1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
498/2016 EBAZPENA, urriaren 28koa, Barneko zuzendari nagusiak emana, Iván Ayuela del Barrio jaunari lanpostua esleitzen diona, Nafarroako Larrialdietako Agentziaren zerbitzuko suhiltzaile izateko 20 lanpostu huts betetzeko deialdian (Nafarroako Larrialdietako Agentziako zuzendari kudeatzaileak otsailaren 8an emandako 18/2012 Ebazpenaren bidez onetsia).
Nafarroako Larrialdietako Agentziako zuzendari kudeatzaileak otsailaren 8an emandako 18/2012 Ebazpenaren bidez, Nafarroako Larrialdietako Agentziaren zerbitzuko suhiltzaile izateko 20 lanpostu huts lekualdatze lehiaketa bidez betetzeko deialdia onetsi zen. Deialdia 2012ko 40. Nafarroako Aldizkari Ofizialean argitaratu zen, otsailaren 27an.
Deialdian onartzeko tramitea eginik eta merezimenduak baloratzeko prozesua bukaturik, epaimahaiak emaitzak argitaratu zituen eta organo dei egileari igorri zizkion. Horrenbestez, Nafarroako Larrialdietako Agentziako zuzendari kudeatzailearen abenduaren 14ko 206/2012 Ebazpenaren bidez erabaki zen aipatu lehiaketa.
2015eko otsailaren 17an, Iruñeko Administrazioarekiko Auzien 2. Epaitegiak epaia eman zuen Iván Ayuela Del Barrio jaunak sustatutako 88/2013 prozedura laburtuan. Epai horren epaitzak hein batean baietsi zuen Nafarroako Larrialdietako Agentziako zuzendari kudeatzailearen urtarrilaren 11ko 8/2013 Ebazpenaren aurkako administrazioarekiko auzi-errekurtsoa; izan ere, interesdunak epaimahaiaren 2012ko urriaren 8ko erabakiaren aurka jarritako gora jotzeko errekurtsoa ezetsi zuen ebazpen horrek, hartan merezimenduen behin betiko balorazioa onetsi baitzen Nafarroako Larrialdietako Agentziaren zerbitzuko suhiltzaile izateko 20 lanpostu huts lekualdatze lehiaketa bidez betetzeko prozeduran. Valentziako Unibertsitateak emandako “Servicios de Prevención, Extinción de Incendios y Salvamento” izeneko ikastaroko espezializazio diploma baloratu ez izana errebokatzen du epaitzak, besterik ez, eta baloratu beharrekoa da deialdiaren oinarrietako II. eranskineko b) 1 atalaren arabera, eta errekurritutako ebazpenaren gainerakoa berresten da.
Funtzio Publikoko zuzendari nagusiaren ekainaren 13ko 1039/2016 Ebazpenaren bidez, Nafarroako Justizia Auzitegi Nagusiko Administrazioarekiko Auzien Salak 2016ko martxoaren 3an emandako 117/2016 epai irmoa bere horretan bete dadila agindu du. Iruñeko Administrazioarekiko Auzien 2. Epaitegiaren 2015eko otsailaren 17ko epaiaren aurka jarritako apelazio-errekurtsoaren barrenean eman da epai hori (88/2013 prozedura laburtua)
Izangaiek alegatutako merezimenduak baloratu aurreko unera etorri da aipatu deialdiko epaimahaia, eta epaian adierazitako ikastaroko espezializazio diploma (Servicios de Prevención, Extinción de Incendios y Salvamento izenekoa, Valentziako Unibertsitateak emana) baloratu dio Iván Ayuela Del Barrio jaunari, eta 2016ko irailaren 1ean merezimenduen balorazio berria, eranskin gisa gehitua, argitaratu du.
Bestetik, lanpostuak aukeratzeko ekitaldia hautaketa unera ekarrita, hauek ziren, puntuazio berria dela medio, errekurtsogileak zituen aukerak: 2 lanpostu, Aurizko suhiltzaileen parkean; 3, Oronoz-Mugairiko parkean; 1, Zangozako parkean eta beste bat Tafallako parkean.
Iván Ayuela Del Barrio jaunak, lanpostuak ikusita, Tafallako suhiltzaileen parkean aukeratu zuen lanpostua.
Aurrekoa kontuan hartuta eta, gaur egun, lanpostu bat hutsik dagoenez Tafallako suhiltzaileen parkean, bidezko da Iván Ayuela Del Barrio jaunari esleitzea plantillan 5313 zenbakiaz identifikatua dagoen lanpostu hutsa, eta destinoa ematea Tafallako suhiltzaileen parkean.
Horrenbestez, Lehendakaritzako, Funtzio Publikoko, Barneko eta Justiziako Departamentuaren egitura organikoa ezartzen duen irailaren 9ko 198/2015 Foru Dekretuak ematen dizkidan eskudantziak erabiliz,
EBATZI DUT:
1. Plantillan 5313 zenbakiaz identifikatzen den lanpostu hutsa Iván Ayuela Del Barrio jaunari esleitzea, Tafallako suhiltzaileen parkean aritzeko.
2. Zerbitzuaren beharrak direla-eta, 2016ko azaroaren 16an hasiko da suhiltzailea lanpostu berrian.
3. Ebazpen hau hurrengoei igortzea, behar diren ondorioak izan ditzan: Epaimahaiko kideei, Nafarroako Suhiltzaileen Zerbitzuari, Tafallako eta Lodosako parkeetako ardura duten sarjentuei, Barne Zuzendaritza Nagusiko Gai Administratiboak eta Langileria Kudeatzeko Ataleko Langile Operatiboen Kudeaketarako Bulegoari eta Funtzio Publikoko Zuzendaritza Nagusiko Langileen Erregistroko Atalari. Orobat, ebazpen hau interesdunari jakinaraztea, eta ohartaraztea gora jotzeko errekurtsoa jar dezakeela, Lehendakaritzako, Funtzio Publikoko, Barneko eta Justiziako Departamentuko kontseilariari zuzendua, jakinarazi eta biharamunetik hilabeteko epean, Administrazio Publikoen Administrazio Prozedura Erkideari buruzko urriaren 1eko 39/2015 Legearen 121. eta 122. artikuluetan xedatutakoaren arabera.
4. Nafarroako Aldizkari Ofizialean argitara dadila agintzea.
Iruñean, 2016ko urriaren 28an.–Barneko zuzendari nagusia, Agustín Gastaminza Oiz.
Iragarkiaren kodea: F1612361
