1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
2558/2016 EBAZPENA, azaroaren 21ekoa, Funtzio Publikoko zuzendari nagusiak emana, Nafarroako Foru Komunitateko Administrazioaren eta haren erakunde autonomoen zerbitzuko gizarte zerbitzuen ikuskatzaile izateko 3 lanpostu huts lekualdatze lehiaketa bereziaren bidez betetzeko prozedurari bukaera ematen diona.
Funtzio Publikoko zuzendari nagusiak martxoaren 1ean emandako 497/2016 Ebazpenaren bitartez, Nafarroako Foru Komunitateko Administrazioaren eta haren erakunde autonomoen zerbitzuko gizarte zerbitzuen ikuskatzaile izateko 3 lanpostu huts lekualdatze lehiaketa bereziaren bidez betetzeko deialdia onetsi zen. Ebazpena 2016ko 61. Nafarroako Aldizkari Ofizialean argitaratu zen, martxoaren 31n.
Maiatzaren 2ko 1012/2016 Ebazpenaren bidez, onartu eta baztertutako izangaien behin-behineko zerrenda onetsi zen. Ebazpena 2016ko 95. Nafarroako Aldizkari Ofizialean argitaratu zen, maiatzaren 18an.
Eta maiatzaren 31ko 1238/2016 Ebazpenaren bidez (2016ko 113. Nafarroako Aldizkari Ofiziala, ekainaren 13koa), behin betiko zerrenda onetsi zen.
Azkenik, epaimahaiak, espediente osoarekin batera, lehiaketaren behin betiko emaitzak eta probak gainditu dituzten hiru izangaiak izendatzeko proposamena igorrita eta lanpostu hutsak hautatuta, bidezkoa da izendapena egitea eta lanpostuak esleitzea.
Horrenbestez, eta otsailaren 21eko 30/2005 Foru Dekretuaren bidez esleiturik ditudan eskudantziak erabiliz,
EBATZI DUT:
1. Jesús Ángel Sánchez Videgáin jauna, Mikel Arrikaberri Bergara jauna eta María Beroiz Redín andrea izendatzea Nafarroako Foru Komunitateko Administrazioaren eta bere erakunde autonomoen zerbitzuko funtzionario, gizarte zerbitzuen ikuskatzailearen lanpostuan aritzeko.
2. Lanpostu huts hauek esleitzea, Errealitate Sozialaren Behatokiaren eta Gizarte Politiken Plangintzaren eta Ebaluazioaren Zuzendaritza Nagusiari atxikiak eta destinoa Iruñean dutenak:
Jesús Ángel Sánchez Videgáin jaunari, 8287 zenbakia duena.
Mikel Arrikaberri Bergara jaunari, 9383 zenbakia duena.
María Beroiz Redín andreari, 9382 zenbakia duena.
2016ko abenduaren 1ean jabetu beharko dira lanpostuaz, Eskubide Sozialetako Departamentuko Idazkaritza Tekniko Nagusian.
Horrela egin ezean, ezinbesteko kasuetan izan ezik, izendatzen diren lanpostuan aritzeko eskubide guztiak galduko dituzte.
3. Ebazpen hau igortzea, behar diren ondorioak izan ditzan, Eskubide Sozialetako Departamentuko Idazkaritza Tekniko Nagusiari eta Funtzio Publikoko Zuzendaritza Nagusiko Langileriaren Gastuaren Kontrolaren eta Nominen Zerbitzuari eta Langileriaren Kudeaketako Zerbitzuari, eta interesdunei jakinaraztea. Interesdunei aditzera ematen zaie ebazpenaren aurka gora jotzeko errekurtsoa jartzen ahal dutela, Lehendakaritzako, Funtzio Publikoko, Barneko eta Justiziako kontseilariari zuzendua, jakinarazi eta biharamunetik hilabeteko epean, Administrazio Publikoen Administrazio Prozedura Erkideari buruzko urriaren 1eko 39/2015 Legearen 121. eta 122. artikuluetan xedatutakoarekin bat.
4. Izendapena Nafarroako Aldizkari Ofizialean argitara dadila agintzea.
Iruñean, 2016ko azaroaren 21ean.–Funtzio Publikoko zuzendari nagusia, Amaia Goñi Lacabe.
Iragarkiaren kodea: F1613438