27. ALDIZKARIA - 2016ko otsailaren 10a

1. NAFARROAKO FORU KOMUNITATEA

1.1. XEDAPEN OROKORRAK

1.1.1. Foru legeak eta legegintzako foru dekretuak

NAFARROAKO PARLAMENTUA. Nafarroako Parlamentuko Osoko Bilkuraren Erabakia, abenduaren 23ko 1/2015 Foru Lege Dekretua baliozkotzen duena. Horren bidez, Nafarroako Administrazio Publikoen zerbitzuko langileen arloko presako neurri jakin batzuen indarraldia 2016. urtera luzatzen da. Foru lege dekretua 2015eko 48. Nafarroako Parlamentuko Aldizkari Ofizialean argitaratu zen, abenduaren 30ean.

Nafarroako Parlamentuko Osoko Bilkurak, 2016ko urtarrilaren 14an egin osoko bilkuran, honako Erabaki hau hartu zuen:

“Nafarroako Foru Eraentza Berrezarri eta Hobetzeari buruzko Lege Organikoaren 21.bis artikuluko 2. idatz-zatian eta Ganberaren Erregelamenduaren 161. artikuluan xedatutakoari jarraikiz, erabaki da:

Abenduaren 23ko 1/2015 Foru Lege Dekretua baliozkotzea. Horren bidez, Nafarroako administrazio publikoen zerbitzuko langileen arloko presako neurri jakin batzuen indarraldia 2016. urtera luzatzen da. 2015eko 48. Nafarroako Parlamentuko Aldizkari Ofizialean argitaratu zen, abenduaren 30ean.”

Nafarroako Parlamentuko Erregelamenduaren 161.6 artikuluan ezarritakoa betez, argitara dadin agindu da.

Iruñean, 2016ko urtarrilaren 15ean.–Parlamentuko lehendakaria, Ainhoa Aznarez Igarza.

Iragarkiaren kodea: F1600700