1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
1512/2016 EBAZPENA, urriaren 14koa, Nafarroako Unibertsitate Publikoko errektoreak emana, María Magdalena Romera Ciria andrea “Espainiar Hizkuntza” jakintza-arloko unibertsitateko irakasle titular izendatzen duena.
Ikusirik apirilaren 19ko 673/2012 Ebazpena (maiatzaren 9ko E.A.O.), unibertsitate irakaskidegoetako bi lanpostu betetzeko lehiaketarako deia egin zuena.
Ikusirik lehiaketa epaitu duen batzordeak 2012ko ekainaren 28an egindako proposamena, “Espainiar Hizkuntza” jakintza-arloko unibertsitateko irakasle titularraren lanpostua, 4294 kodeduna eta Filologia eta Hizkuntzaren Didaktika Sailari atxikia, betetzeari buruz, eta interesdunak aurkeztu duenez deialdiaren hamargarren oinarriak aipatzen duen dokumentazioa.
Ikusirik irailaren 15eko 1324/2016 Ebazpena, Nafarroako Unibertsitate Publikoko errektorearena. Haren bidez agintzen da Nafarroako Justizia Auzitegi Nagusiaren Administrazioarekiko Auzien Salaren ekainaren 18ko 309/2014 Epaia, Auzitegi Gorenaren 2015eko irailaren 10eko Autoaren bidez irmo bihurtua, betearazteko, eta, horrenbestez, dagokion hautaketa prozesuarekin jarraitzeko, zeina Auzitegi Gorenaren 2012ko azaroaren 28ko Autoaren bidez bertan behera geratu baitzen.
Aurrekoagatik guztiagatik, eta Unibertsitateei buruzko abenduaren 21eko 6/2001 Legearen 65. artikuluan, eta Estatutuen 40. artikuluan esleituta dauzkadan eskumenak betez,
EBATZI DUT:
Lehena.–María Magdalena Romera Ciria andrea Nafarroako Unibertsitate Publikoko irakasle titular izendatzea. Lanpostua “Espainiar Hizkuntza” jakintza-arlokoa da, 4294 kodea du, eta Filologia eta Hizkuntzaren Didaktika Sailera atxikita dago.
Bigarrena.–Izendapen honek indarra hartuko du interesduna lanpostuaz jabetzen denean, gehienez ere hogei eguneko epean, Ebazpen hau “Estatuko Aldizkari Ofizialean”» argitaratzen denetik kontatzen hasita.
Hirugarrena.–Ebazpen honek administrazio bidea agortzen du, Unibertsitateei buruzko Lege Organikoaren 6.4 artikuluan ezarritakoaren arabera, eta bere aurka zilegi da berraztertzeko errekurtsoa errektoreari zuzenduta, edo, bestela, zuzenean administrazioarekiko auzi-errekurtsoa Nafarroako Administrazioarekiko Auzietako epaitegietan, hilabeteko epean lehenengo kasuan, eta bi hilabeteko epean bigarrenean, biak ere ebazpena argitaratu eta biharamunetik kontatzen hasita.
Iruñean, 2016ko urriaren 14an.–Errektorea, Alfonso Carlosena.
Iragarkiaren kodea: F1611992
