2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
IRUÑA
Mugartea sektorea (Aranguren ibarra) birzatitzeko
proiektuaren ondorioz sortutako "P4-6" lurzatiaren jabetzaren
udal portzentajea besterentzea
Iruñeko Udalaren Gobernu Batzarrak, 2016ko irailaren 6an, honako erabaki hau hartu zuen:
JOB 06-SEP-16 (1/CV).
José Luis Loizu Asiainen eskaera ikusita, Promociones Ocec SAren izenean egin baitzuen 2016ko maiatzaren 25ean; ikusirik besterentze zuzena egiteko hitzarmenaren proposamena, 2016ko uztailaren 28koa; 2016ko uztailaren 22ko txosten juridikoari jarraikiz eta 2016ko abuztuaren 5eko egokitasun txostenarekin bat, honako hau
ERABAKI ZUEN:
1. Besterengarri deklaratzea Mugartea sektorea (Aranguren ibarra) birzatitzeko proiektuko P4-6 lurzatiaren %6,48, horren jabea Udala baita.
2. Hasiera batean onestea Mugartea sektorea (Aranguren ibarra) birzatitzeko proiektuko P4-6 lurzatiaren %6,48 zuzenean besterentzeko hitzarmena, Iruñeko Udalaren lurzoru ondarearen barnean baita.
3. Espedientea jendaurrean edukitzea hogei egunean, Nafarroako Aldizkari Ofizialean argitaratu eta biharamunetik hasita; eta erabaki hau ukitu guztiei jakinaraztea.
Iruñean, 2016ko irailaren 8an.–Alkatea, Joseba Asiron Saez.
Iragarkiaren kodea: L1610278
