191. ALDIZKARIA - 2016ko urriaren 3a

2. NAFARROAKO TOKI ADMINISTRAZIOA

2.2. XEDAPEN ETA IRAGARKIAK, HERRIEN ARABERA ANTOLATUAK

BAZTAN

Laburpena, Baztango elkarteek sustatutako kultur jarduerak egiteko udal diru-laguntzen 2016ko deialdi publikoarena

Diru-laguntzei buruzko azaroaren 17ko 38/2003 Lege Orokorraren 17.3.b eta 20.8.a artikuluetan aurreikusitakoari jarraituz, argitara ematen da deialdiaren laburpena; horren testu osoa Diru-laguntzen Datu Base Nazionalean kontsulta daiteke (http://www.pap.minhap.gob.eu/bdnstrans/index). BDNS (Identifikazioa): 318248.

Baztango Udaleko Tokiko Gobernu Batzarrak, 2016ko irailaren 23an egin bilkuran, onetsi zituen Baztango elkarteek sustatutako kultur jarduerak egiteko udal diru-laguntzen 2016ko deialdi publikoaren oinarri arautzaileak.

Lehena.–Onuradunak.

Laguntza hauen onuradunek baldintza hauek bete beharko dituzte:

1.–Irabazi-asmorik gabeko elkartea izatea.

2.–Egoitza eta helbide fiskala Baztanen izatea.

3.–Zerga betebeharrak eta Gizarte Segurantzarenak eguneratuak izatea, eta zorrik ez izatea Baztango Udalarekin.

4.–Ezin izanen zaie diru-laguntzarik eman Diru-laguntzei buruzko azaroaren 17ko 38/2003 Lege Orokorraren 13. artikuluko 2. eta 3. idatz-zatietan aipatutako kasuren batean dauden entitateei.

Onuradunek baldintzak betetzen dituztela frogatzen duten agiriak aurkeztu beharko dituzte.

Bigarrena.–Xedea.

Laguntza ekonomikoa ematea kultura jarduerei:

a) Euskararen erabilera errazten dutenak.

b) Prestakuntzakoak (ikastaroak, lantegiak, hitzaldiak).

c) Sormenezkoak (erakusketak).

d) Artistikoak (antzerkia, bideoa, kontzertuak) edo antzeko beste batzuk.

e) Jende guztiarentzat zabalik daudenak.

Hirugarrena.–Oinarri arautzaileak.

http://www.baztan.eus/es/ayuntamiento/zerbitzuak/kultura-zerbitzua/diru-laguntzak/

Laugarrena.–Zenbatekoa.

Laguntzetarako dagoen diru kuota osoa: 20.300 euro.

Bosgarrena.–Eskabideak aurkezteko epea.

Eskaerak, behar bezala beteta, Baztango Udaleko Erregistroan aurkeztuko dira, astelehenetik ostiralera 09:00etatik 14:00ak arte, edo edozein erregistro ofizialetan 20 egun naturaleko epean, deialdia Nafarroako Aldizkari Ofizialean argitaratzen denetik hasita.

Baztanen, 2016ko irailaren 27an.–Alkatea, Joseba Otondo Bikondoa.

Iragarkiaren kodea: L1610926