197. ALDIZKARIA - 2016ko urriaren 11

1. NAFARROAKO FORU KOMUNITATEA

1.7. BESTELAKOAK

322E/2016 EBAZPENA, irailaren 26koa, Ingurumen Kalitatearen eta Klima Aldaketaren Zerbitzuko zuzendariak emana, ofizioz aldatzen duena automoziorako plastikoak injektatzeko eta margotzeko instalazio baten Ingurumen baimen integratua. Instalazioaren titularra Faurecia Automitive Exteriors España SA da.

Instalazio horrek badu Ingurumen baimen integratua, Ingurumenaren eta Uraren zuzendari nagusiak azaroaren 6ko 2132/2007 Ebazpenaren bidez emana, Ingurumenaren eta Uraren zuzendari nagusiaren urriaren 6ko 442E/2014 Ebazpenaren bidez eguneratua.

Gero, Ingurumen Kalitatearen eta Klima Aldaketaren Zerbitzuko zuzendariaren abenduaren 28ko 421E/2015 Ebazpenaren arabera, instalazioaren Ingurumen baimen integratua aldatu zen, pinturaren lerro berri baten proiektua gauzatzeko, aldaketa ez funtsezko bati dagokionez.

2016ko maiatzaren 6an, titularrak erantzukizuneko aitorpena aurkeztu du, pinturaren eta kolatzearen lerroari dagokion proiektua martxan jartzeko.

Aitorpen horrekin batean aurkeztutako agiri teknikoak berrikusirik, ikusi da badirela aldakuntza batzuk azkenerako gauzatu den instalazioan, eta, horrenbestez, instalazioaren aldaketa baimentzeko ebazpenean ezarritako funtzionamendurako baldintza batzuk kanbiatu behar dira, eta Ingurumen baimen integratuan sartu.

Bestalde, aurkeztutako aitorpenean, titularrak aldaketak eskatu ditu Ingurumen baimen integratuan. Honela baloratzen dira:

–Ez da bidezkoa garreztatze kabinari dagokion 18. fokuko errekuntzako gasen neurketa kentzea, urtarrilaren 28ko 100/2011 Errege Dekretuaren arabera sailkatutako errekuntza fokua baita. Dena dela, bidezkoa da oxigenoaren %3ko zuzenketa kentzea.

–Ez da bidezkoa KOHen neurketa eranstea garreztatze kabinari dagokion 18. fokuari, ez baita disolbatzaileak erabiltzea ekartzen duen jarduerarik eginen. KOHak foku horretan daude, titularrak adierazten duen moduan, lerro horretan komunikatzen direlako pintatze kabina eta garreztatze kabina. Hortaz, pintatzeko prozesuan sortutako emisioa zehaztu gabea da egiazki, instalazioaren errauste sistemara bideratzen ez dena. Adierazi beharra dago instalazioa 117/2003 Errege Dekretuaren menpe dagoela, disolbatzaileak erabiltzeagatik, eta, beraz, urtero justifikatu behar du KOHen emisio zehaztu gabea eta emisio konfinatua betetzen direla.

–Bidezkoa da 12. fokua kentzea, aldez aurretik jakinarazi den moduan.

Kasu honetan, Ingurumena Babesteko Esku-hartzeari buruzko martxoaren 22ko 4/2005 Foru Legea garatzen duen Erregelamenduaren 27. artikuluko d) letran aurreikusitako inguruabarrak gertatzen direla iritzi da, eta, horrenbestez, bidezko da Ingurumen baimen integratuan ezarritako baldintzak ofizioz aldatzea, Ingurumena Babesteko Esku-hartzeari buruzko martxoaren 22ko 4/2005 Foru Legea garatzen duen Erregelamenduaren 28. artikuluan aurreikusitako administrazio prozedurarekin bat, eta ez da bidezkotzat jo aldaketa-espediente hau jendaurrean jartzea.

Ebazpen proposamenaren tramitazio prozesuan entzutea eman zaio instalazioaren titularrari hamabost egunez, eta ez du proposamenaren aurkako alegaziorik aurkeztu.

Adierazitakoarekin bat, eta zerbitzuetako zuzendariei eskumenak eskuordetzeko Ingurumeneko eta Lurraldearen Antolamenduko zuzendari nagusiak irailaren 22an emandako 63/2015 Ebazpenaren bidez eskuordetu dizkidaten eskumenak erabiliz,

EBATZI DUT:

Lehena.–Tuterako udal mugapean automoziorako plastikoak injektatzeko eta margotzeko instalazioaren Ingurumen baimen integratua ofizioz aldatzea, ebazpen honen eranskinean zehaztutako aldaketen arabera. Hortaz, instalazioak eta jarduerak berak instalazioari Ingurumen baimen integratua eman eta aldatzeko lehendik tramitatutako administrazio espedienteetan ezarritako baldintzak bete beharko dituzte, eta, horiez gainera, ebazpen honen eranskinean adierazitako baldintzak eta neurriak. Instalazioaren titularra Faurecia Automotive Exteriors España SA da.

Bigarrena.–Ebazpen honetan bildu diren baldintzak ez betetzeak berarekin dakar ingurumeneko diziplina neurriak hartzea, hain zuzen ere, Kutsaduraren Prebentzio eta Kontrol Integratuei buruzko uztailaren 1eko 16/2002 Legearen IV. tituluan jasotakoak, galarazi gabe sektoreko legerian ezarritakoa, aplikagarri izaten segituko baitu, eta, horren osagarri, Ingurumena Babesteko Esku-hartzeari buruzko martxoaren 22ko 4/2005 Foru Legearen VI. tituluan ezarritako zehapen araubidea.

Hirugarrena.–Ebazpen hau Nafarroako Aldizkari Ofizialean argitaratzea.

Laugarrena.–Ebazpen honek ez du administrazio bidea amaitzen, eta interesdunek, administrazio publikoek izan ezik, gora jotzeko errekurtsoa jar dezakete haren aurka, Landa Garapeneko, Ingurumeneko eta Toki Administrazioko Departamentuko kontseilariari zuzendua, hilabeteko epean. Administrazio publikoek zilegi dute administrazioarekiko auzi-errekurtsoa jartzea, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean. Horrek ez du galarazten Nafarroako Gobernuan aldez aurreko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean. Epeak ebazpen hau jakinarazi eta biharamunetik hasita kontatuko dira.

Ebazpen hau Tuterako Udalari eta Faurecia Automotive Exteriors España SAri igortzea, behar diren ondorioak izan ditzan.

Iruñean, 2016ko irailaren 26an.–Ingurumen Kalitatearen eta Klima Aldaketaren Zerbitzuko zuzendaria, Pedro Zuazo Onagoitia.

Oharra: ebazpen honetan aipatzen diren eranskinak interesdunen eskura egonen dira Ingurumeneko eta Lurraldearen Antolamenduko Zuzendaritza Nagusiaren bulegoetan (González Tablas kalea, 9, behea, Iruña), Ingurumen Kalitatearen eta Klima Aldaketaren Zerbitzuan eta Nafarroako Gobernuaren webgunean: http://www.navarra.es/home_es/Temas/Medio+Ambiente/Evaluacion+ambiental/Autorizaciones+ambientales/.

Iragarkiaren kodea: F1611173