1. NAFARROAKO FORU KOMUNITATEA
1.1. XEDAPEN OROKORRAK
1.1.2. Foru Dekretuak
LEHENDAKARITZAKO, FUNTZIO PUBLIKOKO, BARNEKO ETA JUSTIZIAKO DEPARTAMENTUA. Epatzeko iragarkia, ekainaren 22ko 42/2016 Foru Dekretuaren aurkako errekurtsoetan; foru dekretu horren bidez, Hezkuntza Departamentuari atxikitako ikastetxeetako irakasleen eta laguntzaileen kontratuen gehieneko iraupena zehazten da.
AFAPNA eta Federación de Asociaciones Obreras Sindicales-Langile Abertzaleen Batzordeak izeneko sindikatuek administrazioarekiko auzi-errekurtsoak, 369/2016 eta 393/2016 zenbakiko prozedura arruntetan gauzatuak, hurrenez hurren, aurkeztu dituzte Nafarroako Justizia Auzitegi Nagusiko Administrazioarekiko Auzien Salari zuzenduta, bi-biak ekainaren 22ko 42/2016 Foru Dekretuaren aurka, zeina 2016ko 124. Nafarroako Aldizkari Ofizialean argitaratu baitzen, ekainaren 28an; foru dekretu horren bidez, Hezkuntza Departamentuari atxikitako ikastetxeetako irakasleen eta laguntzaileen kontratuen gehieneko iraupena zehaztu zen.
Salak administrazio espedientea erreklamatu duenez, hari igortzea erabaki da Funtzio Publikoko Zuzendaritza Nagusiaren urriaren 17ko 2316/2016 Ebazpenaren bidez, AFAPNA sindikatuak jarritako errekurtsoarentzat, eta urriaren 24ko 2370/2016 Ebazpenaren bidez, Federación de Asociaciones Obreras Sindicales-Langile Abertzaleen Batzordeak izenekoak jarritakoarentzat.
Orobat, Administrazioarekiko Auzien Jurisdikzioa arautzen duen uztailaren 13ko 29/1998 Legearen 49. artikuluarekin bat, iragarki honen bidez, aipatu prozeduretan emandako epaiek ukituta izan daitezkeen interesdun guztiak epatzen dira, Administrazioarekiko Auzien Salan ager daitezen argitalpen honen ondoko bederatzi egun balioduneko epean.
Iruñean, 2016ko urriaren 26an.–Funtzio Publikoaren Antolamenduko Zerbitzuko zuzendaria, Cristina Zozaya Iribarren.
Iragarkiaren kodea: F1612191