1. NAFARROAKO FORU KOMUNITATEA
1.5. ESTATUTUAK ETA LAN HITZARMEN KOLEKTIBOAK
37C/2015 EBAZPENA, abenduaren 23koa, Politika Ekonomiko eta Enpresarialaren eta Lanaren zuzendari nagusiak emana, Nafarroako metalaren merkataritzaren sektorearen hitzarmen kolektiboaren Batzorde Paritarioak lansariak 2015erako eguneratzeaz hartutako akordioa erregistratu, gorde eta Nafarroako Aldizkari Ofizialean argitaratzea erabakitzen duena.
Ikusirik Nafarroako metalaren merkataritzaren sektorearen hitzarmen kolektiboaren batzorde paritarioak lansariak 2015erako eguneratzeaz hartutako akordioaren testua (kodea: 31002005011982), erregistro honetan 2015eko abenduaren 10ean sartu zena, eta Nafarroako Material Elektrikoaren Banatzaileen Elkarteak eta Nafarroako Burdindegien Elkarteak, eta UGT eta CCOO sindikatuek abenduaren 4an sinatu zutena; Langileen Estatutuari buruzko Legearen testu bategina onesten duen martxoaren 24ko 2/2015 Legegintzako Errege Dekretuaren 90. artikuluko 2. eta 3. idatz-zatietan eta lan hitzarmen eta akordio kolektiboak erregistratu eta gordetzeari buruzko maiatzaren 28ko 713/2010 Errege Dekretuan xedatutakoarekin bat,
EBATZI DUT:
1. Nafarroako Lan Hitzarmen eta Akordio Kolektiboen Erregistroan inskribatzeko agintzea.
2. Nafarroako Aldizkari Ofizialean argitaratzeko agintzea, denek jakin dezaten.
Iruñean, 2015eko abenduaren 23an.–Politika Ekonomiko eta Enpresarialaren eta Lanaren zuzendari nagusia, Izaskun Goñi Razquin.
NAFARROAKO METALAREN MERKATARITZAREN SEKTOREAREN HITZARMEN KOLEKTIBOAREN BATZORDE PARITARIOAK LANSARIAK 2015ERAKO EGUNERATZEAZ HARTUTAKO AKORDIOA
Iruñean, 2015eko abenduaren 4an.
BILDU DIRA:
Batetik, Nafarroako metalaren merkataritzaren sektorearen hitzarmen kolektiboa sinatu duten enpresa elkarteak ordezkatuz, José Manuel Ayesa Villar, Nafarroako Material Elektrikoaren Banatzaileen Elkartekoa, eta Juan Ramón Doral Brun, Nafarroako Burdindegien Elkartekoa.
Bestetik, Nafarroako metalaren merkataritzaren sektorearen hitzarmen kolektiboa sinatu duten sindikatuak ordezkatuz, Gorka Martinez Hurtado de Saracho, Union General de Trabajadores de Navarra (UGT) sindikatuaren izenean, eta Juan José Pérez Capapay, Comisiones Obreras de Navarra (CCOO) sindikatuaren izenean.
Bi aldeek elkarri lege ahalmen nahikoa aitortu ondoren, lansariak 2015erako eguneratzeko akordio hau sinatu dute. Hona akordioaren
ESTIPULAZIOAK:
Lehena.–Ondorioak 2015eko urtarrilaren 1etik aurrera izateko, lanbide kategoria bakoitzerako 2014ko abenduaren 31n indarra zuten lansarien tauletan jasotako zenbatekoek % 0,8ko igoera izanen dute (Hitzarmenaren testuko VI. eranskina, 2013ko 154. Nafarroako Aldizkari Ofiziala, abuztuaren 12koa), zein diren ere ukitutako langile bakoitzaren egiazko ordainsariak.
Akordio honen eranskinean ageri da 2015eko lansarien taula, erabakitako eguneratzea egin ondoren.
Bigarrena.–Lan hitzarmen eta akordio kolektiboak erregistratu eta gordetzeari buruzko maiatzaren 28ko 713/2010 Errege Dekretuan xedatutakoarekin bat, erabaki da lan agintari eskudunei igortzea Akordioaren testua, eranskineko lansarien taularekin batera, inskribatu eta gordailatzearen ondorioetarako, berariaz eskatuz behar dena egiteko ondoren Aldizkari Ofizialean argitaratzeko .
Era berean, maiatzaren 28ko 713/2010 Errege Dekretuaren seigarren artikuluan xedatutakoarekin bat, Javier Lecumberri Urabayen (NAN zenbakia: 18208897G) izendatu dute, akordioa inskribatu eta gordailatzeko eskaera egin dezan, eta, horretarako, zuzenbidearen arabera eskatzen zaizkion ahalorde guztiak eman dizkiote.
Eta adostasunaren seinale, eta halaxe jasota gera dadin, bertaratu guztiek sinatzen dute akordio hau, bakoitzak bere elkartea ordezkatuz, burualdean adierazitako lekuan eta egunean.
Stua.: Material Elektrikoaren Banatzaileen Elkartea
Stua.: Burdindegien Elkartea
Stua.: UGT
Stua.: CCOO
I. ERANSKINA
NAFARROAKO METALAREN MERKATARITZA
SEKTOREAREN LAN HITZARMEN KOLEKTIBOA
2015eko soldaten taulak
LANBIDE KATEGORIA | 2015 |
LEHEN TALDEA |
Ingeniari eta lizentziadunak | 1.948,61 |
Laguntzaile teknikoak | 1.696,57 |
Praktikanteak | 1.611,17 |
BIGARREN TALDEA |
Langileriaren eta salerosketen burua | 1.878,80 |
Kudeatzailea edo zuzendari komertziala | 1.936,24 |
Sukurtsaleko burua | 1.878,80 |
Arduradun nagusia | 1.878,80 |
Saltokiaren arduraduna, saltzailea, eroslea | 1.742,99 |
Biltegiko burua | 1.742,99 |
Taldeburua | 1.742,99 |
Atalburua | 1.649,91 |
Saltzaile bidaiaria | 1.469,54 |
Hiri-artekaria | 1.469,54 |
Dendako saltzailea, 25 urtetik gorakoa | 1.469,54 |
Dendako saltzailea, 22-25 urtekoa | 1.254,88 |
Laguntzailea | 1.139,62 |
Saltzaile nagusia. 25 urtekoak baino %10 gehiago | 1.616,50 |
Bigarren urteko ikastuna | 897,44 |
Lehenengo urteko ikastuna | 769,45 |
HIRUGARREN TALDEA |
Administrazioko burua | 1.878,80 |
Administrazio ataleko burua | 1.742,99 |
Kontularia | 1.611,17 |
Administrari-ofiziala | 1.469,54 |
Administrari laguntzailea, 25 urtetik gorakoa | 1.324,22 |
Administrari laguntzailea, 25 urtetik beherakoa | 1.191,54 |
Bigarren urteko izangaia | 897,44 |
Lehenengo urteko izangaia | 769,45 |
Kutxazain laguntzailea, 20 urtetik gorakoa | 1.128,02 |
Kutxazain laguntzailea, 24-25 urtekoa | 1.217,41 |
Kutxazain laguntzailea, 25 urtetik gorakoa (Maileguzko salmentak kobratzen badituzte, 100eko 10 gehiago, horrek eragiketa osagarriak egitea eskatzen badu) | 1.371,09 |
LAUGARREN TALDEA |
Marrazkilariak | 1.790,37 |
Erakusleiho-apaintzaileak | 1.518,09 |
OFIZIOKO PROFESIONALAK |
Zerbitzu teknikoetako burua | 1.649,91 |
Tailerreko burua | 1.492,83 |
Lehen mailako ofizioko profesionalak | 1.469,54 |
Bigarren mailako ofizioko profesionalak | 1.325,54 |
Laguntzailea | 1.233,50 |
Langilezaina | 1.490,83 |
Morroi espezializatua | 1.325,54 |
Morroia | 1.260,71 |
Telefonista | 1.221,71 |
Ontziratzailea edo paketatzailea | 1.231,64 |
Moztailea | 1.469,52 |
Moztailearen laguntzailea | 1.243,44 |
Bigarren urteko ikastuna | 897,44 |
Lehen urteko ikastuna | 769,45 |
Banaketako laguntzailea, 18 urtetik 19ra bitartekoa | 897,44 |
Banaketako laguntzailea,16 urtetik 17ra bitartekoa | 769,45 |
BOSGARREN TALDEA |
Etxezaina, zaindaria, gauzaina, mandataria | 1.221,72 |
Atezaina | 1.221,72 |
Kobratzailea | 1.289,31 |
Garbitzaileak (orduka) | 6,25 |
Iragarkiaren kodea: F1600615
