4. PROZEDURA JUDIZIALAK
ZARAGOZAKO LAN ARLOKO 5. EPAITEGIA
Ediktua. 158/2016 prozedura
Miguel Ángel Esteras Pérez jauna, Zaragozako Lan arloko 5. Epaitegiko Justizia Administrazioaren letradua.
Aditzera ematen dut: José María Rubio Abadíak eskaturik, Estructuras y Encofrados Navanort SL enpresaren aurka, lan arloko epaitegi honetan titulu judizialak betearazteko bideratu den 158/2016 prozeduran, ebazpena eman da, xedapen zatian hauxe dioena:
Xedapen zatia.
Erabaki dut:
a) Betearazpenpeko alderdiaren, hots, Estructuras y Encofrados Navanort SLren, erabateko kaudimengabezia deklaratzea 3.139,69 eurori aurre egiteko; kaudimengabezia behin-behinekoa da, ondorio guztietarako.
b) Jarduketak artxibatzea, liburu egokian idatzoharra egin ondoren, eta deusetan galarazi gabe betearazpen-prozedurari jarraipena ematea, betearazpenpeko alderdiaren ondasun gehiagoren berri jakiten bada.
c) Inskriba bedi dagokion erregistroan.
Jakinaraz bekie alderdiei.
Aurkaratzeko bidea: ebazpen honen aurka zuzeneko berrikuspen-errekurtsoa jartzen ahal da ebazpena eman duen organoari zuzendua, jakinarazi ondoko hiru egun balioduneko epean, errekurtsogileak ebazpenari egozten dion arau-haustea azalduz (LJLaren 188. artikulua). Errekurtsoa jarri ahal izateko, Gizarte Segurantzaren araubide publikoko langile edo onuradun izan ezean, 25 euroko gordailua egin behar da Banco Santanderreko 0049 3569 92 0005001274 kontuan, kontzeptu gisa errekurtsoaren aipamena jarriz, eta jarraian “31-Lan arloa-Ebazpenen berrikuspena-Justizia Administrazioaren letradua” kodea. Diru kopuru hori sartzeko banku-transferentzia egiten bada, “errekurtsoa” idatzi behar da aipatu kontu zenbakiaren ondoren, hutsune batez bereizita, eta jarraian “31-Lan arloa-Ebazpenen berrikuspena-Justizia Administrazioaren letradua”. Kontu berean ordainketa bat baino gehiago egiten badira, kontzeptu bakoitzeko diru-sarrera bat zehaztu beharko da, bai eta mota bereko edo bestelako beste errekurtso batzuetarako ordainketak direnean ere, errekurritzen den ebazpenaren data jarriz oharretarako eremuan, ee/hh/uuuu formatuan. Ordainketa horretatik salbuetsita daude Fiskaltza, Estatua, autonomia erkidegoak, toki entitateak eta horien guztien mendeko erakunde autonomoak.
Justizia Administrazioaren letradua.
Eta Estructuras y Encofrados Navanort SLri legezko jakinarazpena egiteko balio izan dezan, non den jakiterik ez baitago, honako hau egiten dut Nafarroako Aldizkari Ofizialean argitara dadin.
Hartzaileari ohartarazten zaio bulego judizialeko iragarki-oholean ebazpenaren edo zedularen kopia jarriz eginen direla hurrengo komunikazioak, salbu eta autoenak, epaienak edo epatzeenak.
Zaragozan, 2016ko irailaren 30ean.–Justizia Administrazioaren letradua, Miguel Ángel Esteras Pérez.
Iragarkiaren kodea: J1612835