1. NAFARROAKO FORU KOMUNITATEA
1.5. ESTATUTUAK ETA LAN HITZARMEN KOLEKTIBOAK
36C/2015 EBAZPENA, abenduaren 23koa, Politika Ekonomiko eta Enpresarialaren eta Lanaren zuzendari nagusiak emana, Nafarroako metalaren merkataritzaren sektorearen hitzarmen kolektiboaren Batzorde Paritarioak hartutako akordioa erregistratu, gorde eta Nafarroako Aldizkari Ofizialean argitaratzea erabakitzen duena.
Ikusirik Nafarroako metalaren merkataritzaren sektorearen hitzarmen kolektiboaren batzorde paritarioak hartutako akordioaren testua (kodea: 31002005011982), erregistro honetan 2015eko abenduaren 10ean sartu zena, eta Nafarroako Material Elektrikoaren Banatzaileen Elkarteak eta Nafarroako Burdindegien Elkarteak, eta UGT eta CCOO sindikatuek azaroaren 11n sinatu zutena; Langileen Estatutuari buruzko Legearen testu bategina onesten duen martxoaren 24ko 2/2015 Legegintzako Errege Dekretuaren 90. artikuluko 2. eta 3. idatz-zatietan eta lan hitzarmen eta akordio kolektiboak erregistratu eta gordetzeari buruzko maiatzaren 28ko 713/2010 Errege Dekretuan xedatutakoarekin bat,
EBATZI DUT:
1. Nafarroako Lan Hitzarmen eta Akordio Kolektiboen Erregistroan inskribatzeko agintzea.
2. Nafarroako Aldizkari Ofizialean argitaratzeko agintzea, denek jakin dezaten.
Iruñean, 2015eko abenduaren 23an.–Politika Ekonomiko eta Enpresarialaren eta Lanaren zuzendari nagusia, Izaskun Goñi Razquin.
NAFARROAKO METALAREN MERKATARITZAREN
SEKTOREAREN HITZARMEN KOLEKTIBOAREN
BATZORDE PARITARIOAK HARTUTAKO AKORDIOA
Iruñean, 2015eko azaroaren 11n.
BILDU DIRA:
–José Manuel Ayesa Villar jauna, Material Elektrikoaren Banatzaileen Elkartearen izenean.
–Juan Ramón Doral Brun jauna, Nafarroako Burdindegien Elkartearen izenean.
–Gorka Martínez Hurtado de Saracho jauna, UGTren izenean.
–Juanjo Perez Capapay jauna, CCOOren izenean.
Horiek guztiek osatzen dute Nafarroako Foru Komunitateko metalaren merkataritzaren sektorerako hitzarmen kolektibo autonomikoaren batzorde paritarioa.
Honako gai hauetaz hitz egiteko bildu dira:
Lehena.
Batzorde Paritarioaren eginkizunak 22.2 artikuluan ezarrita daude, horien artean:
“Hitzarmen honen agindu guztiak aplikatzean eta interpretatzean sortzen diren gaiak ezagutzea eta ebaztea.
Horregatik, Batzorde Paritarioaren esku-hartzearen menpe uzten da lansarien taulak eguneratzeari dagokion gaia, Nafarroako “Metalaren merkataritza” sektorerako lan hitzarmen kolektiboaren (2009-2015) 7. artikuluan araututakoari jarraikiz (2013ko 154. Nafarroako Aldizkari Ofizialean, abuztuaren 12an, argitaratua), 2015eko soldata igoeraren gaiari Enplegurako eta Negoziazio Kolektiborako III. Akordioak (2015eko ekainaren 20ko Estatuko Aldizkari Ofizialean argitaratua) emandako testuari dagokionez. Hona hemen.
“...Testuinguru horretan, hurrengo urteetan negoziatzen diren soldaten portaerak jarraibide hauen araberakoa izan beharko luke, kalitatezko enplegua mantentzea eta/edo sortzea jomugatzat hartuta:
–Soldata igoera 2015. urtean: % 1 arte.
–Soldata igoera 2016. urtean: % 1,5 arte...”
Eztabaida egin ondoren, eta Batzorde Paritarioan adostasunik ez denez, batzordeak erabaki du:
Nafarroako Lan Auzitegiak esku hartzeko eskatzea, bitartekaritza eta, subsidiarioki, arbitrajeko prozesu batean, 7. artikuluaren aplikazioaren inguruan sortu den desadostasuna konpontzen ahalegintzeko, alegia, Nafarroako “Metalaren merkataritza’’ sektorerako lan hitzarmen kolektiboaren lansariak (2009-2015).
Esku-hartze hori Hitzarmen Kolektibo honen 22.7 artikuluan ezarritakoari jarraikiz eskatzen dugu, hauxe ezartzen baitu:
Batzorde paritarioak akordiorik erdiesten ez duenean bere eskumenen artean, aurreko 2. ataleko e) letran jasotzen diren gaietatik kanpoko bat planteatzen zaionean, desadostasunak, kasua bada, lan gatazkak auzibidetik kanpo ebazteko sistemara pasatu ahal izanen dituzte, bi aldeetako -enpresa eta sindikatuak- bakoitzean gehiengoaren adostasuna egonez gero, eta gatazkak konpontzeko sistema ez-judizialen mendean jarri, L.E.ren 83. artikuluan aurreikusitako lanbide arteko akordioen bidez ezarri ziren horien mendean, hain zuzen.”
Bigarrena.
Hitzarmenaren 14. artikuluan araututa dagoen lanetik gelditzeagatiko kalte-ordainaren ordezko araubideari dagokiona.
Eztabaidatu ondoren, ez da inolako akordiorik lortu hitzarmenaren 14. artikuluan araututa dagoen lanetik gelditzeagatiko kalte-ordainaren ordezko araubideari buruz. Beraz, Batzorde Paritarioak.
ERABAKI DU:
1. Hitzarmen honen indarraldiak (2009-2015) eta aurreraeraginak iraun bitartean, aurreko Hitzarmenaren 14. artikuluaren aplikazioaren ondorioz lanetik gelditzeagatiko kalte-ordaina jasotzeko eskubidea duten langileek artikulu horretan ezarritako moduan jasoko dute.
Akordio hau langile guztiei aplikatuko zaie, baldin eta lanetik gelditzeagatiko kalte-ordaina jaso behar bazuten 2015eko urtarrilaren 1etik akordio hau sinatu bitarte.
Stua.: Burdinaren Biltegizainen Elkartea
Stua. Material Elektrikoaren Banatzaileen Elkartea
Stua.: Burdindegien Elkartea
Stua.: UGT
Stua.: CCOO
Era berean, goian sinatzen dutenek, maiatzaren 28ko 713/2010 Errege Dekretuaren seigarren artikuluan xedatutakoarekin bat, Javier Lecumberri Urabayen (NAN zenbakia: 18208897G) izendatu dute, akordioa inskribatu eta gordailatzeko eskaera egin dezan, eta, horretarako, zuzenbidearen arabera eskatzen zaizkion ahalorde guztiak eman dizkiote.
Iragarkiaren kodea: F1600613
