1. NAFARROAKO FORU KOMUNITATEA
1.4. DIRU-LAGUNTZAK, LAGUNTZAK ETA BEKAK
Laburpena, Kultura, Kirol eta Gazteriako kontseilariaren 79/2016 Foru Aginduarena. Foru agindu horren bidez, Nafarroako kirol federazioei 2017an diru-laguntzak emateko deialdiaren oinarriak onesten dira.
Oharra: testu osoa Diru-laguntzen Datu Base Nazionalean kontsulta daiteke (http://www.pap.minhap.gob.es/bdnstrans/GE/eu/index). BDNS (identifikazioa): 322067.
Deialdi honen xedea da Nafarroako kirol federazioei diru-laguntzak emateko oinarri arautzaileak onestea, 2016ko azaroaren 1etik 2017ko urriaren 31ra bitarteko jarduerarako. Gastu hauek jaso dezakete diru-laguntza: ohiko funtzionamendurako gastuak; Nafarroako txapelketa ofizialak antolatzea; txapelketa nazional ofizialetan parte hartzea; txapelketa nazional ofizialak antolatzea; sustapen jarduerak; prestakuntza jarduerak; kirol jantziak; material inbentariagarriaren ekipamendua.
Iruñean, 2016ko azaroaren 9an.–Kultura, Kirol eta Gazteriako kontseilaria, Ana Herrera Isasi.
Iragarkiaren kodea: F1612728
