Iragarkia

178. ALDIZKARIA - 2016ko irailaren 14a

1. NAFARROAKO FORU KOMUNITATEA

1.2. AGINTARIAK ETA LANGILEAK

1.2.2. Oposizioak eta lehiaketak. Lan publikoaren eskaintza

1475E/2016 EBAZPENA, abuztuaren 29koa, Osasunbidea-Nafarroako Osasun Zerbitzuko zuzendari kudeatzaileak emana, Osasunbidea-Nafarroako Osasun Zerbitzua erakunde autonomoan barrutiko fakultatibo espezialista izateko 88 lanpostu huts, OOLTko pediatra izateko 17 lanpostu huts eta Ospitalez Kanpoko Larrialdietako pediatra izateko 3 lanpostu huts (108, guztira) merezimendu lehiaketa bidezko lekualdatzeaz betetzeko deialdia onesten duena.

Osasunbidea-Nafarroako Osasun Zerbitzuko zuzendari kudeatzailearen ebazpenaren bidez, Nafarroako Foru Komunitateko Administrazioko Osasunbidea-Nafarroako Osasun Zerbitzuan barrutiko fakultatibo espezialista izateko 88 lanpostu huts, OOLTko pediatra izateko 17 lanpostu huts eta Ospitalez Kanpoko Larrialdietako pediatra izateko 3 lanpostu huts (108, guztira) merezimendu lehiaketa bidezko lekualdatzeaz betetzeko deialdia onetsi da. Hona hemen arauak:

OINARRIAK

1.–Arau orokorrak.

1.1. Deialdi hau arau hauetan xedatutakoari jarraikiz gauzatuko da:

–11/1992 Foru Legea, urriaren 20koa, Osasunbidea-Nafarroako Osasun Zerbitzuari atxikitako langileen berariazko araubidea erregulatzen duena.

–347/1993 Foru Dekretua, azaroaren 22koa, Osasunbidea-Nafarroako Osasun Zerbitzuan sartu eta bertako lanpostuak betetzeko arauak ematen dituena.

–111/2011 Foru Agindua, irailaren 19koa, Osasuneko kontseilariak emana, Osasunbidea-Nafarroako Osasun Zerbitzuan osasun arloko A mailako langileen lanpostuetan (A.1 eta A.2 estamentuak) sartu eta lanpostu horiek betetzeko prozedurak arautu, eta horietan aplikatu beharreko merezimendu baremoak ezartzen dituena.

–55/2009 Foru Dekretua, ekainaren 15ekoa, euskaraz jakitearen trataera arautzen duena.

–203/2001 Foru Dekretua, uztailaren 30ekoa, agertzen duena Nafarroako Foru Komunitateko Administrazioaren eta haren erakunde autonomoen plantillako zein lanpostu diren euskara jakin beharrekoak (Hezkuntza eta Kultura Departamentuko irakasleenak kanpo direla) eta zer jakite maila behar duten, eta zehazten duena zein lanpostutan hartu behar den euskara jakitea beste batzuen arteko merezimendutzat; eta 35/2016 Foru Dekretua, maiatzaren 25ekoa, Nafarroako Foru Komunitateko Administrazioaren eta haren erakunde autonomoen plantilla organikoa aldatzen duena.

–Gainerako arau osagarriak.

1.2. Deialdiaren ondoriozko egintzak honako hauetako batean edo batzuetan argitaratuko dira:

–Osasunbidea-Nafarroako Osasun Zerbitzuko (aurrerantzean O-NOZ) organo zentralen iragarki oholean (Armada etorbidea, 2, Iruña). Argitalpen ofiziala izanen da.

–Nafarroako Aldizkari Ofizialean. Argitalpen ofiziala izanen da.

–O-NOZko enplegu publikoaren web orrian (www.empleosalud.navarra.es), “lekualdatzeak”-“deialdiak” izeneko estekan, BFE (2013-15-16 LEP) aukeratuz. Informazio balioa izanen du.

1.3. Deialdi honen helburua da Osasunbidea-Nafarroako Osasun Zerbitzuan barrutiko fakultatibo espezialista izateko 88 lanpostu huts, OOLTko pediatra izateko 17 lanpostu huts eta Ospitalez Kanpoko Larrialdietako pediatra izateko 3 lanpostu huts (108, guztira) merezimendu lehiaketa bidezko lekualdatzeaz betetzea (lanpostuak I. eranskinean ageri dira). Espezialitate bakoitzeko lanpostuak esleitzeko prozedura banakakoa izanen da, eta deialdi honen arabera eginen da.

1.4. Merezimendu lehiaketaren deialdi honetan Nafarroako Foru Komunitateko Administrazioaren eta haren erakunde autonomoen barreneko lekualdatze lehiaketa eta Espainiako lekualdatze lehiaketa sartzen dira, betiere hurrengo paragrafoan xedatutakoaren arabera bidezko diren espezialitateetan. Espainiakoa lehenbizikoa bukatutakoan eginen da.

Espainiako lekualdatze lehiaketan, Nafarroako Foru Komunitateko eremuan egiten den merezimendu lehiaketaren ondorioz sortu eta LEPean sartutako lanpostu hutsetatik %10 eskainiko da, zenbaki osoetan. Bestalde, Foru Administrazioaren eremuan egindako merezimendu lehiaketan sortzen den lanpostu kopurua hamarretik beherakoa bada, lanpostu huts horiek hurrengo deialdietarako kontuan hartuko dira, eta hamar lanpostu huts baino gehiago metatzen direnean baizik ez dira eskainiko Espainiako lekualdatze lehiaketan (dagokion portzentajean). Metatze hori I. eranskinean azaltzen da, espezialitate bakoitzean.

1.5. Lehiaketa honen barrenean lanpostu hauek sartuko dira: hasieran zeuden lanpostuak eta lehiaketan lanpostu berria eskuratzen duten langileek hutsik uzten dituztenak, betiere lanpostu horiek O-NOZko, Nafarroako Foru Komunitateko Administrazioaren beste departamentu batzuetako edo haren erakunde autonomoetako plantillakoak badira. Espainiako lekualdatze lehiaketan ez dira sartuko Nafarroako lehiaketan hutsik geratu eta O-NOZko plantillakoak ez direnen lanpostuak.

Izangaiek lekualdatze lehiaketan beste lanpostu bat lortu ondoren uzten dituzten lanpostu hutsak bete beharrekoak ez badira, dela “iraungitzeko” lanpostuak direlako, dela titularrek nahiz ordezkoek betetzen ez dituztelako, ez dira eskainiko.

1.6. Nafarroako Foru Komunitateko Administrazioaren eta haren erakunde autonomoen lekualdatze lehiaketa honetan parte hartzen duten langileei ez zaie aldatuko lehiaketan parte hartu aurretik zuten araubide juridikoa. Aurreikuspen hori ez zaie aplikatuko Nafarroako Foru Administrazioan eta haren erakunde autonomoetan lanaldi partzialean diharduten kontratudun finkoei. Izan ere, langile horiek lanaldi osoko lanpostu bat eskuratzen badute, funtzionario izatera pasatuko dira. Funtzionarioen araubideko edo estatutupeko langileek, merezimendu lehiaketa bidezko lekualdatzearen bitartez, aukera izanen dute lanaldi partzialeko lan araubideko lanpostu bat eskuratzeko. Kasu horretan, funtzionario edo estatutupeko langile gisa, borondatezko eszedentziara igaroko dira.

Lekualdatze lehiaketaren bidez Osasun Sistema Nazionaletik O-NOZera pasatzen diren langileek aukera izanen dute Nafarroako administrazio publikoetako funtzionario bihurtu eta bertako Langileen Estatutuan sartzeko, eta bi hilabete izanen dituzte, lanpostuaz jabetu eta biharamunetik hasita, aukera horretaz baliatzeko, abenduaren 29ko 717/2003 Foru Dekretuan xedatutakoarekin bat.

1.7. Deialdi honetan lanpostua eskuratzen duten langile funtzionario, estatutupeko edo lan-kontratudun finkoek indarra duten xedapenen araberako ordainsariak jasoko dituzte.

1.8. Lanaldia zerbitzuaren beharretara moldatuko da, goizez edo arratsaldez, eta administrazioko organo eskudunek noiznahi aldatzen ahalko dute.

Horrez gain, guardiak eginen dituzte, lanpostuan bertan egon beharrekoak eta/edo lanpostuz kanpokoak, zentroko zuzendaritzak edo, hark eskuordeturik, kasuan kasuko burutzak hala agintzen duenean.

1.9. Barrutiko fakultatibo espezialista izateko lanpostu berria lortzen duenak dagokion atxikipen eremura organikoki lotuta geldituko da, Osasunbidea-Nafarroako Osasun Zerbitzuan sartu eta bertako lanpostuak betetzea arautzen duen azaroaren 22ko 347/1993 Foru Dekretuaren 1. artikuluan ezarritakoaren arabera.

1.10. Osasunari buruzko azaroaren 23ko 10/1990 Foru Legeak ezartzen duenez, osasun arloko profesionalek parte hartuko dute osasun arloko profesionalen graduatu aurreko, graduatu ondoko eta etengabeko irakaskuntzan, eta, era berean, biztanleen osasuna hobetzea helburu duten heziketa ekintzetan lagunduko dute.

1.11. Hautapen probak gainditu eta 2009ko urtarrilaren 1aren ondotik Nafarroako Administrazio Publikoetako edozeinetan, euskara edo Europar Batasuneko hizkuntzaren bat jakin beharra duten lanpostuetan sartu direnek, aurrerago, beren administrazio publikoan hutsik dauden eta hizkuntza hori jakitea nahitaezkoa duten lanpostuak betetzeko deialdian baizik ez dute parte hartu ahal izanen.

Aurreikuspen hori ez da aplikatuko baldin eta, jakin behar den hizkuntza kontuan hartu gabe, hautapen prozesuko emaitzak aukera ematen bazion interesdunari baldintza hori ez zuen lanpostu bat eskuratzeko.

2.–Betebeharrak

2.1. Merezimendu lehiaketa honetan onartuak izateko, izangaiek betebehar hauek izanen dituzte eskabideak aurkezteko epea bukatzen den egunean:

2.1.1. Nafarroako Foru Komunitateko Administrazioaren eta haren erakunde autonomoen plantillako langileek, araubide juridikoa edota egoera administratiboa edozein dutela ere:

a) Nafarroako Foru Komunitateko Administrazioaren eta haren erakunde autonomoen funtzionarioa, estatutupeko langilea edo lan-kontratudun finkoa izatea, A maila edo taldekoa.

b) Medikuntzako gradudun/lizentziadun titulua, edo titulu baliokide bat, eta I. eranskinean adierazitako espezialitatekoa izatea.

c) Izendatua izatea lanpostu baterako, zeinean sartzeko I. eranskinean aipatzen den espezialitateko tituluaren jabe izatea eskatu baitzitzaion.

d) Haurrentzako eta nerabeentzako babes sistema aldatzen duen uztailaren 28ko 26/2015 Legearen arabera, adingabeekin ohiko harremana duten lanpostuetan aritzeko baldintza da epai irmo baten bidez kondenatua ez izatea sexu-askatasunaren eta sexu-ukigabetasunaren aurkako delitu batengatik, ezta gizakien salerosketarengatik ere.

Baldintza hori frogatzeko, abenduaren 11ko 1110/2015 Errege Dekretuan arautzen den Sexu Delituen Egileen Erregistro Nagusiak emandako ziurtagiri negatibo bat aurkeztu beharko da, edo O-NOZi baimena ematea ziurtagiri hori Sexu Delituen Egileen Erregistro Nagusiari eska diezaion.

2.1.2. Osasun Sistema Nazionaleko gainerako langileek.

a) Plantillako langile finkoa izatea, eta Osasun Sistema Nazionalean (Nafarroako Foru Komunitateko Administrazioaren eta haren erakunde autonomoen plantillakoak salbu) lanpostu batean aritzea edo lanpostu bat erreserbatuta izatea.

b) Abiapuntuko destinoan urte bat aritu izana lanpostuaren jabe izanda, deialdi honetako eskaerak aurkezteko ezarritako epea bukatu baino lehen.

c) Nafarroako Foru Komunitateko Administrazioko eta haren erakunde autonomoetako plantillako langileendako 2.1.1.b), c) eta d) ataletan aipatzen diren baldintzak betetzea.

2.2. Parte hartzaile guztiek, jardunean ez beste egoera batean badaude, frogatu beharko dute deialdi honetako eskaerak aurkezteko epea bukatzen den egunean jardunean hasteko legezko eta erregelamenduzko baldintzak betetzen dituztela.

2.3. Euskarari buruzko Foru Legeak definitutako Eremu Euskaldunean dauden lanpostu hutsak eskuratzeko, baldin eta uztailaren 30eko 203/2001 Foru Dekretuaren eta maiatzaren 25eko 35/2016 Foru Dekretuaren arabera behar den euskara-maila frogatu behar bada, Euskarabideak, izangaiak eskatutako hizkuntza maila ote duen ikusteko, prestatuko dituen berariazko probak gainditu beharko dira edo, bestela, 1. jakite-maila frogatu beharko da, hizkuntza eskola ofizialen batean lau kurtso edo Nafarroako Gobernuak antolatutako ikastaroetan bederatzi urrats gainditu izanaren ziurtagiria aurkeztuz.

Euskaraz dakitela proben bidez frogatu nahi duten izangaiei proba horiek egiteko tokia, eguna eta ordua adieraziko zaizkie, behar den denboraz. Izangaiek nortasun agiri nazionala edo epaimahaiak askiesten duen beste nortasun agiri bat aldean dutela agertu beharko dute probetara. Proba horietan lortutako puntuazioa kontuan hartuko da merezimenduen balorazioaren dagokion atalean.

2.4. Izangaiek betebehar guztiak bete beharko dituzte eskabidea aurkezten den unean, eta horien jabe izan beharko dute prozedura osoan, lanpostua esleitzen den arte. Salbuespena da aurreko lerroaldean euskara probari buruz adierazitakoa.

2.5. Nafarroako Foru Komunitateko Administrazioaren eta haren erakunde autonomoen plantillako langileak, lanpostu erreserbarik gabeko eszedentzian badaude, lekualdatze lehiaketa honetan parte hartuz itzul daitezke jardunera.

2.6. Halaber, beren estamentu eta espezialitateko lanpostu huts bati atxikirik behin-behinekoz sartu edo itzuli direnek nahitaez aurkeztu beharko dute lekualdatze lehiaketa honetara, behin betiko esleipenaren ondorioetarako, eta ezin izanen diote destino horri uko egin.

3.–Eskabidea eta eskaera aurkezteko epea eta tokia.

3.1. Lekualdatze lehiaketa honetan parte hartu nahi dutenek toki hauetan aurkezten ahalko dute eskabidea:

3.1.1. Osasunbidea-Nafarroako Osasun Zerbitzuko Erregistroan (Armadaren etorbidea, 2, 31002 Iruña), edo ekainaren 24ko 137/2002 Foru Dekretuan aipatzen diren Nafarroako Gobernuko Erregistro Orokorreko bulegoetako edozeinetan (95. Nafarroako Aldizkari Ofiziala, abuztuaren 7koa) edo Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 38.4 artikuluan ezarritako erregistro eta bulegoetan.

Eskabidea posta-bulego batean aurkeztuz gero, gutun-azal irekian eginen da, posta zerbitzuko funtzionarioak, ziurtatu aurretik, data eta zigilua jar ditzan.

3.1.2. Eskabideak Nafarroako Foru Komunitateko Administrazioaren Erregistro Orokor Elektronikoan ere aurkezten ahal dira, Nafarroako Gobernuaren www.nafarroa.eus web orriaren bidez. Eskatzailearen sinadura elektronikoa beharko da.

Hala ere, alegatutako merezimenduak paperean aurkeztu beharko dira. Horrela aurkeztu ezik, ez dira kontuan hartuko barematzeko.

3.1.3. Eskabideak deialdi honetako ereduari lotuko zaizkio (II. eranskina).

3.2.1. Nafarroako Foru Komunitateko Administrazioaren eta haren erakunde autonomoen plantillako langileek, eskabidearekin batera, 2.1.1.d) atalean eskatutako baldintzari buruzko dokumentazioa aurkeztu beharko dute soilik.

Dokumentazio hori ez da aurkeztu behar baldin eta O-NOZi atal horretan aipatzen den baimena ematen bazaio, edo lehenago aurkeztu bada.

3.2.2. Espainiako lekualdatzearen bidez parte hartzen duten langileek, eskabidearekin batera, deialdiaren 2. oinarrian eskatzen diren betebeharren frogagiriak (jatorrizkoak edo fotokopia konpultsatuak) aurkeztu beharko dituzte.

3.2.3. Euskara jakitearen betebeharra, hala bada, merezimenduak aurkezteko fasean frogatu beharko da.

3.3. Eskabidea aurkezteko epea hamabost egun naturalekoa izanen da, deialdi hau Nafarroako Aldizkari Ofizialean argitaratu eta biharamunetik hasita.

Eskabideak aurkezteko epea luzaezina da.

3.4. Izangaiek merezimendu guztiak agiri bitartez alegatu eta frogatu beharko dituzte, jatorrizkoaren edo kopia konpultsatuaren bitartez, lekualdatze lehiaketa honetan parte hartzeko eskabidea aurkezteko epean. Merezimendu horiek deialdiari erantsi zaion autobaremaziorako agirian adieraziko dira (IV. eranskina).

Merezimenduak baremoen atalen arabera aurkeztu beharko dira.

Izangaiek O-NOZaren Erregistroan (Armada etorbidea, 2, Iruña) zuzenean aurkezten duten dokumentazioa interesdunei itzuliko zaie, behin erregistratu eta eskaneatu ondoren.

Izangaiek ez dituzte merezimendu hauek aurkeztu behar, izangai bakoitzaren espedientean zuzenean sartuko baitira, eta epaimahaiaren esku jarri, baremazioa egin dezan:

–Osasunbidea-Nafarroako Osasun Zerbitzuan egindako zerbitzuak.

–Aurreko deialdiren batean aurkeztutakoak, baldin eta 1.2 puntuan aipatutako web orrian agertzen badira. Ondorio horietarako, izangaiek aipatu merezimenduak kontsulta ditzakete web orri horretan.

4.–Izangai onartu eta baztertuen zerrendak

Eskaerak aurkezteko epea amaiturik, O-NOZko Profesionalen zuzendariak onartu eta baztertuen behin-behineko zerrenda onetsiko du eta Nafarroako Aldizkari Ofizialean argitara dadila aginduko, ohartaraziz, hurrengo bost egun naturaleko epean izangaiek erreklamazioak egin eta, hala bada, akatsak zuzen ditzaketela. Ezarritako epean eskaerarik aurkezten ez bada, organo eskudunak lehiaketaren xedeko lanpostua bete gabe gelditu dela adierazteko ebazpena emanen du. Ebazpen hori Nafarroako Aldizkari Ofizialean argitaratu beharko da.

Erreklamazioak aurkezteko epea bukatu eta horien gainean ebazpena emanda dagoela, O-NOZko Profesionalen zuzendariak onartuen eta baztertuen behin betiko zerrenda onesteko ebazpena emanen du, eta Nafarroako Aldizkari Ofizialean argitaratzeko aginduko.

Izangai bat ere baztertu ez bada, onartuen behin betiko zerrenda zuzenean onetsiko da, eta Nafarroako Aldizkari Ofizialean argitaratuko.

5.–Epaimahaia.

5.1. I. eranskinean aipatzen diren kideek osatuko dute lehiaketako epaimahaia.

5.2. Epaimahaia ezin izanen da eratu, ezta jardun ere, kideen gehiengo osoa gutxienez bildu gabe.

5.3. Epaimahaiak gehiengoz ebatziko ditu deialdi honen oinarrien interpretazio eta aplikazioaren gaineko arazoak.

5.4. Behin betiko zerrendan izangai bakarra onartu bada, deialdia egin duen organoak deialdi honen 8. oinarria aplikatuko du zuzenean. Beraz, ez da beharrezkoa izanen, ez epaimahaia eratzea, ezta jardutea ere.

6.–Merezimenduen kalifikazioa.

6.1. Epaimahaiak izangaiek aurkeztutako merezimenduak II. eranskineko baremoaren arabera baloratuko ditu. Deialdi hau Nafarroako Aldizkari Ofizialean argitaratzen den egunera arteko merezimenduak baloratuko dira, eta ez geroago lortutakoak.

6.2. Merezimenduen baremoaren 1. atalean azaldutako balorazioan kontuan hartuko da deialdiko lanpostuak “Fakultatibo espezialistak” estamentuan sarturik daudela (izendapenen indarreko sailkapena estamentu eta espezialitateen arabera, O-NOZi atxikitako langileen berariazko erregimenari buruzko urriaren 20ko 11/1992 Foru Legearen eranskinean). Balorazioa egitean, lanpostuen izenak ez badatoz bat aipatutako eranskinean dauden izenekin, pareko direnei tratamendu bera emanen zaie, kontuan hartuta deialdian eskatutako titulazioa, lanpostua eskuratzeko egindako azterketak eta eginkizunak.

Egindako zerbitzuak frogatzeko, zentroko zuzendariak edo langileen buruak emandako ziurtagiriak aurkeztu beharko dira, eta bertan nahitaez datu hauek jarri:

–Lantokia.

–Estamentua eta/edo espezialitatea.

–Zerbitzuen iraupena, behar bezala adierazita hasiera eta bukaera egunak eta guztira zenbat egun diren.

6.3. Epaimahaiak ez du behin ere onartuko alegatu ez den merezimendurik edo jatorrizko agiri baten edo fotokopia konpultsatu baten bidez frogatu ez denik.

6.4. Izangaiek aurkeztutako jatorrizko agiriak berreskuratzen ahalko dituzte, espresuki eskatuz gero, izendapena Nafarroako Aldizkari Ofizialean argitaratu eta bi hilabete igaro ondoko hiru hilabeteko epean, salbu eta izangairen batek erreklamazioa jartzen badu; izan ere, halakoetan, agiriak luzaroago gordetzen ahalko dira egiaztapenak eta frogak egiteko. Arestian aipatutako epean izangaiak dokumentazioa berreskuratzen ez badu, berreskuratzeari uko egin diola ulertuko da eta haren gaineko eskubidea galduko du.

7.–Izangaien zerrenda, lortutako puntuazioaren araberakoa.

Epaimahaiak lehiatzaile guztien kalifikazioa eginen du. Ondoren, lehiatzaileen behin-behineko zerrenda prestatu eta O-NOZko iragarki oholean (Armadaren etorbidea, 2, Iruña) eta web orrian argitaratuko du, bakoitzak guztira lortutako puntuazioa adierazita. Bi zerrenda argitaratuko dira; merezimenduen lehiaketa honetan ezarri den eremu bakoitzerako bat (barrenekoa eta Estatukoa).

Puntuazioetan berdinduz gero, O-NOZean lanean langile finko gisa denbora gehien daramala frogatzen duen izangaiak izanen du lehentasuna eta, berdinketak jarraitzen badu, izangai zaharrenak.

Izangaiek bost egun balioduneko epea izanen dute, zerrenda horiek argitaratzen direnetik, alegazioak aurkezteko.

Interesdunek aurkezten dituzten alegazioak ebatzi ondoren, epaimahaiak merezimenduen behin betiko balorazioa argitaratuko du, oinarri honetan adierazitako moduan eta aipatutako bitarteen bidez.

8.–Lanpostu hutsak hautatzea.

8.1. Borondatezko mugikortasun prozedura gisa merezimendu lehiaketa bidezko lekualdatzea erabiliko da kasu hauetan:

a) Langileen atxikipen zentro batetik bestera igarotzeko, azaroaren 22ko 347/1993 Foru Dekretuaren 1.2 artikuluan xedatutakoarekin bat.

b) Lanaldi arrunt edo osoa duen lanpostu batetik lanaldi partziala duen lanpostu batera joateko edo alderantziz.

Ekitaldi horretan, lehenbizi Nafarroako Foru Komunitateko Administrazioaren barreneko lekualdatze lehiaketan parte hartzen dutenek aukeratuko dute, eta lehiaketa hori bukatutakoan, Espainiako lehiaketan parte hartzen dutenek.

8.2. Hauxe da kasu horietan jarraitu beharreko prozedura:

a) Lanpostuak aukeratu aitzin, aukeratzen ahal diren zentroen zerrenda (edo, bidezko bada, lanpostuena) partaideen esku utziko da, bai hasierakoena bai ondoriozko lanpostuena. Informazio hori O-NOZko organo zentraletako iragarki oholean eta web orrian agertuko da.

b) Nafarroako Foru Komunitateko Administrazioaren barreneko parte-hartzaileek telematika bidez eginen dituzte eskaerak 15 egun naturaleko epean, baremoaren behin betiko emaitza argitaratu eta biharamunetik aurrera. Horretarako, deialdiaren fitxan adierazitako estekara jo beharko dute, eta lehentasun ordenaren arabera aipatuko dituzte zer lanpostu edo/eta zentro nahi duten, bai hasierakoak bai gerora sortutakoak.

c) Organo dei-egileak burutuko du lanpostuak hautatu eta esleitzeko egintza, puntuazio ordena eta ezarri diren gainerako irizpideak kontuan hartuta.

d) Nafarroako Foru Komunitateko lekualdatzea ebatzi ondoren, Espainiako lekualdatzean parte hartzen dutenen esku utziko da zerrenda bat, deialdian hasieran izan arren esleitu ez diren lanpostuak eta lehiaketan lanpostu berria eskuratzen duten langileek hutsik uzten dituztenak (O-NOZko plantillakoak badira) adierazita, O-NOZko organo zentralen iragarki oholean eta web orrian argitaratuz.

e) Espainiako lekualdatzean parte hartzen dutenek telematika bidez eginen dituzte eskaerak 15 egun naturaleko epean, aurreko lerroaldean aipatzen den informazioa argitaratu eta biharamunetik aurrera. Horretarako, deialdiaren fitxan adierazitako estekara jo beharko dute, eta lehentasun ordenaren arabera aipatuko dituzte zer lanpostu edo/eta zentro nahi duten, bai hasierakoak bai gerora sortutakoak.

f) Organo dei-egileak burutuko du lanpostuak hautatu eta esleitzeko egintza, puntuazio ordena eta ezarri diren gainerako irizpideak kontuan hartuta.

g) Emaitzari buruzko informazioa Osasunbidea-Nafarroako Osasun Zerbitzuko organo zentraletako iragarki oholean eta web orrian agertuko da.

Lanpostu hutsen hautaketak berarekin dakar izangaiak eskaeran adierazitako lanpostuen artean esleituko zaiona onartzea, eta ezin izanen dio uko egin.

8.3. Aski justifikatutako ezinbesteko kasuetan izan ezik, aipatu epean hautua egiten ez duten lehiatzaileek lehiaketaren xedeko lanpostuetan aritzeko eskubide guztiak galduko dituzte.

8.4. Lanpostua hautatzeko ezarritako epean, Espainiako lekualdatzearen izangaiek jatorrizko administrazioak emandako ziurtagiria aurkeztu beharko dute, bere administrazio egoera azaltzeko, O-NOZeko Sarrerarako, Lanpostuak Betetzeko eta Barne Igoerarako Atalean.

9.–Lanpostuen esleipena eta jabetza hartzea.

9.1. Organo eskudunak, behar den ebazpenaren bitartez, lehiaketan eskuratu dituzten lanpostuak esleituko dizkie lehiatzaileei, bai eta Nafarroako Aldizkari Ofizialean argitara eman dadila aginduko ere. Interesdunei jakinarazpena egin beharrean eginen da argitalpena, azaroaren 26ko 30/1992 Legearen 59. artikuluan aipatzen diren ondorioetarako.

9.2. Lehiatzaileek hamar egun naturaleko epea izanen dute lanpostuaren jabetza hartzeko, lanpostua esleitzeko ebazpena jakinarazi edo argitaratzen denetik hasita. Hala ere, izendatutako lehiatzaileak asko badira, edo administrazioaren eraginkortasun arrazoirik badago tartean, deialdia egin duen organoak lanpostuaz jabetzeko egun zehatz bat jartzen ahalko du.

9.3. Esleipenaren gainean eragina izan dezakeen errekurtsoren bat aurkezten bada, eta horren ondorioz deialdia edo merezimendu lehiaketaren garapena edo ebazpena aurkaratzen bada, jabetza-hartzea ez da irmo bilakatuko, eta errekurtso horiek administrazio bidean edo administrazioarekiko auzien jurisdikzioan izaten duten ebazpenaren baldintzapean geldituko da.

9.4. Unitate organiko batean aldi baterako beteta dauden ezaugarri bereko lanpostu hutsen kopurua unitate horretan lanpostua eskatu duten izangaiena baino handiagoa bada, bete beharreko lanpostu horretan denbora gehien kontrataturik daraman langileari dagokion lanpostua esleitzea erabakiko da, zein den ere plantillan lanpostu horri dagokion zenbakia.

10.–Errekurtsoak.

Deialdiaren eta bere oinarri eta egintzen kontra gora jotzeko errekurtsoa aurkezten ahalko da, Osasuneko kontseilariari zuzendua, errekurtsoaren xedeko egintza argitaratu edo jakinarazi eta biharamunetik hasita hilabeteko epean, Nafarroako Foru Komunitateko Administrazioari buruzko abenduaren 3ko 15/2004 Foru Legearen 57.1 eta 2.c) artikuluan eta Lehendakaritzako, Funtzio Publikoko, Barneko eta Justiziako kontseilariaren apirilaren 19ko 82/2016 Foru Agindua xedatutakoarekin bat.

Epaimahaiaren behin betiko egintzen kontra gora jotzeko errekurtsoa jartzen ahalko da, O-NOZko zuzendari kudeatzaileari zuzendua, jakinarazi edo argitaratu eta biharamunetik hasita hilabeteko epean, Nafarroako Foru Komunitateko Administrazioari buruzko abenduaren 3ko 15/2004 Foru Legearen 57.1 eta 3 artikuluarekin bat.

Iruñean, 2016ko abuztuaren 29an.–Osasunbidea-Nafarroako Osasun Zerbitzuko zuzendari kudeatzailea, Óscar Moracho del Río.

I. ERANSKINA

Barrutiko fakultatibo espezialista izateko, OOLTko pediatra izateko
eta Ospitalez Kanpoko Larrialdietako pediatra izateko lanpostu hutsak eta epaimahaikideak

1.–Barrutiko fakultatibo espezialista, Anatomia Patologikokoa

Lanpostu kopurua: 1.

Destinoa:

–1 Tuterako Osasun Barrutian (lanpostu zenbakia: 70736).

Espezialitatea: Anatomia patologikoa.

Azaroaren 22ko 347/1993 Foru Dekretuaren 21.4 artikuluan xedatutakoa aplikaturik, aurreko metaketa 1 izanen da.

Epaimahaia:

Mahaiburua: Benigno Pérez Martínez jauna, Tuterako Osasun Barrutiko kudeatzailea.

Ordezko mahaiburua: M.ª Luisa Hermoso de Mendoza Merino andrea, Lizarrako Osasun Barrutiko kudeatzailea.

Mahaikidea: Jesús María Elizalde Eguinoa jauna, O-NOZko langileen ordezkariek izendatua.

Ordezko mahaikidea: Francisco José Monzón Muñoz jauna, O-NOZko langileen ordezkariek izendatua.

Idazkaria: Esteban Ruiz Álvarez jauna, O-NOZko Profesionalen zuzendaria.

Ordezko idazkaria: Esther Eraso Goñi andrea, Langileriaren eta Lan Harremanen zuzendariordea.

2.–Barrutiko fakultatibo espezialista, Anestesiologia eta Erreanimaziokoa

Lanpostu kopurua: 17.

Destinoa:

–12 Nafarroako Ospitalegunean (lanpostu zenbakiak: 62279, 62905, 63035, 63669, 65920, 66122, 70621, 70622, 70623, 70624, 70625 eta 70628).

–1 Lizarrako Osasun Barrutian (lanpostu zenbakia: 62844).

–4 Tuterako Osasun Barrutian (lanpostu zenbakiak: 64605, 70737, 70738 eta 70940).

Espezialitatea: Anestesiologia eta Erreanimazioa.

Azaroaren 22ko 347/1993 Foru Dekretuaren 21.4 artikuluan xedatutakoa aplikaturik, aurreko metaketa 8 izanen da.

Epaimahaia:

Mahaiburua: Antonio Merino Díaz de Cerio jauna, Nafarroako Ospitaleguneko zuzendari kudeatzailea.

Ordezko mahaiburua: Jesús Berjón Reyero jauna, Nafarroako Ospitaleguneko zuzendari asistentziala.

Mahaikidea: M.ª Belén Montes-Jovellar Rovira andrea, O-NOZko langileen ordezkariek izendatua.

Ordezko mahaikidea: Luis Pezonaga Pérez jauna, O-NOZko langileen ordezkariek izendatua.

Idazkaria: Gabriel Casajús Gavari jauna, Nafarroako Ospitaleguneko Profesionalen zuzendaria.

Ordezko idazkaria: Gabriel Izpura Liberal jauna, Lizarrako Barrutiko Profesionalen Zerbitzuko burua.

3.–Barrutiko fakultatibo espezialista, Digestio Aparatukoa

Lanpostu kopurua: 2.

Destinoa:

–1 Nafarroako Ospitalegunean (lanpostu zenbakia: 70636).

–1 Tuterako Osasun Barrutian (lanpostu zenbakia: 69941).

Espezialitatea: Digestio aparatua.

Azaroaren 22ko 347/1993 Foru Dekretuaren 21.4 artikuluan xedatutakoa aplikaturik, aurreko metaketa 2 izanen da.

Epaimahaia:

Mahaiburua: Antonio Merino Díaz de Cerio jauna, Nafarroako Ospitaleguneko zuzendari kudeatzailea.

Ordezko mahaiburua: Jesús Berjón Reyero jauna, Nafarroako Ospitaleguneko zuzendari asistentziala.

Mahaikidea: Pedro Goyache Sardina jauna, O-NOZko langileen ordezkariek izendatua.

Ordezko mahaikidea: Erkuden Eranbure Urtasun andrea, O-NOZko langileen ordezkariek izendatua.

Idazkaria: Esther Eraso Goñi andrea, Langileriaren eta Lan Harremanen zuzendariordea.

Ordezko idazkaria: Esteban Ruiz Álvarez jauna, O-NOZko Profesionalen zuzendaria.

4.–Barrutiko fakultatibo espezialista, Kardiologiakoa

Lanpostu kopurua: 4.

Destinoa:

–1 Nafarroako Ospitalegunean (lanpostu zenbakia: 62912).

–3 Tuterako Osasun Barrutian (lanpostu zenbakiak: 61557, 65356 eta 67783).

Espezialitatea: Kardiologia.

Azaroaren 22ko 347/1993 Foru Dekretuaren 21.4 artikuluan xedatutakoa aplikaturik, aurreko metaketa 4 izanen da.

Epaimahaia:

Mahaiburua: Benigno Pérez Martínez jauna, Tuterako Osasun Barrutiko kudeatzailea.

Ordezko mahaiburua: M.ª Luisa Hermoso de Mendoza Merino andrea, Lizarrako Osasun Barrutiko kudeatzailea.

Mahaikidea: Nuria Basterra Sola andrea, O-NOZko langileen ordezkariek izendatua.

Ordezko mahaikidea: Virginia Álvarez Asiain andrea, O-NOZko langileen ordezkariek izendatua.

Idazkaria: Esteban Ruiz Álvarez jauna, O-NOZko Profesionalen zuzendaria.

Ordezko idazkaria: Esther Eraso Goñi andrea, Langileriaren eta Lan Harremanen zuzendariordea.

5.–Barrutiko fakultatibo espezialista, Kirurgia Orokorrekoa eta Digestio Aparatukoa

Lanpostu kopurua: 8.

Destinoa:

–5 Nafarroako Ospitalegunean (lanpostu zenbakiak: 61187, 62919, 63553, 63566 eta 70635).

–2 Lizarrako Osasun Barrutian (lanpostu zenbakiak: 62998 eta 70780).

–1 Tuterako Osasun Barrutian (lanpostu zenbakia: 64550).

Espezialitatea: Kirurgia orokorra eta digestio aparatukoa.

Azaroaren 22ko 347/1993 Foru Dekretuaren 21.4 artikuluan xedatutakoa aplikaturik, aurreko metaketa 2 izanen da.

Epaimahaia:

Mahaiburua: M.ª Luisa Hermoso de Mendoza Merino andrea, Lizarrako Osasun Barrutiko kudeatzailea.

Ordezko mahaiburua: Jesús Berjón Reyero jauna, Nafarroako Ospitaleguneko zuzendari asistentziala.

Mahaikidea: Javier Salvoch Arnedo jauna, Osasunbidea-Nafarroako Osasun Zerbitzuko langileen ordezkariek izendatua.

Ordezko mahaikidea: M.ª José Sara Ongay andrea, O-NOZko langileen ordezkariek izendatua.

Idazkaria: Gabriel Izpura Liberal jauna, Lizarrako Barrutiko Profesionalen Zerbitzuko burua.

Ordezko idazkaria: Gabriel Casajús Gavari jauna, Nafarroako Ospitaleguneko Profesionalen zuzendaria.

Barrutiko fakultatibo espezialista, Kirurgia Ortopedikokoa eta Traumatologiakoa.

Lanpostu kopurua: 12.

Destinoa:

–9 Nafarroako Ospitalegunean (lanpostu zenbakiak: 61111, 61381, 62283, 63132, 63173, 63300, 63742, 70948 eta 70949).

–1 Lizarrako Osasun Barrutian (lanpostu zenbakia: 70781).

–2 Tuterako Osasun Barrutian (lanpostu zenbakiak: 67093 eta 70974).

Espezialitatea: Kirurgia ortopedikoa eta traumatologia.

Azaroaren 22ko 347/1993 Foru Dekretuaren 21.4 artikuluan xedatutakoa aplikaturik, aurreko metaketa 0 izanen da.

Epaimahaia:

Mahaiburua: Antonio Merino Díaz de Cerio jauna, Nafarroako Ospitaleguneko zuzendari kudeatzailea.

Ordezko mahaiburua: Jesús Berjón Reyero jauna, Nafarroako Ospitaleguneko zuzendari asistentziala.

Mahaikidea: Fco. Javier González Arteaga jauna, O-NOZko langileen ordezkariek izendatua.

Ordezko mahaikidea: Álvaro Mozota Bernad jauna, O-NOZko langileen ordezkariek izendatua.

Idazkaria: Gabriel Casajús Gavari jauna, Nafarroako Ospitaleguneko Profesionalen zuzendaria.

Ordezko idazkaria: Gabriel Izpura Liberal jauna, Lizarrako Barrutiko Profesionalen Zerbitzuko burua.

7.–Barrutiko fakultatibo espezialista, Dermatologia Mediko-Kirurgikokoa eta Benereologiakoa

Lanpostu kopurua: 2.

Destinoa:

–1 Nafarroako Ospitalegunean (lanpostu zenbakia: 60898).

–1 Tuterako Osasun Barrutian (lanpostu zenbakia: 64034).

Espezialitatea: Dermatologia mediko-kirurgikoa eta benereologia.

Azaroaren 22ko 347/1993 Foru Dekretuaren 21.4 artikuluan xedatutakoa aplikaturik, aurreko metaketa 0 izanen da.

Epaimahaia:

Mahaiburua: Benigno Pérez Martínez jauna, Tuterako Osasun Barrutiko kudeatzailea.

Ordezko mahaiburua: M.ª Luisa Hermoso de Mendoza Merino andrea, Lizarrako Osasun Barrutiko kudeatzailea.

Mahaikidea: Ángel Ignacio Abad Díez jauna, O-NOZko langileen ordezkariek izendatua.

Ordezko mahaikidea: Pedro Goyache Sardina jauna, O-NOZko langileen ordezkariek izendatua.

Idazkaria: Esther Eraso Goñi andrea, Langileriaren eta Lan Harremanen zuzendariordea.

Ordezko idazkaria: Esteban Ruiz Álvarez jauna, O-NOZko Profesionalen zuzendaria.

8.–Barrutiko fakultatibo espezialista, Barne Medikuntzakoa

Lanpostu kopurua: 2.

Destinoa:

–2 Tuterako Osasun Barrutian (lanpostu zenbakiak: 65170 eta 70743).

Espezialitatea: Barne Medikuntza.

Azaroaren 22ko 347/1993 Foru Dekretuaren 21.4 artikuluan xedatutakoa aplikaturik, aurreko metaketa 8 izanen da.

Epaimahaia:

Mahaiburua: Benigno Pérez Martínez jauna, Tuterako Osasun Barrutiko kudeatzailea.

Ordezko mahaiburua: M.ª Luisa Hermoso de Mendoza Merino andrea, Lizarrako Osasun Barrutiko kudeatzailea.

Mahaikidea: Patricia Fanlo Mateo andrea, O-NOZko langileen ordezkariek izendatua.

Ordezko mahaikidea: Fermín Jiménez Bermejo jauna, O-NOZko langileen ordezkariek izendatua.

Idazkaria: José Luis Moreno Ochoa jauna, Oinarrizko Osasun Laguntzako Profesionalen Zerbitzuko burua.

Ordezko idazkaria: Enrique Amoztegui Hermoso de Mendoza jauna, Kudeaketa Ekonomikoaren eta Profesionalen Zerbitzuko burua.

9.–Barrutiko fakultatibo espezialista, Medikuntza Fisiko eta Errehabilitaziokoa

Lanpostu kopurua: 5.

Destinoa:

–2 Nafarroako Ospitalegunean (lanpostu zenbakiak: 70642 eta 70951).

–1 Lizarrako Osasun Barrutian (lanpostu zenbakia: 70159).

–2 Tuterako Osasun Barrutian (lanpostu zenbakiak: 65182 eta 70742).

Espezialitatea: Medikuntza fisikoa eta errehabilitazioa.

Azaroaren 22ko 347/1993 Foru Dekretuaren 21.4 artikuluan xedatutakoa aplikaturik, aurreko metaketa 7 izanen da.

Epaimahaia:

Mahaiburua: M.ª Luisa Hermoso de Mendoza Merino andrea, Lizarrako Osasun Barrutiko kudeatzailea.

Ordezko mahaiburua: Antonio Merino Díaz de Cerio jauna, Nafarroako Ospitaleguneko zuzendari kudeatzailea.

Mahaikidea: Teresa Cisneros Lanuza andrea, O-NOZko langileen ordezkariek izendatua.

Ordezko mahaikidea: M.ª Aurelia Mena Mur andrea, O-NOZko langileen ordezkariek izendatua.

Idazkaria: Enrique Amoztegui Hermoso de Mendoza jauna, Kudeaketa Ekonomikoaren eta Profesionalen Zerbitzuko burua.

Ordezko idazkaria: José Luis Moreno Ochoa jauna, Oinarrizko Osasun Laguntzako Profesionalen Zerbitzuko burua.

10.–Barrutiko fakultatibo espezialista, Obstetrizia eta Ginekologiakoa

Lanpostu kopurua: 8.

Destinoa:

–5 Nafarroako Ospitalegunean (lanpostu zenbakiak: 63372, 63413, 63503, 63532 eta 63920).

–2 Lizarrako Osasun Barrutian (lanpostu zenbakiak: 62926 eta 67316).

–1 Tuterako Osasun Barrutian (lanpostu zenbakia: 67782).

Espezialitatea: Obstetrizia eta ginekologia.

Azaroaren 22ko 347/1993 Foru Dekretuaren 21.4 artikuluan xedatutakoa aplikaturik, aurreko metaketa 2 izanen da.

Epaimahaia:

Mahaiburua: Jesús Berjón Reyero jauna, Nafarroako Ospitaleguneko zuzendari asistentziala.

Ordezko mahaiburua: Antonio Merino Díaz de Cerio jauna, Nafarroako Ospitaleguneko zuzendari kudeatzailea.

Mahaikidea: Enrique Martín de Marcos jauna, O-NOZko langileen ordezkariek izendatua.

Ordezko mahaikidea: José Joaquín Aramburu Otazu jauna, O-NOZko langileen ordezkariek izendatua.

Idazkaria: Gabriel Izpura Liberal jauna, Lizarrako Barrutiko Profesionalen Zerbitzuko burua.

Ordezko idazkaria: Gabriel Casajús Gavari jauna, Nafarroako Ospitaleguneko Profesionalen zuzendaria.

11.–Barrutiko fakultatibo espezialista, Oftalmologiakoa

Lanpostu kopurua: 4.

Destinoa:

–3 Nafarroako Ospitalegunean (lanpostu zenbakiak: 60463, 60853 eta 70646).

–1 Tuterako Osasun Barrutian (lanpostu zenbakia: 70746).

Espezialitatea: Oftalmologia.

Azaroaren 22ko 347/1993 Foru Dekretuaren 21.4 artikuluan xedatutakoa aplikaturik, aurreko metaketa 7 izanen da.

Epaimahaia:

Mahaiburua: Jesús Berjón Reyero jauna, Nafarroako Ospitaleguneko zuzendari asistentziala.

Ordezko mahaiburua: Antonio Merino Díaz de Cerio jauna, Nafarroako Ospitaleguneko zuzendari kudeatzailea.

Mahaikidea: Teresa Bada García andrea, O-NOZko langileen ordezkariek izendatua.

Ordezko mahaikidea: Enrique Borque Rodríguez jauna, O-NOZko langileen ordezkariek izendatua.

Idazkaria: Esteban Ruiz Álvarez jauna, O-NOZko Profesionalen zuzendaria.

Ordezko idazkaria: Esther Eraso Goñi andrea, Langileriaren eta Lan Harremanen zuzendariordea.

12.–Barrutiko fakultatibo espezialista, Pediatriakoa eta haren berariazko barrutietakoa, OOLTko Pediatra eta Ospitalez Kanpoko Larrialdietako pediatra

Lanpostu kopurua: 23.

Barrutiko fakultatibo espezialista, Pediatriakoa eta haren berariazko barrutietakoa:

Destinoa:

–3 Nafarroako Ospitalegunean (lanpostu zenbakiak:851, 63271 eta 68739).

OOLTko pediatra:

Destinoa:

–1 Altsasuko OOLTan (lanpostu zenbakia: 60490; euskaraz jakitea beharrezkoa da, 1. jakite maila).

–1 Agoizko OOLTan (lanpostu zenbakia: 68892).

–1 Artaxoako OOLTan (lanpostu zenbakia: 68204).

–1 Berriozarko OOLTan (lanpostu zenbakia: 68706).

–1 Buztintxuriko OOLTan (lanpostu zenbakia: 70711).

–1 Zarrakazteluko OOLTan (lanpostu zenbakia: 60044).

–1 Doneztebeko OOLTan (lanpostu zenbakia: 66405; euskaraz jakitea beharrezkoa da, 1. jakite maila).

–1 Azkoiengo OOLTan (lanpostu zenbakia: 60878).

–1 Ultzamako OOLTan (lanpostu zenbakia: 66834; euskaraz jakitea beharrezkoa da, 1. jakite maila).

–1 Lodosako OOLTan (lanpostu zenbakia: 62659).

–1 San Adriángo OOLTan (lanpostu zenbakia: 66627).

–1 Cintruénigoko OOLTan (lanpostu zenbakia: 69919).

–1 Buñuelgo OOLTan (lanpostu zenbakia: 64396).

–1 Corellako OOLTan (lanpostu zenbakia: 68624).

–2 Valtierra-Cadreitako OOLTan (lanpostu zenbakiak: 66364 eta 69920).

–1 Tuterako ekialdeko OOLTan (lanpostu zenbakia: 64331).

Ospitalez Kanpoko Larrialdietako pediatra:

Destinoa:

–3 Larrialdietarako Zerbitzu Berezian (lanpostu zenbakiak: 69410, 69412 eta 69413).

Espezialitatea: Pediatria eta haren berariazko barrutiak.

Azaroaren 22ko 347/1993 Foru Dekretuaren 21.4. artikuluan xedatutakoa aplikaturik, pediatriako barrutiko fakultatibo espezialisten, OOLTko pediatren eta Ospitalez Kanpoko Larrialdietako pediatren kategoriarako aurreko metaketa 1 izanen da.

Epaimahaia:

Mahaiburua: Javier Diez Espino jauna, Oinarrizko Osasun Laguntzako zuzendari kudeatzailea.

Ordezko mahaiburua: M.ª del Mar Malón Musgo andrea, Oinarrizko Osasun Laguntzaren eta Laguntzaren Jarraitutasunerako zuzendariordea.

Mahaikidea: Concepción Goñi Orayen andrea, O-NOZko langileen ordezkariek izendatua.

Ordezko mahaikidea: M.ª Teresa Rives Ferreiro andrea, O-NOZko langileen ordezkariek izendatua.

Idazkaria: José Luis Moreno Ochoa jauna, Oinarrizko Osasun Laguntzako Profesionalen Zerbitzuko burua.

Ordezko idazkaria: Enrique Amoztegui Hermoso de Mendoza jauna, Kudeaketa Ekonomikoaren eta Profesionalen Zerbitzuko burua.

13.–Barrutiko fakultatibo espezialista, Psikiatriakoa

Lanpostu kopurua: 8.

Barrutiko fakultatibo espezialista, Psikiatriakoa.

Destinoa:

–1 Nafarroako Ospitalegunean (lanpostu zenbakia: 70954).

–1 IIA-Arrosadiko Sektoreko Osasun Mentaleko Zentroan (lanpostu zenbakia: 61459).

–1 IV-Tafallako Sektoreko Osasun Mentaleko Zentroan (lanpostu zenbakia: 70083).

–1 III-Lizarrako Sektoreko Osasun Mentaleko Zentroan (lanpostu zenbakia: 63515).

–1 V-Tuterako Sektoreko Osasun Mentaleko Zentroan (lanpostu zenbakia: 64932).

–2 Osasun Mentaleko Sarean (lanpostu zenbakiak: 70084 eta 70131).

–1 Osasun Mentaleko Eguneko II Ospitalean (lanpostu zenbakia: 69479).

Espezialitatea: Psikiatria.

Azaroaren 22ko 347/1993 Foru Dekretuaren 21.4. artikuluan xedatutakoa aplikaturik, Psikiatriako barrutiko fakultatibo espezialisten eta Psikiatren kategoriarako aurreko metaketa 1 izanen da.

Epaimahaia:

Mahaiburua: Jesús Alfredo Martínez Larrea jauna, Osasun Mentaleko zuzendari kudeatzailea.

Ordezko mahaiburua: Antonio Merino Díaz de Cerio jauna, Nafarroako Ospitaleguneko zuzendari kudeatzailea.

Mahaikidea: M.ª Teresa Ayarra Elía andrea, O-NOZko langileen ordezkariek izendatua.

Ordezko mahaikidea: Pedro Goyache Sardina jauna, O-NOZko langileen ordezkariek izendatua.

Idazkaria: Enrique Amoztegui Hermoso de Mendoza jauna, Kudeaketa Ekonomikoaren eta Profesionalen Zerbitzuko burua.

Ordezko idazkaria: José Luis Moreno Ochoa jauna, Oinarrizko Osasun Laguntzako Profesionalen Zerbitzuko burua.

14.–Barrutiko fakultatibo espezialista, Erradiodiagnostikokoa

Lanpostu kopurua: 10.

Destinoa:

–5 Nafarroako Ospitalegunean (lanpostu zenbakiak: 61710, 62397, 64064, 69543 eta 70648).

–1 Lizarrako Osasun Barrutian (lanpostu zenbakia: 70574).

–4 Tuterako Osasun Barrutian (lanpostu zenbakiak: 65264, 65424, 68758 eta 70973).

Espezialitatea: Erradiodiagnostikoa.

Azaroaren 22ko 347/1993 Foru Dekretuaren 21.4 artikuluan xedatutakoa aplikaturik, aurreko metaketa 2 izanen da.

Epaimahaia:

Mahaiburua: Antonio Merino Díaz de Cerio jauna, Nafarroako Ospitaleguneko zuzendari kudeatzailea.

Ordezko mahaiburua: M.ª Luisa Hermoso de Mendoza Merino andrea, Lizarrako Osasun Barrutiko kudeatzailea.

Mahaikidea: Rosa Cozcolluela Cabrejas andrea, O-NOZko langileen ordezkariek izendatua.

Ordezko mahaikidea: Fermín Urtasun Grijalba jauna, O-NOZko langileen ordezkariek izendatua.

Idazkaria: Gabriel Izpura Liberal jauna, Lizarrako Barrutiko Profesionalen Zerbitzuko burua.

Ordezko idazkaria: Gabriel Casajús Gavari jauna, Nafarroako Ospitaleguneko Profesionalen zuzendaria.

15.–Barrutiko fakultatibo espezialista, Urologiakoa

Lanpostu kopurua: 2.

Destinoa:

–1 Nafarroako Ospitalegunean (lanpostu zenbakia: 62785).

–1 Tuterako Osasun Barrutian (lanpostu zenbakia: 69937).

Espezialitatea: Urologia.

Azaroaren 22ko 347/1993 Foru Dekretuaren 21.4 artikuluan xedatutakoa aplikaturik, aurreko metaketa 1 izanen da.

Epaimahaia:

Mahaiburua: Jesús Berjón Reyero jauna, Nafarroako Ospitaleguneko zuzendari asistentziala.

Ordezko mahaiburua: Benigno Pérez Martínez jauna, Tuterako Osasun Barrutiko kudeatzailea.

Mahaikidea: Saturnino Napal Lecumberri jauna, O-NOZko langileen ordezkariek izendatua.

Ordezko mahaikidea: Mariano Ponz Gonzáles jauna, O-NOZko langileen ordezkariek izendatua.

Idazkaria: Gabriel Casajús Gavari jauna, Nafarroako Ospitaleguneko Profesionalen zuzendaria.

Ordezko idazkaria: Gabriel Izpura Liberal jauna, Lizarrako Barrutiko Profesionalen Zerbitzuko burua.

II. ERANSKINA

Eskabidea (PDFa).

III. ERANSKINA

Baremazioa

1. atala.–Egindako zerbitzuak

Honako hauek baloratuko dira:

1.1. Edozein administrazio publikotako zentroetan, lortu nahi den lanpostuaren estamentu eta espezialitate beretan egindako zerbitzuak: 2 puntu, urte bakoitzeko.

1.2. Edozein administrazio publikotan beste estamentu batean egindako zerbitzuak: 0,3 puntu, urte bakoitzeko.

1.3. Egoiliar gisa edo egonaldia bitartean egindako zerbitzuak: 0,9 puntu, urte bakoitzeko.

1.4. Administrazio publiko batean, fakultatibo gisa, egindako zerbitzuak: 0,9 puntu, urte bakoitzeko.

Egindako zerbitzu gisa hartuko dira funtzionario, estatutupeko edo lan-kontratuko langile finko gisa egindako zerbitzuak, baita aldi baterako egindakoak ere.

Horren ondorioetarako, Nafarroako Foru Komunitateko Administrazioan eta haren erakunde autonomoetan egindako zerbitzuen aitorpenari buruz ezarritako irizpideei jarraikiz kontatuko dira egindako zerbitzuak.

Egindako zerbitzuek urte natural oso bat hartzen ez badute, kontratuaren hasiera-egunaren eta bukaera-egunaren arabera dagokion puntuazio proportzionala esleituko da, egindako lanaldiaren araubidea kontuan hartu gabe.

Bateraezinak dira aurreko azpiatalengatik emandako puntuazioak, aldi berekoak direnean; halakoetan, handiena bakarrik hartuko da kontuan.

Zerbitzu eginkizunetan edo goragoko kategoria batean egindako lanak benetan egin direneko lanpostuan eginak bezala kontatuko dira.

Zerbitzu berezietan egindako zerbitzuak jatorrizko lanpostuan eginak bezala kontatuko dira.

Atal honetan, guztira, 50 puntu lor daitezke gehienez.

2. atala.–Prestakuntza, irakaskuntza, ikerkuntza eta hizkuntzak

Atal honetako merezimenduak baloratuko dira aukeratu nahi den lanpostuarekin zerikusia baldin badute, eta kontuan harturik azaroaren 22ko 347/1993 Foru Dekretuan xedatutakoa, horren bidez arautu baitzen nola sartu Osasunbidea-Nafarroako Osasun Zerbitzuan eta nola bete bertako lanpostuak.

2.3, 2.5 eta 2.7 azpiatalei dagokienez, komunikazioak, txostenak eta argitalpenak baloratuko dira ikerketa-lan beraren gainekoak izanda ere, eta puntuazio horiek bateragarriak izanen dira.

Akta liburuetan edo laburpenetan egiten diren txostenak, afixak eta komunikazioak ez dira argitalpentzat hartuko.

2.1. Hirugarren zikloko edo graduatu ondoko ikasketak.

a) Ikerkuntzako masterra edo ikertzeko nahikotasuna/Ikasketa aurreratuen diploma: 2 puntu.

b) Doktore gradua: 5 puntu.

c) Cum laude, 2 puntu gehiago.

Atal honetako a) eta b) letretan jasotako puntuazioak bateraezinak dira.

2.2. Erakunde edo zentro publikoek eta unibertsitateek antolatutako edo egiaztatutako prestakuntza jardueretan ikasle gisa parte hartzea. Ikasketa kreditu bakoitzeko, 0,10 puntu.

Ikastaroaren egiaztapena ordutan egiten bada, kreditu bat kontatuko da hamar orduko. Egiaztapenean orduak eta kredituak agertzen badira, ikastaroa baloratzeko kredituak hartuko dira aintzat.

Ziurtagirian orduen kopurua ageri ez bada, ez da baloratuko; ikaslea ikasturte osoan aritu dela agertzen bada, 12 kreditu kontatuko dira.

Zatikiak proportzionalki puntuatuko dira.

Laneko arriskuen prebentzioaren arloko eta informatikako prestakuntza baloratuko da.

Erakunde antolatzaileari buruz ezarritako baldintzak bete gabe ere, Administrazioak agindu edo homologatu dituen prestakuntza ekintzak baloratu eginen dira, bai eta sindikatuek “Administrazio publikoetako etengabeko prestakuntzarako akordioen” ondorioz antolatuak ere.

Titulazio ofizialak ez dira merezimendu gisa baloratuko.

Osasun zientzietako espezialistek ikasle egoiliar gisa egindako prestakuntzaldiko orduak ez dira atal honetan kontatuko.

Gehienez ere 7 puntu emanen dira.

2.3. Biltzarretan, jardunaldietan edo bilkura zientifikoetan idatzizko txostenak, afixak edo komunikazioak aurkeztea:

–Nazioartekoa: Lehen hiru sinatzaileak: 0,2 puntu. Hurrengo hiru sinatzaileak: 0,1 puntu.

–Estatukoa: Lehen hiru sinatzaileak: 0,1 puntu. Hurrengo hiru sinatzaileak: 0,05 puntu.

–Autonomia erkidegokoa: Lehen hiru sinatzaileak: 0,05 puntu. Hurrengo hiru sinatzaileak: 0,025 puntu.

Baloratu ahal izateko, sinatzailearen ordena agertu beharko da.

Ahozko komunikazioak ez dira baloratuko haien idatzizko onarpena ere aurkezten ez bada, ez eta mahai-inguruetan parte hartu izana ere.

Gehienez ere 5 puntu emanen dira.

2.4. Administrazio edo erakunde publikoen beka edo sariren bat jaso duten lan zientifikoak edo ikerlanak:

–Nazioartekoa: puntu bat.

–Estatukoa: 0,5 puntu.

–Autonomia erkidegokoa: 0,3 puntu.

Lan zientifikoagatik edo ikerketa lanagatik emandako bekaren edo sariaren jasotzailea baizik ez da baloratuko.

Gehienez ere 3 puntu emanen dira.

2.5. ISSNa duten aldizkari espezializatuetan argitaratutako lanak, Eragin Faktorearen arabera (EF), Journal Citation Reports-ek jasotakoari jarraikiz:

–EFa 3tik gorakoa bada, lehenengo hiru sinatzaileak: 0,5 puntu. Hurrengo hiru sinatzaileak: 0,25 puntu.

–EFa 3 bada, edo hortik beherakoa, lehenengo hiru sinatzaileak: 0,3 puntu. Hurrengo hiru sinatzaileak: 0,15 puntu.

–Eragin faktorerik ez badu, lehenengo hiru sinatzaileak: 0,1 puntu. Hurrengo hiru sinatzaileak: 0,05 puntu.

Eragin faktorea izangaiak berak frogatu beharko du, eta lanaren argitalpen urtearen gainekoa izanen da.

Gehienez ere 5 puntu emanen dira.

2.6. Irakasle lana:

a) Erakunde edo zentro publikoek eta unibertsitateek antolatu edo egiaztatutako prestakuntza jardueretan: 10 orduko: 0,2 puntu.

Iraupena agertzen ez duten ziurtagiriak ez dira baloratuko.

b) atalean adierazitako irakasle lana ez da atal honetan baloratuko.

Gehienez ere 2 puntu emanen dira.

b) Irakasle lana osasun laguntzako praktiken tutore edo koordinatzaile gisa, osasun laguntzako praktiken irakasle koordinatzaile gisa, irakasle kliniko elkartu gisa, irakasle elkartu gisa, unibertsitateko ikastaroetako, masterretako edo adituen tutore gisa, osasun laguntzako praktiketako kolaboratzaile gisa, eta langile egoiliarren tutore eta irakasle kolaboratzaile gisa. Ikasturte oso bakoitzeko: 0,25 puntu.

Egiaztagiriaren arabera, ikasturte osoa egiaztatua ez badago, egindako denborari dagokion puntuazio proportzionala emanen da.

Gehienez ere 3 puntu emanen dira.

2.7. ISBNa duten liburu zientifikoetan izandako lankidetza: 0,3 puntu argitaratutako liburu bakoitzeko.

Gehienez ere 3 puntu emanen dira.

2.8. Frantsesez, ingelesez edo alemanez jakitea, ofizialki egiaztaturik, Europar Batasunean erabilera ofizialeko hizkuntzak diren aldetik: hizkuntza bakoitzeko, 5 puntu gehienez.

Gaitasun agiririk edo balio bereko titulurik izan ezean, dagokion puntuazio proportzionala emanen da.

Tituluak eta ziurtagiriak Hizkuntzen Europako Erreferentzia Esparru Bateratuan ezarritako mailen arabera baloratuko dira. Maila horiek Nafarroako Administrazio Publikoaren Institutuko zuzendari kudeatzailearen irailaren 13ko 210/2010 Ebazpenean jasotzen dira, horren bidez ezarri baitziren euskararen eta Europar Batasuneko hizkuntzen jakite-maila egiaztatzen duten titulu eta ziurtagirien arteko baliozkotzeak, Hizkuntzen Europako Erreferentzia Esparru Bateratuaren arabera (2010eko 117. Nafarroako Aldizkari Ofiziala, irailaren 27koa).

2.9. Izangaiek, 2.2 azpiataletik 2.7 azpiatalera bitartean ezarritakoari jarraikiz egokitzen zaien puntuazioaren ordez, Osasunbidea-Nafarroako Osasun Zerbitzuan aitortua duten lanbide karreraren mailari dagokion puntuazioa aukeratzen ahalko dute, honen arabera:

I. maila: 0 puntu.

II. maila: 15 puntu.

III. maila: 25 puntu.

IV. maila: 40 puntu.

V. maila: 50 puntu.

Atal honetako puntuazioa ezin da 50 puntutik gorakoa izan.

3. atala.–Euskaraz jakitearen balorazioa

Euskararen jakite-mailaren balorazioa ekainaren 15eko 55/2009 Foru Dekretuan xedatutakoari jarraikiz eginen da, horren bidez Nafarroako Foru Komunitateko Administrazioko eta haren erakunde autonomoetako plantilla organikoan euskaraz jakitearen trataera arautu baitzen.

IV. ERANSKINA

Autobaremaziorako dokumentua (PDFa).

Iragarkiaren kodea: F1609894