1. NAFARROAKO FORU KOMUNITATEA
1.4. DIRU-LAGUNTZAK, LAGUNTZAK ETA BEKAK
Laburpena, Eskubide Sozialetako kontseilariak irailaren 9an emandako 30E/2016 Foru Aginduarena. Haren bidez, 2016. urtean irabazi-asmorik gabeko entitateei diru-laguntzak emateko deialdia onesten da ingurune ahuletan gizarte eta bizitegi arloko ekintzak eta bizikidetza hobetzekoak garatzeko.
Diru-laguntzei buruzko azaroaren 17ko 38/2003 Lege Orokorraren 17.3.b eta 20.8.a artikuluetan aurreikusitakoari jarraituz, argitara ematen da deialdiaren laburpena; horren testu osoa Diru-laguntzen Datu Base Nazionalean kontsulta daiteke (http://www.pap.minhap.gob.es/bdnstrans/GE/eu/index): BDNS (identifikazioa): 317048.
Lehendabizikoa.–Onuradunak:
Irabazi-asmorik gabeko gizarte ekimeneko entitateak, pertsonak gizarteratzeko proiektuak eta ingurune ahuletan gizarte eta bizitegi arloko ekintzak eta bizikidetza hobetzekoak egiten dituztenak.
Bigarrena.–Xedea:
Diru-laguntzak ematea Nafarroan gizarte-bazterketa egoeran dauden pertsonen bizi baldintzak hobetzea helburu duten proiektuentzat eta txirotasunaren aurkako borrokan laguntzen eta pertsona horiek eta beraien autonomia sustatzen duten proiektuentzat.
Hirugarrena.–Oinarri arautzaileak:
Eskubide Sozialetako kontseilariak irailaren 9an emandako 30E/2016 Foru Agindua. Haren bidez, irabazi-asmorik gabeko entitateentzako diru-laguntzen deialdia onesten da 2016. urtean ingurune ahuletan gizarte eta bizitegi arloko ekintzak eta bizikidetza hobetzekoak garatzeko.
Laugarrena.–Zenbatekoa:
Deialdiak 38.052,88 euroko kreditua du.
Bosgarrena.–Eskaerak aurkezteko epea:
Eskaerak aurkezteko epea 10 egun naturalekoa izanen da, irailaren 9ko 30E/2016 Foru Agindua Nafarroako Aldizkari Ofizialean argitaratu eta biharamunetik hasita.
Iruñean, 2016ko irailaren 13an.–Eskubide Sozialetako kontseilaria, Miguel Laparra Navarro.
Iragarkiaren kodea: F1610360
