta Ogasuneko zinegotzi delegatua.

–María Isabel Gonzalo Romano: Gazteria eta Herritarren Partaidetzako zinegotzi delegatua.

–Sheila Martínez González: Hezkuntza eta Kulturako zinegotzi delegatua.

–Antonio Melero Melero: Kiroletako eta Bestetako zinegotzi delegatua.

Esku emate hauetan sartzen da bai zerbitzuak zuzentzeko ahalmena bai haien kudeaketa orokorra, hirugarrenei eragiten dieten administrazio egintzen bidez ebaztekoa barne.

Segundo.–Ana Isabel Tambo Escribanoren ordezkaritza zabaltzea Osasuna eta Gizarte Ongizatearen arlora.

Hirugarrena.–Zinegotzi delegatuei jakinaraztea Alkatetza honek, AFEaren 115. artikulua betez, informazioa jasoko duela haien eskuan utzitako eginkizunen kudeaketaz eta eskuordetzea erabiliz emandako egintzez eta xedapenez. Orobat, erabaki garrantzizkoak hartu behar direnean, Alkatetzari aitzinetik emanen zaio horren berri. Alkatetza honek eskuordetzea ezeztatzen edo aldatzen ahalko du, eginkizunetako ordezpena emateko erabili diren formalitate berberen bidez. Delegatuen egintzak Alkatetza esku emaileak egintzat hartuko dira. Horrenbertzez, Alkatetzak ebatzi beharko ditu egintza horien kontra aurkezten diren berraztertzeko errekurtsoak.

Laugarrena.–Ebazpen hau zinegotzi interesdunei jakinaraztea eta Udalbatzari ebazpenaren berri ematea.

Ebazpen honen aurka aurkeztu ahalko dira:

1.–Nahi bada berraztertzeko errekurtsoa, ebazpen hau eman duen organoari zuzendua, hilabeteko epean, Nafarroako Aldizkari Ofizialean argitaratu eta biharamunetik hasita.

2.–Administrazioarekiko auzi-errekurtsoa, zuzenean arlo bereko epaitegiari zuzendua, bi hilabeteko epean, ebazpen hau Nafarroako Aldizkari Ofizialean argitaratu eta biharamunetik aitzina, Administrazioarekiko auzien jurisdikzioa arautzen duen uztailaren 13ko 29/1998 Legeko 8.1 artikuluak agintzen duenaren arabera.

3.–Orobat, eta aukeran, zuzenean gora jotzeko errekurtsoa, Nafarroako Administrazio Auzitegiari zuzendua, hilabeteko epean, ebazpen hau Nafarroako Aldizkari Ofizialean argitaratu eta biharamunetik hasita.

Ablitasen, 2016ko otsailaren 3an.–Alkate udalburua, Cecilio Antón Ruiz.

Iragarkiaren kodea: L1601365