1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.2. Oposizioak eta lehiaketak. Lan publikoaren eskaintza
LEHENDAKARITZAKO, FUNTZIO PUBLIKOKO, BARNEKO ETA JUSTIZIAKO DEPARTAMENTUA. Iragarkia. Gora jotzeko errekurtsoa, aldi baterako kontratazioetarako eta prestakuntzarako zerbitzu berezietako egoeran aritzeko administrari laguntzaile lanpostuen deialdiaren kontra.
Administrari laguntzaile lanpostuan aritzeko izangaien bi zerrenda (bata aldi baterako kontrataziorako eta bestea, prestakuntzarako, zerbitzu berezietako egoeran) hautaproben bidez prestatzeko deialdiaren aurka, baita lau urteko bigarren prestakuntzaldian sartzeko proba egiteko deialdiaren aurka ere, zeinak Funtzio Publikoko zuzendari nagusiaren maiatzaren 2ko 972/2016 Ebazpenaren bidez onetsi, eta 2016ko 106. Nafarroako Aldizkari Ofizialean argitaratu baitziren, ekainaren 2an.
Encarnación Moreno Garalut, María Ángeles Zamora Alcalde eta Ana Elena López Villar andreek gora jotzeko errekurtsoak aurkeztu dituzte, Funtzio Publikoko zuzendari nagusiak maiatzaren 2an emandako 972/2016 Ebazpenaren kontra. Horren bidez, administrari laguntzaile lanpostuetan aritzeko izangaien bi zerrenda hautaproben bidez egiteko deialdiak onetsi ziren, bata, aldi baterako kontrataziorako eta, bestea, prestakuntzarako, zerbitzu berezietan aritzeko. Horiez gain, lanpostu horretan trebatzeko lau urteko bigarren prestakuntzaldian sartzeko probarako deialdia ere onetsi zen. Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 112. eta 59. artikuluetan xedatutakoari jarraikiz, interesdun guztiei jakinarazten zaie, iragarki hau argitaratu eta biharamunetik hasita hamar egun balioduneko gehieneko epean alegazioak egin ditzaten, Erregistro Orokorrean (Nafarroako Jauregia, Karlos III.a etorbidea, 2, Iruña) aurkeztuta edo Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 38. artikuluan aurreikusitako bideak erabiliz.
Aurkeztutako errekurtsoen kopia interesdunen eskura dago Funtzio Publikoko Zuzendaritza Nagusiko Araubide Juridikoaren Atalean (Karlos III.aren etorbidea 2, 2. solairua; Iruña).
Iruñean, 2016ko irailaren 1ean.–Funtzio Publikoko zuzendari nagusia, Amaia Goñi Lacabe.
Iragarkiaren kodea: F1610043