203. ALDIZKARIA - 2016ko urriaren 20a

2. NAFARROAKO TOKI ADMINISTRAZIOA

2.2. XEDAPEN ETA IRAGARKIAK, HERRIEN ARABERA ANTOLATUAK

BARAÑAIN

Tokiko Gobernu Batzarraren erabakiaren laburpena, 2016ko urriaren 7koa, 2016an gizarte ekintzaren alorrean jarduerak egiten dituzten entitate eta elkarteei diru-laguntzak emateko deialdia onesten duena

Diru-laguntzei buruzko azaroaren 17ko 38/2003 Lege Orokorraren 17.3b) eta 20.8a) artikuluetan aurreikusitakoari jarraituz, argitara ematen da deialdiaren laburpena; horren testu osoa Diru-laguntzen Datu Base Nazionalean kontsulta daiteke (http://www.pap.minhap.gob.es/bdnstrans/index). BDNS (Identifikazioa): 319678.

A.–Onuradunak: gizarte ekintzaren alorrean jarduerak egiten dituzten irabazi-asmorik gabeko erakunde, instituzio eta elkarteak.

B.–Xedea: herritarren ongizatearen garapenean eraginen duten programak bultzatzea, ondoko jarduera hauen bidez: prebentzioa, asistentzia, ikerketa, gizarteratze-lana, eta herritarren parte-hartzearen sustapena eta sentsibilizazioa gizarte esku-hartzearen zenbait sektoretan.

C.–Oinarri arautzaileak: Diru-laguntzen Base Nazionalean eta Udalaren webgunean.

D.–Zenbatekoa: 10.000 euro.

E.–Eskaerak aurkezteko epea: hamabost egun natural, iragarkia: BON.ean argitaratzen denetik hasita.

Barañainen, 2016ko urriaren 11n.–Jarduneko alkatea, José Ignacio López Zubicaray.

Iragarkiaren kodea: L1611554