33. ALDIZKARIA - 2016ko otsailaren 18a

1. NAFARROAKO FORU KOMUNITATEA

1.5. ESTATUTUAK ETA LAN HITZARMEN KOLEKTIBOAK

1C/2016 EBAZPENA, urtarrilaren 4koa, Politika Ekonomiko eta Enpresarialaren eta Lanaren zuzendari nagusiak emana, Bartzelonako FCC Aqualia SA enpresaren hitzarmen kolektiboa erregistratu, gorde eta Nafarroako Aldizkari Ofizialean argitaratzea erabakitzen duena, Mairagako Mankomunitateko ur hornidura eta saneamenduko instalazioen mantentze, zainketa, ustiapen, garbiketa eta konponketa zerbitzu publikoaren kudeaketarako kontratuari atxikitako langileentzat.

Bartzelonako FCC Aqualia SA enpresaren hitzarmen kolektiboaren testua (31006972011999 kode zenbakia) aztertu da, Mairagako Mankomunitateko ur hornidura eta saneamenduko instalazioen mantentze, zainketa, ustiapen, garbiketa eta konponketa zerbitzu publikoaren kudeaketarako kontratuari atxikitako langileentzat baita, erregistro honetan 2015eko abenduaren 24an sartu zena eta enpresaren ordezkariek eta sindikatuen ordezkariek 2015eko abenduaren 22an izenpetu zutena, Langileen Estatutuari buruzko Legearen Testu Bategina onetsi zuen urriaren 23ko 2/2015 Legegintzako Errege Dekretuaren 90. artikuluaren 2. eta 3. idatz-zatietan eta Hitzarmen Kolektiboen Erregistro eta Gordailuei buruzko maiatzaren 28ko 713/2010 Errege Dekretuan ezarritakoaren arabera,

EBATZI DUT:

1. Nafarroako Lan Hitzarmen eta Akordio Kolektiboen Erregistroan inskribatzeko agintzea.

2. Nafarroako Aldizkari Ofizialean argitaratzeko agintzea, orok jakin dezan.

Iruñean, 2016ko urtarrilaren 4an.–Politika Ekonomiko eta Enpresarialaren eta Lanaren zuzendari nagusia, Izaskun Goñi Razquin.

FCC AQUALIA SA ENPRESAREN LAN HITZARMEN KOLEKTIBOA, MAIRAGAKO MANKOMUNITATEKO (NAFARROA) UR HORNIDURA ETA SANEAMENDUKO INSTALAZIOEN MANTENTZE, ZAINKETA, USTIAPEN, GARBIKETA ETA KONPONKETA ZERBITZU PUBLIKOAREN KUDEAKETARAKO KONTRATUARI ATXIKITAKO LANGILEENTZAT, 2015., 2016. ETA 2017. URTEETARAKO

I. KAPITULUA

Aplikazio eremua

1. artikulua. Hitzarmen kolektibo honen eraginpeko alderdiak zehaztea.

Lan hitzarmen kolektibo hau FCC Aqualia SA enpresaren ordezkarien eta FCC Aqualia SA enpresak Mairagako Mankomunitatearekin (Nafarroa) duen kontratuari atxikitako langileen legezko ordezkaritzaren arteko negoziazioaren eta akordioaren emaitza da. Kontratua Mairagako Mankomunitateko (Nafarroa) ur hornidura eta saneamenduko instalazioen mantentze, zainketa, ustiapen, garbiketa eta konponketa zerbitzu publikoaren kudeaketarako da.

2. artikulua. Langileria eta eremu funtzionala.

Lan hitzarmen kolektibo honek FCC Aqualia SA enpresaren eta FCC Aqualia SA enpresak Mairagako Mankomunitatearekin (Nafarroa) duen kontratuari atxikitako langileen arteko lan-harremanak arautuko ditu. Kontratu hori Mairagako Mankomunitateko (Nafarroa) ur hornidura eta saneamenduko instalazioen mantentze, zainketa, ustiapen, garbiketa eta konponketa zerbitzu publikoaren kudeaketarako da.

3. artikulua. Lurralde esparrua.

Lan hitzarmen kolektibo honek FCC Aqualia SA enpresaren eta FCC Aqualia SA enpresak Mairagako Mankomunitatearekin (Nafarroa) duen kontratuari atxikitako langileen arteko lan-harremanak arautuko ditu. Kontratu hori Mairagako Mankomunitateko (Nafarroa) ur hornidura eta saneamenduko instalazioen mantentze, zainketa, ustiapen, garbiketa eta konponketa zerbitzu publikoaren kudeaketarako da.

4. artikulua. Iraunaldia.

Lan hitzarmen kolektibo hau sinatzen den egunetik 2017ko abenduaren 31ra aplikatuko da, eta 2017ko abenduaren 31n automatikoki geldituko da salaturik. Nolanahi ere, ondorio ekonomikoak 2015eko urtarrilaren 1etik izanen ditu.

Alderdiek hitza ematen dute hitzarmen honen negoziazio-mahaia gehienez ere hilabeteko epean eratzeko aurreko paragrafoan adierazitako hitzarmen kolektiboa bukatzen den egunetik hasita.

Hitzarmen kolektiboa salaturik, horrek aurreraeragina izanen du indarraldia bukatu eta gehienez ere hiru urteko epean, hau da, 2020ko abenduaren 31ra arte, eta muga-urteari (2017. urtea) dagozkion behin betiko ordainsariak izanen ditu.

Hitzarmen berriaren negoziazio aldian, hitzarmen kolektiboak indarraldiari eutsiko dio ezarritako behin betiko ordainsariekin, 2017ko urteari baitagozkio.

5. artikulua. Konpentsazioa eta irenspena.

Lan hitzarmen kolektibo honetan itundutako baldintzek aurretik langileek izan ditzaketenak irentsi eta konpentsatu egiten dituzte, lehengo baldintzek edonolako jatorria izanik ere: legea, hitzarmen kolektiboak edo bestelako itun banako edo kolektiboak.

Era berean, aldeek erabaki dute aurretik egon zitekeen edozein lan baldintza hitzarmen honen ondoriozkoekin trukatzea.

6. artikulua. Enpresaburuaren subrogazioa.

Edateko urak eta hondakin urak hartu, goratu, eraman, tratatu, banatu, saneamendua egin eta arazteko industrien Estatuko 2015, 2016 eta 2017ko hitzarmen kolektiboaren 53. artikuluan (subrogazio konbentzionalaren klausula) xedatuari jarraituko zaio (Estatuko Aldizkari Ofizialean argitaratu zen, 2015eko azaroaren 4an, eta egun indarrean dago), bai eta hura ordeztuko duen hitzarmen kolektiboan horretaz ezarriko den etorkizuneko arauan xedatuari ere.

II. KAPITULUA

Lanaren antolaketa

7. artikulua. Arau orokorra.

Lanaren antolaketa teknikoa eta praktikoa enpresari dagokio, ez beste inori, hori erabiltzen ahalko baitu legeetan ezarritakoari jarraikiz.

Uneoro, enpresak bere ekoizpen sistemak egoera teknologikoetara moldatuko ditu, eta langileak prozedura berriak garatu eta aplikatzeko prestatzea lehenetsiko du. Betiere, prozedura berriek ez diete eskuratutako eskubide ekonomiko edo bestelakoei kalte eginen.

8. artikulua. Plantilla.

Enpresak esleiturik duen zerbitzu publikoa zuzen betetzeko unean-unean behar den langile kopurua izanen da.

9. artikulua. Lana betetzea.

Langileak agindu zaizkion eginkizunak zuzen betetzeko lan guztiak ezagutu eta bete beharko ditu, bere lanbide kategoriari dagokion moduan.

10. artikulua. Mailaz igotzea.

Enpresaren irizpideekin bat gertatuko dira maila igoerak, honako hauek kontuan hartuz: langilearen prestakuntza, merezimenduak, antzinatasuna eta enpresak bete behar duen zerbitzuaren antolaketarako beharrak.

11. artikulua. Dedikazio osoa lanari.

Lanaldiaren barnean kategoria bereko edo beheragoko zenbait lanposturen eginkizunak betetzen ahal badira, langile bakar bati agindu ahalko zaizkio, bere lanaldi osoa horretan emateraino. Beharrezko neurria da langile guztien produktibitate hoberena lortzeko. Agintzen den lana ez da ez iraingarria ez gutxiesgarria izanen.

III. KAPITULUA

Batzorde paritarioa

12. artikulua. Batzorde Paritarioa.

Hitzarmen kolektibo honetan erabakitakoa aplikatu, bete eta interpretatzeko batzorde paritarioa eratuko da, hitzarmenaren negoziazioan izandako parte-hartzaileekin. Langileen eta enpresaren ordezkariek osatuko dute.

Bi aldeetako batek hala eskatuta elkartuko da batzordea, hogei eguneko epean, eta zitazioan eguneko gaiak aipatu beharko dira.

Batzordearen erabakiak baliodunak izateko bi aldeen adostasuna beharko da.

Batzorde Paritarioaren eginkizunak:

I.–Hitzarmen honen klausula guztien aplikazioa interpretatzea.

II.–Itundutakoa betetzen den zaintzea.

III.–Indarreko araudian ezarritakoak.

IV.–Hitzarmenaren eraginkortasun praktikoa hobetzen duten beste jarduera guztiak.

Batzordeak landutako gaien inguruko ebazpena emanen du, adostasuna egon edo ez, hamar egun naturaletan, bileraren egunetik zenbatzen hasita. Alderdiak bat etorririk eta ebazpena akordiorik gabe eman ondoan, alderdiek desadostasunak Laneko Gatazken Konponbide Autonomorako V. Akordioaren menpe jar ditzakete (auzibidetik kanpoko sistema).

Batzorde paritarioaren eginkizunak ez dira inoiz ere oztopo izanen jurisdikzio eskuduna, indarrean den araudiarekin bat, askatasunez jarduteko.

Alderdiek erabaki dute Laneko Gatazken Konponbide Autonomorako V. Akordioaren menpe jartzea (auzibidetik kanpoko sistema), Langileen Estatutuaren 82-3) artikuluak aipatzen dituen lan baldintzak ez aplikatzeko sor daitezkeen desadostasunak konpontzeko eraginkortasunez. Alderdiek ez dute auzia jarriko nahitaezko arbitrajearen menpe.

IV. KAPITULUA

Lanbide sailkapena

13. artikulua. Lanbide-sailkapena eta lanbide-taldeak.

Lanbide-sailkapenaren ondorioetarako, Edateko urak eta hondakin urak hartu, goratu, eraman, tratatu, banatu, saneamendua egin eta arazteko industrien Estatuko 2015, 2016 eta 2017ko hitzarmen kolektiboa aplikatuko da (Estatuko Aldizkari Ofizialean argitaratu zen, 2015eko azaroaren 4an, eta egun indarrean dago), bai eta hau ordeztuko duen hitzarmen kolektiboan horretaz ezarriko den etorkizuneko araua ere.

V. KAPITULUA

Lanaldia. Aparteko orduak eta oporrak

14. artikulua. Lanaldia.

Lan hitzarmen kolektibo honen menpeko langileen urteko lanaldiak 1.752 benetako lan ordu izanen ditu, eta 2016ko urtarrilaren 1etik aurrera, 1.744 ordu.

Enpresak lanaldia betetzeko modua malgutu ahalko du, ematen duen zerbitzu publikoaren beharretara moldatutako banaketa eginez. Langileek malgutasun hori dela eta beren ohiko lanaldia luzatzen badute, ezarritako urteko lanaldiaren arabera eginen dute.

Lanaldiaren luzapena atseden denborarekin konpentsatuko da, eta honako irizpide hau aplikatuko da kasu bakoitzean:

–8:00ak eta 22:00ak artean egindako ordu bakoitzeko atseden ordu bat emanen da.

–22:00ak eta biharamuneko 8:00ak artean egindako ordu bakoitzeko atseden ordu bi emanen dira.

Lanaldiaren murrizketa horiek enpresaren egungo sistemari kalterik ez egiteko, langileek konpromisoa hartzen dute enpresak ezarritako egun eta ordutegietan lanean jarduteko, urteko lanaldia langileen lan sistemetara moldatze aldera, betiere lan baldintzak nabarmenki aldatu gabe eta langile berririk hartu gabe.

15. artikulua. Aparteko orduak.

Aparteko orduak dira ohiko lanaldiaren gehieneko iraupenaren gainetik egiten direnak. Honako hauek dira:

–Egunekoak: 8:00ak eta 22:00ak artean egindakoak. Ohiko lan ordua baino %75 gehiago ordainduko dira.

–Gauekoak: 22:00ak eta 8:00ak artean egindakoak. Ohiko lan ordua baino %100 gehiago ordainduko dira.

–Jaiegunekoak: igandeetan edo ezarritako 14 jaiegunetan egindakoak. Ohiko lan ordua baino %140 gehiago ordainduko dira.

Egiturazko aparteko ordutzat hartuko dira honelako arrazoiengatik egindakoak: produkzio behar handiko uneak, ustekabeko absentziak, txanda aldaketak, matxurez arduratzea eta horiei aurrea hartzea eta enpresaren jarduerak sortutako egiturazko beste inguruabar batzuk. Halaber, bereziki aintzat hartuko dira ezinbesteko arrazoiengatik egindakoak.

16. artikulua. Oporrak.

Hitzarmen honetan sartzen diren langileek 30 egun naturaleko oporraldirako eskubidea izanen dute. Ahal dela, egun guztiak batera hartuko dira, datak enpresarekin adostuta, eta zerbitzuaren beharrak beteko direla kontuan hartuta.

Enpresak, langileen ordezkariekin batera, txanda sistema bat ezarriko du oporrak hartzeko. Txandak aldatu eginen dira.

Langileak ez badu artikulu honetako lehenbiziko lerroaldeko ahalmena baliatzen, enpresa eta langilearen artean adostuko dute oporraldi osoa, urtearen edozein hiletan, betiere zerbitzuaren beharrak errespetatuz.

Langilea urtarrilaren 1a baino geroago sartu bada enpresan, oporraldia abenduaren 31 baino lehen hartuko du, benetan lan egindako asteen arabera. Astearen zatiak astebete gisa hartuko dira.

Oporrak lanegunean hasiko dira. Langileen oporraldian zerbitzuaren beharrak bete daitezen, enpresek zerbitzuak berrantolatzeko ahalmena izanen dute.

Oporren ordainsaria izanen da hitzarmen kolektibo honetan erantsitako soldata taulako “hileko soldata, guztira” izenekoan jarritako zenbatekoa.

VI. KAPITULUA

Araubide ekonomikoa

17. artikulua. Printzipio orokorra.

Hitzarmen honetako ordainsariek eta gainerako baldintzek erabat deusezten dituzte aurreko baldintza guztiak, jatorrian hitzarmen lan hitzarmen kolektiboa, araua, ituna edo banaka aitortutako baldintzak izanik ere, eta izan zitezkeen lansari eta lanez kanpoko sarien zergatia edozein izanik ere. Beraz, hitzarmen honetan ezarritako sariak geldituko dira soilik, eta ezin izanen dira beste batzuk ezarri, jatorria edozein izanik ere, zeren izan zitezkeenak edo etorkizunean izan daitezkeenak konpentsatu eta irentsiko dituzte. Nominak horien arabera eguneratuko dira.

18. artikulua. Oinarrizko soldata.

Oinarrizko soldata hitzarmen kolektibo honetan erantsitako tauletan dago ezarrita lanbide talde bakoitzerako eta soldata maila bakoitzerako.

19. artikulua. Antzinatasuna (moldaketa).

2000ko abenduaren 31n langileek antzinatasunagatik jasotzen zituzten zenbatekoak banaka finkatuak gelditu dira. Beraz, zenbatekoak finkoak dira, eta ez da diru kopuru gehigarririk sortuko kontzeptu horregatik. Zenbateko hori “moldaketa” izenpean agertuko da nominan.

2001eko urtarrilaren 1etik aurrera sartzen diren langileek ere ez dute zenbatekorik sortuko kontzeptu horregatik.

Erabat indargabetzen da lan hitzarmen kolektibo honetan ezarritakoa ukatu edo aldatzen duen edonolako arau, hitzarmen kolektibo, arbitraje-epai edo xedapen, iraganekoa, oraingoa edo etorkizunekoa.

20. artikulua. Hitzarmen plusa.

Hitzarmen plusaren soldata kontzeptua hitzarmen kolektibo honetan erantsitako tauletan dago ezarrita lanbide talde bakoitzerako eta soldata maila bakoitzerako. Hileko pagan kobratuko dira soili-soilik.

21. artikulua. Lanpostuko osagarria.

Lanpostuko osagarriaren kontzeptua hitzarmen kolektibo honetan erantsitako tauletan dago ezarrita lanbide talde bakoitzerako eta soldata maila bakoitzerako. Hileko pagan kobratuko dira soili-soilik.

22. artikulua. Aparteko pagak.

Hitzarmen honetan sartzen diren langileek urtean lau aparteko paga izanen dituzte. Horietako hiru ohiko hileko pagarekin batera ordainduko dira, martxoan, ekainean eta irailean, eta, laugarrena, “Eguberrietakoa” deitutakoa, abenduaren 15ean. Aparteko paga bakoitzean oinarrizko soldata ordainduko da.

23. artikulua. Toxikotasunaren, nekagarritasunaren eta arriskuaren plusa.

Saneamendu lanak egiten dituzten langileentzat, toxikotasunaren, nekagarritasunaren eta arriskuaren plus bat ezartzen da, benetan baldintza horietan lan egindako ordu bakoitzeko. Zenbatekoa hitzarmen kolektibo honetan erantsitako tauletan dago jasota.

Baldintza horietan benetan lan egindako ordutzat hartzen da langileak saneamenduko sarearekin kontaktu zuzena duen ordua; beraz, hortik kanpo gelditzen dira egoera hori betetzen ez duten aldiak (joan-etorriak, atsedenaldiak, saneamendukoak ez diren bestelako sareetan egindako lanak eta abar).

24. artikulua. Gaueko lanaren plusa.

EUAko langileentzat, gaueko lanaren plus bat ezartzen da benetan lan egindako gau bakoitzerako. Zenbatekoa hitzarmen kolektibo honetan erantsitako tauletan dago jasota.

25. artikulua. Jaiegunak ordaintzea.

Mairagako EUAko langileek errekuperatu ezin diren jaiegun batean (ofizialki 14 egun ezarri dira urtean) lan egiten badute, lan hitzarmen kolektibo honi erantsitako tauletan adierazitako konpentsazioa jasoko dute, errekuperatu ezin diren jaiegunetan lan egin den egun bakoitzeko.

Gabon gauean eta Urte Zahar gauean lanean jarduten duten langileek konpentsazio bat jasoko dute gau bakoitzerako. Zenbatekoa hitzarmen kolektibo honetan erantsitako tauletan dago jasota.

26. artikulua. Prestasunaren edo zaintaldearen plusa.

Enpresak zerbitzu publikoa ematen duenez, prestasunaren plusa ezartzen da enpresak izendatutako langileentzat. Konpentsazio ekonomikoa da, zaintaldean eta berehalakoan lokalizatzeko moduan egoteagatik, lanalditik kanpo agintzen ahal zaien lanerako prest, eta esku-hartze bakoitzean egiten dituzten lan edo eginkizunengatik.

Etengabeko zaintaldearen egoeran edo txandan dauden mantentze-lanetako ofizialentzat prestasunaren plusak lan hitzarmen kolektibo honi erantsitako taulan adierazitako zenbatekoa izanen du, benetan zaintaldean emandako egun bakoitzeko. Kopuru hori lan hitzarmen kolektibo honi erantsitako taulan adierazitako zenbatekora iritsi arte handituko da zaintaldean larunbat, igande edo jaiegunean aritzen bada. Larunbat jaiegunean eginez gero, lan hitzarmen kolektibo honi erantsitako taulan ezarritako zenbatekoa kobratuko da.

Langilezainaren eta elektromekanikariaren lanpostuak bete eta zaintaldean dauden langileek lan hitzarmen kolektibo honi erantsitako taulan adierazitako hileko zenbatekoa kobratuko dute horregatik (zenbateko horrek larunbat, igande eta jaiegun eta gainerako egunetako prestasuna edo zaintaldea ere konpentsatzen ditu).

Halaber, enpresak laguntza-zaintalderako langilea izendatzen ahalko du. Pertsona horrek oso erraz aurkitzeko moduan egon behar du eta berehalakoan prest, astelehenetik igandera arte, lan ordutegitik kanpo, zaintaldean dagoen pertsonak edo enpresak agintzen dioten edozein lanetarako, baita esku-hartze guztietan egiten dituen lanetarako ere. Laguntza-zaintaldea egiten duen langileak lan hitzarmen kolektibo honi erantsitako tauletan adierazitako konpentsazioa jasoko du.

27. artikulua. Garraiorako plusa.

Olorizko EUAn dauden 5 langileek eta Larrateko EUAn dagoen langileak hitzarmen kolektiboari erantsitako tauletan adierazitako zenbatekoa jasoko dute hilero, garraiorako plusaren kontzeptuarengatik.

28. artikulua. Osagarri pertsonala.

Enpresak zenbait langilerentzako egoki eta beharrezkoak diren zenbatekoak ezar ditzake lan hitzarmen kolektibo honetan ezarritako soldatetara iristeko edo horiek osatzeko, gainerako langileen aurkako bereizkeriarik gabe.

29. artikulua. 2015., 2016. eta 2017. urteetarako soldatak eguneratzea.

2015., 2016. eta 2017. urteetarako ordainsariak hitzarmen kolektibo honen I. II. eta III. eranskinetan adierazitakoak dira, honako berrikuste ekonomiko hauei baitagozkie: %1, 2015. urterako; %1,25, 2016. urterako eta %1,25 2017. urterako.

2015., 2016. eta 2017. urteetarako ezarritako ordainsariak, aipatu eranskinetan adierazten baitira, berrikusiko dira 2015, 2016 eta 2017ko estatuko KPI erreala aipatu urteroko portzentajeak baino handiagoa bada, goragoko KPI erreal horretara iristeko aldea gehituz.

VII. KAPITULUA

Laguntza erregimena

30. artikulua. Lanerako ezintasunengatik jasotzen diren prestazioak hobetzea.

Lanerako ezintasuna gertatzen bada, Gizarte Segurantzak behar bezala ziurtatuta, eritasun arruntaren, eritasun profesionalaren edo istripuaren (lanekoa izan edo ez) ondorioz, enpresak langilearen hartzeko finkoen %100erainoko desberdintasuna ordainduko du. Langileren batek lanerako ezintasun egoera behar ez bezala erabiltzen duela uste bada, enpresak langileari indarrean dagoen legeriak xedatutakoa ordaindu ahal izanen dio, enpresan legez eratutako langileen ordezkaritzari jakinarazi ondoren.

31. artikulua. Osasun azterketak.

Enpresak urtero osasun azterketa bat eginen die bere langileei. Lan-mutualitatearen osasun zerbitzuek eginen dute azterketa hori, edo enpresak ezartzen duenak.

Interesdunari osasun zerbitzuek emandako txostenaren fotokopia bat emanen zaio.

32. artikulua. Istripu aseguru kolektiboa.

Lan hitzarmen kolektibo honetan sartzen diren langileentzat enpresak lan istripuen asegurua kontratatuko du, honako berme eta kapital segurtatuekin: erabateko ezintasun iraunkorraren, baliaezintasun handiaren edo heriotzaren kasuan, lan istripuaren, eritasun profesionalaren edo lanez kanpoko istripuaren ondorioz izanik, betiere lanez kanpo ez bada arrisku handiko jarduerarik egin, kalte-ordaina 40.000,00 eurokoa izanen da, lan hitzarmen kolektibo hau indarrean den bitartean.

Heriotza kasuetan, ezarritako kalte-ordaina langilearen legezko jaraunsleei ordainduko zaie, salbu hildakoak berariaz izendatutako onuradunik baldin bada.

33. artikulua. Laneko arropa.

Enpresako langileei urteko sasoi bakoitzerako jantziak emanen zaizkie. Jantziak finkatutako epeen barnean eman edo ez, enpresak jantziak berrituko ditu horien egoera dela eta hala komeni denean. Aldez aurretik zaharrak itzuliko dira.

34. artikulua. Azterketa egiteko baimena.

Langileen formakuntza eta beren lanbide-prestakuntza bultzatzeko, sinatzen duten aldeek ordaindutako baimenak adostu dituzte kasu hauetarako:

a) Hamar egun izanen dira urtean lanbide-trebakuntzarako ikastaroetara joateko, hitzarmenean araututako esparruan, baldin eta langileak ikasturtea hasi baino hilabete lehenago abisatzen badio enpresa zuzendaritzari, egoki justifikatuta.

b) Titulu akademikoa lortzeko ikastetxe ofizialetako ikastaroetan ari diren langileek eta funtzionario publikoen kidegoan sartzeko oposiziogile direnek behar duten denborako baimena izanen dute azken azterketak egiteko.

35. artikulua. Baimena, norberaren aferetarako.

Lana eta familia bateratzeko asmoz, hitzarmen kolektibo honen eraginpeko langileek idatziz eskatu eta enpresak horretarako baimena eman ondoren, baimen ordainduko egun bat izanen dute urtean, oporrekin metatu ezin dena, eginkizun pertsonalak egiteko (senitartekoei lagundu, norberaren tramiteak egiteko, eskoletako bileretara joateko, familiaren ospakizunak, gestioak eta tramiteak erregistroetan eta notariotzetan, baimenei eta dokumentazioei buruzko gestioak, etab.). 2016. urtetik aurrera, baimen ordainduko bi egun disfrutatzen ahalko dira urtean, aurretik adierazitako baldintza berberetan.

Aurreko paragrafoan adierazitako baimenak disfrutatzen ahalko dira Zerbitzuaren beharrek horretarako aukera ematen badute eta horiek betetzen badira. Enpresak hango langile bat izendatzen ahal du lanpostu horretan aritzeko aipatu baimenak disfrutatuko dituen pertsonaren eginkizun berberekin. Helburua da hutsik gelditzen diren lanpostuak enpresako langileek betetzea, langile berriak sartu gabe.

VIII. KAPITULUA

Diziplina araubidea

36. artikulua. Diziplina araubidea.

Diziplina araubidearen ondorioetarako, Edateko urak eta hondakin urak hartu, goratu, eraman, tratatu, banatu, saneamendua egin eta arazteko industrien Estatuko 2015, 2016 eta 2017ko hitzarmen kolektiboa aplikatuko da (Estatuko Aldizkari Ofizialean argitaratu zen, 2015eko azaroaren 4an, eta egun indarrean dago), bai eta hau ordeztuko duen hitzarmen kolektiboan horretaz ezarriko den etorkizuneko araua ere.

IX. KAPITULUA

Langileen legezko ordezkaritza

37. artikulua. Langileen legezko ordezkaritza.

Arlo honetan indarrean dagoen legeriak esleitzen dituen eskumen eta berme guztiak langileen legezko ordezkaritzari dagozkio.

I. ERANSKINA

Bartzelonako FCC Aqualia SA enpresaren lan hitzarmen kolektiboa, Mairagako Mankomunitateko (Nafarroa) ur hornidura eta saneamenduko instalazioen mantentze, zainketa, ustiapen, garbiketa eta konponketa zerbitzu publikoaren kudeaketarako kontratuari atxikitako langileentzat, 2015., 2016. eta 2017 urteetarako.

SOLDATEN TAULA 2015ERAKO

LANBIDE TALDEA

MAILA

LANPOSTUA

OINARRIZKO SOLDATA

HITZARMEN
PLUSA

LANPOSTUKO OSAGARRIA

HILEKO SOLDATA, GUZTIRA

APARTEKO
PAGA

URTEKO SOLDATA, GUZTIRA

2015

6

1

Goi mailako tituluduna, burutzarekin

1.162,29

254,47

204,82

1.621,58

1.162,29

24.108,12

5

2

Goi mailako tit. / Erdi mailako tit., burutzarekin

1.124,37

254,47

199,12

1.577,96

1.124,37

23.433,00

4

3

Erdi mailako tituluduna

1.113,30

254,47

197,47

1.565,24

1.113,30

23.236,08

3 A

5

Arduraduna

936,40

254,47

170,93

1.361,80

936,40

20.087,20

3 B

3

Administrazioko arduraduna

1.113,30

254,47

197,47

1.565,24

1.113,30

23.236,08

2 A

6

Administrari-ofiziala

934,89

254,47

170,70

1.360,06

934,89

20.060,28

2 B

10

Administrari laguntzailea

833,42

254,47

155,48

1.243,37

833,42

18.254,12

2 B

10

Irakurlea-administraria

833,42

254,47

155,48

1.243,37

833,42

18.254,12

2 B

11

Irakurlea

801,93

254,47

150,76

1.207,16

801,93

17.693,64

3 A

4

Langilezaina

1.100,43

254,47

195,54

1.550,44

1.100,43

23.007,00

3 B

5

Langilezainordea

1.011,81

254,47

182,23

1.448,51

1.011,81

21.429,36

2 A

7

Lehen mailako ofiziala

933,75

254,47

170,53

1.358,75

933,75

20.040,00

2 B

8

Bigarren mailako ofiziala

868,25

254,47

160,71

1.283,43

868,25

18.874,16

2 B

9

Hirugarren mailako ofiziala

835,13

254,47

155,73

1.245,33

835,13

18.284,48

1

11

Peoia-Peoi espezialista

801,93

254,47

150,76

1.207,16

801,93

17.693,64

23. artikulua. Toxikotasun, nekagarritasun eta arriskuaren plusa (saneamendua): 1,41 euro lan egindako ordu bakoitzeko.

24. artikulua. Gaueko lanaren plusa (Edateko uren araztegia): 11,68 euro benetan lan egindako gau bakoitzeko.

25. artikulua. Jaiegunetako ordainsaria –14 egun– (Mairagako EUA): 18,31 euro errekuperatuko ez den lan egindako jaiegun bakoitzeko.

25. artikulua. Gabon gaueko eta Urte Zahar gaueko konpentsazioa (Mairagako EUA): 91,58 euro adierazitako gau bakoitzeko.

26. artikulua. Mantentze-lanetako ofizialen zaintaldeak: 22,91 euro zaintaldean emandako egun bakoitzeko.

26. artikulua. Mantentze-lanetako ofizialen zaintaldeak (larunbat, igande edo jaieguna): 45,79 euro zaintaldean emandako larunbat, igande edo jaiegun bakoitzeko.

26. artikulua. Mantentze-lanetako ofizialen zaintaldeak (larunbata jaieguna izanez gero): 91,58 euro, benetan zaintaldean emandako larunbat bakoitzeko, jaiegun izanez gero.

26. artikulua. Zaintaldeak, langilezain eta elektromekanikaria: 300,00 euro hilabeteko.

26. artikulua. Laguntza zaintaldeak: 10,00 euro benetan laguntzako zaintaldean emandako egun bakoitzeko.

27. artikulua. EUAko langileen garraioaren plusa: 164,84 euro hilabeteko.

32. artikulua. Istripu aseguru kolektiboa: 40.000,00 euro.

II. ERANSKINA

Bartzelonako FCC Aqualia SA enpresaren lan hitzarmen kolektiboa, Mairagako Mankomunitateko (Nafarroa) ur hornidura eta saneamenduko instalazioen mantentze, zainketa, ustiapen, garbiketa eta konponketa zerbitzu publikoaren kudeaketarako kontratuari atxikitako langileentzat, 2015., 2016. eta 2017 urteetarako.

SOLDATEN TAULA 2016RAKO

LANBIDE TALDEA

MAILA

LANPOSTUA

OINARRIZKO SOLDATA

HITZARMEN
PLUSA

LANPOSTUKO OSAGARRIA

HILEKO SOLDATA, GUZTIRA

APARTEKO
PAGA

URTEKO SOLDATA, GUZTIRA

2016

6

1

Goi mailako tituluduna, burutzarekin

1.176,82

257,65

207,38

1.641,85

1.176,82

24.409,48

5

2

Goi mailako tit. / Erdi mailako tit., burutzarekin

1.138,42

257,65

201,61

1.597,68

1.138,42

23.725,84

4

3

Erdi mailako tituluduna

1.127,22

257,65

199,94

1.584,81

1.127,22

23.526,60

3 A

5

Arduraduna

948,11

257,65

173,07

1.378,83

948,11

20.338,40

3 B

3

Administrazioko arduraduna

1.127,22

257,65

199,94

1.584,81

1.127,22

23.526,60

2 A

6

Administrari-ofiziala

946,58

257,65

172,83

1.377,06

946,58

20.311,04

2 B

10

Administrari laguntzailea

843,84

257,65

157,42

1.258,91

843,84

18.482,28

2 B

10

Irakurlea-administraria

843,84

257,65

157,42

1.258,91

843,84

18.482,28

2 B

11

Irakurlea

811,95

257,65

152,64

1.222,24

811,95

17.914,68

3 A

4

Langilezaina

1.114,19

257,65

197,98

1.569,82

1.114,19

23.294,60

3 B

5

Langilezainordea

1.024,46

257,65

184,51

1.466,62

1.024,46

21.697,28

2 A

7

Lehen mailako ofiziala

945,42

257,65

172,66

1.375,73

945,42

20.290,44

2 B

8

Bigarren mailako ofiziala

879,10

257,65

162,72

1.299,47

879,10

19.110,04

2 B

9

Hirugarren mailako ofiziala

845,57

257,65

157,68

1.260,90

845,57

18.513,08

1

11

Peoia-Peoi espezialista

811,95

257,65

152,64

1.222,24

811,95

17.914,68

23. artikulua. Toxikotasun, nekagarritasun eta arriskuaren plusa (saneamendua): 1,41 euro lan egindako ordu bakoitzeko.

24. artikulua. Gaueko lanaren plusa (Edateko uren araztegia): 11,68 euro benetan lan egindako gau bakoitzeko.

25. artikulua. Jaiegunetako ordainsaria –14 egun– (Mairagako EUA): 18,31 euro errekuperatuko ez den lan egindako jaiegun bakoitzeko.

25. artikulua. Gabon gaueko eta Urte Zahar gaueko konpentsazioa (Mairagako EUA): 91,58 euro adierazitako gau bakoitzeko.

26. artikulua. Mantentze-lanetako ofizialen zaintaldeak: 22,91 euro zaintaldean emandako egun bakoitzeko.

26. artikulua. Mantentze-lanetako ofizialen zaintaldeak (larunbat, igande edo jaieguna): 45,79 euro zaintaldeak emandako larunbat, igande edo jaiegun bakoitzeko.

26. artikulua. Mantentze-lanetako ofizialen zaintaldeak (larunbata jaieguna izanez gero): 91,58 euro, benetan zaintaldeak emandako larunbat bakoitzeko, jaiegun izanez gero.

26. artikulua. Zaintaldeak langilezain eta elektromekanikaria: 300,00 euro hilabeteko.

26. artikulua. Laguntzako zaintaldeak: 10,00 euro benetan laguntzako zaintaldean emandako egun bakoitzeko.

27. artikulua. EUAko langileen garraioaren plusa: 164,84 euro hilabeteko.

32. artikulua. Istripu aseguru kolektiboa: 40.000,00 euro.

III. ERANSKINA

Bartzelonako FCC Aqualia SA enpresaren lan hitzarmen kolektiboa, Mairagako Mankomunitateko (Nafarroa) ur hornidura eta saneamenduko instalazioen mantentze, zainketa, ustiapen, garbiketa eta konponketa zerbitzu publikoaren kudeaketarako kontratuari atxikitako langileentzat, 2015., 2016. eta 2017. urteetarako.

SOLDATEN TAULA 2017RAKO

LANBIDE TALDEA

MAILA

LANPOSTUA

OINARRIZKO SOLDATA

HITZARMEN
PLUSA

LANPOSTUKO OSAGARRIA

HILEKO SOLDATA, GUZTIRA

APARTEKO
PAGA

URTEKO SOLDATA, GUZTIRA

2017

6

1

Goi mailako tituluduna, burutzarekin

1.191,53

260,87

209,97

1.662,37

1.191,53

24.714,56

5

2

Goi mailako tit. / Erdi mailako tit., burutzarekin

1.152,65

260,87

204,13

1.617,65

1.152,65

24.022,40

4

3

Erdi mailako tituluduna

1.141,31

260,87

202,44

1.604,62

1.141,31

23.820,68

3 A

5

Arduraduna

959,96

260,87

175,23

1.396,06

959,96

20.592,56

3 B

3

Administrazioko arduraduna

1.141,31

260,87

202,44

1.604,62

1.141,31

23.820,68

2 A

6

Administrari-ofiziala

958,41

260,87

174,99

1.394,27

958,41

20.564,88

2 B

10

Administrari laguntzailea

854,39

260,87

159,39

1.274,65

854,39

18.713,36

2 B

10

Irakurlea-administraria

854,39

260,87

159,39

1.274,65

854,39

18.713,36

2 B

11

Irakurlea

822,10

260,87

154,55

1.237,52

822,10

18.138,64

3 A

4

Langilezaina

1.128,12

260,87

200,45

1.589,44

1.128,12

23.585,76

3 B

5

Langilezainordea

1.037,27

260,87

186,82

1.484,96

1.037,27

21.968,60

2 A

7

Lehen mailako ofiziala

957,24

260,87

174,82

1.392,93

957,24

20.544,12

2 B

8

Bigarren mailako ofiziala

890,09

260,87

164,75

1.315,71

890,09

19.348,88

2 B

9

Hirugarren mailako ofiziala

856,14

260,87

159,65

1.276,66

856,14

18.744,48

1

11

Peoia-Peoi espezialista

822,10

260,87

154,55

1.237,52

822,10

18.138,64

23. artikulua. Toxikotasun, nekagarritasun eta arriskuaren plusa (saneamendua): 1,45 euro lan egindako ordu bakoitzeko.

24. artikulua. Gaueko lanaren plusa (Edateko uren araztegia): 11,98 euro benetan lan egindako gau bakoitzeko.

25. artikulua. Jaiegunetako ordainsaria –14 egun– (Mairagako EUA): 18,77 euro errekuperatuko ez den lan egindako jaiegun bakoitzeko.

25. artikulua. Gabon gaueko eta Urte Zahar gaueko konpentsazioa (Mairagako EUA): 93,88 euro adierazitako gau bakoitzeko.

26. artikulua. Mantentze-lanetako ofizialen zaintaldeak: 23,49 euro zaintaldeean emandako egun bakoitzeko.

26. artikulua. Mantentze-lanetako ofizialen zaintaldeak (larunbat, igande edo jaieguna): 46,94 euro zaintaldeean emandako larunbat, igande edo jaiegun bakoitzeko.

26. artikulua. Mantentze-lanetako ofizialen zaintaldeak (larunbata jaieguna izanez gero): 93,88 euro, benetan zaintaldeean emandako larunbat bakoitzeko, jaiegun izanez gero.

26. artikulua. Erretenak langilezain eta elektromekanikaria: 307,55 euro hilabeteko.

26. artikulua. Laguntzako zaintaldeak: 10,26 euro benetan laguntzako zaintaldeean emandako egun bakoitzeko.

27. artikulua. EUAko langileen garraioaren plusa: 168,99 euro hilabeteko.

32. artikulua. Istripu aseguru kolektiboa: 40.000,00 euro.

F1600625

Iragarkiaren kodea: F1600625