1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
2409/2016 EBAZPENA, irailaren 20koa, Hezkuntza Departamentuko Giza Baliabideen Zerbitzuko zuzendariak emana, Eva Pérez Zurbano andrea Nafarroako Foru Komunitateko Administrazioaren zerbitzuko Maisu-maistren Kidegoan sartzeko hautapen prozeduraren espedientea onesten duena.
Hezkuntza Departamentuko Giza Baliabideen Zerbitzuko zuzendariaren otsailaren 18ko 300/2011 Ebazpenaren bidez, maisu-maistren kidegoan Nafarroako Foru Komunitateko Administrazioaren kudeaketa esparruko lanpostuetan sartzeko eta maisu-maistren kidegoko karrerako langile funtzionarioek kidego horretan espezialitate berriak eskuratzeko deialdia onetsi zen.
Hezkuntza Departamentuko Giza Baliabideen Zerbitzuko zuzendariaren apirilaren 15eko 867/2015 Ebazpenaren bidez, Auzitegi Goreneko Administrazioarekiko Auzien Salak 862/2014 kasazio errekurtsoan emandako epai irmoa betez, Eva Pérez Zurbano andrea Ingelesa (gaztelaniaz) espezialitatean hautatutako izangaien zerrendan sartu eta praktiketako funtzionario izendatu zen.
Praktikaldia bukatuta, hura kalifikatzen duen Batzordeak Zerbitzu honi igorri dio aipatu izangaiak lortutako kalifikazioa, Giza Baliabideen Zerbitzuko zuzendariaren otsailaren 18ko 300/2011 Ebazpenaren 13. oinarrian xedatutakoari jarraituz.
Eva Pérez Zurbano andreak deialdian ezarritako baldintzak betetzen dituela egiaztaturik, eta haren oinarrietan ezarritakoari jarraituz, bidezko da Nafarroako Foru Komunitateko Administrazioaren zerbitzuko Maisu-maistren Kidegoan sartzeko aipatu izangaiari dagokion hautapen prozeduraren espedientea onestea; orobat, bidezko da onespen hori Hezkuntza, Kultura eta Kirol Ministeriora igortzea, Nafarroako Foru Komunitateko Administrazioaren zerbitzuko Maisu-maistren Kidegoko karrerako funtzionarioaren titulua eman dezan.
Horiek horrela, Hezkuntza Departamentuko Unibertsitateen eta Hezkuntza Baliabideen zuzendari nagusiak abuztuaren 13an emandako 1/2015 Ebazpenaren bidez eskuordetutako ahalmenak erabiliz,
EBATZI DUT:
1. Nafarroako Foru Komunitateko Administrazioaren zerbitzuko Maisu-maistren Kidegoan sartzeko, Eva Pérez Zurbano andreari buruzko hautapen prozeduraren espedientea onestea, gai atera baita Hezkuntza Departamentuko Giza Baliabideen Zerbitzuko zuzendariaren otsailaren 18ko 300/2011 Ebazpenaren bidez onetsitako hautapen prozedurari dagokion praktika-aldiaren kalifikazioan:
–Izen-deiturak: Pérez Zurbano, Eva.
–Kidegoa: Maisu-maistrak.
–Txanda: librea.
–Espezialitateak: Atzerriko Hizkuntza. Ingelesa, gaztelaniaz.
–Puntuazioa: 6,5398.
–Izendapenaren ondorioetarako data: 2012ko irailaren 1a.
2. Ebazpen hau Hezkuntza, Kultura eta Kirol Ministeriora igortzea, Nafarroako Foru Komunitateko Administrazioaren zerbitzuko Maisu-maistren Kidegoko karrerako funtzionario titulua luza dezan.
3. Ebazpen honen aurka gora jotzeko errekurtsoa aurkezten ahal da, Lehendakaritzako, Funtzio Publikoko, Barneko eta Justiziako Departamentuko kontseilariari zuzendua, hilabeteko epean, argitaratu eta biharamunetik aurrera.
4. Ebazpen hau Nafarroako Aldizkari Ofizialean argitaratzea.
5. Ebazpen hau honako hauei igortzea: Idazkaritza Tekniko Nagusiari, Baliabide Ekonomikoen Zerbitzuari, Deialdien Atalari, Langileriaren Plantillarako Bulegoari eta Giza Baliabideen Zerbitzuko Kontrol Administratiboaren eta Langileriaren Araubidearen Bulegoari, Hezkuntza, Kultura eta Kirol Ministerioari, Gizarte Segurantzaren Diruzaintza Orokorrari, Estatuko klase pasiboei, Estatuko Administrazio Zibileko Funtzionarioen Mutualitate Orokorrari eta interesdunari.
Iruñean, 2016ko irailaren 20an.–Giza Baliabideen Zerbitzuko zuzendaria, Miren Itziar Aragüés Cemboráin.
Iragarkiaren kodea: F1610750