175. ALDIZKARIA - 2016ko irailaren 9a

1. NAFARROAKO FORU KOMUNITATEA

1.2. AGINTARIAK ETA LANGILEAK

1.2.1. Kargu-uzteak, izendapenak eta bestelako egoerak

585/2016 EBAZPENA, irailaren 2koa, Nafarroako Kirolaren eta Gazteriaren Institutuko zuzendari kudeatzaileak emana, Esteban Imaz Vacas jauna Nafarroako Kirol Justiziako Batzordeko idazkari izendatzen duena.

Martxoaren 10eko 48/2003 Foru Dekretuak Nafarroako Kirol Justiziako Batzordea eta Nafarroako Foru Komunitateko lurraldearen barreneko Kirol Diziplina arautzen ditu eta Nafarroako Kirolari buruzko uztailaren 5eko 15/2001 Foru Legearen VIII. tituluko III. kapituluan eta Foru Lege beraren IX. tituluko I. kapituluan ezarritako kirolaren arloko diziplina araubidea garatzen du.

Nafarroako Kirol Justiziako Batzordea, arestian aipatutako 15/2001 ematen dizkion eskumenak dituela, Nafarroako Foru Komunitateko lurraldearen barreneko Kirol Diziplinaren organo gorena da, Foru Komunitateko Kirol Administrazioari atxikia egonen da eta, Administrazioari eta Nafarroako kirol antolamenduko gainerako entitateei dagokienez, independentzia osoarekin arituko da.

Foru dekretu horrek, 4. artikuluaren 2. atalean, xedatzen du idazkari batek emanen diola laguntza Batzordeari eta idazkari horrek hizpidea izanen duela, baina botorik ez. Foru Komunitateko Kirol Administrazioak berari atxikiriko funtzionarioen artetik hautatuko du eta esperientzia aitortua izan beharko du kirolaren arloan eta horren esparru juridikoan.

Aipatu batzordeko idazkari eginkizunak betetzen zituen Ricardo Ruano Enériz jaunak erretiroa hartu duenez, bidezko da idazkari berria izendatzea, hura ordezteko, 48/2003 Foru Dekretuaren 4. artikuluko 2. atalean ezarritakoari jarraituz.

Halaber, Nafarroako Kirolaren eta Gazteriaren Institutuaren estatutuak onetsi zituen abuztuaren 28ko 133/2015 Foru Dekretuak ezartzen du arestian aipatutako foru dekretuak Foru Komunitateko Kirol Administrazioari esleitzen dizkion eskumenak Nafarroako Kirolaren Institutuak hartuko dituela bere gain.

Horren ondorioz, eta Kirol Justiziako Batzordea berritzeari dagokionez aurreikusitakoa bete dadin, bidezko da haren idazkari berria izendatzea, erretiroa hartu duena ordezteko.

Kontuan hartuz Esteban Imaz Vacas jaunak ezarrita dauden beharkizunak betetzen dituela, Foru Komunitateko Kirol Administrazioko funtzionarioa baita, Administrazio Publikoko teknikari gisa (arlo juridikoa), eta esperientzia ezaguna eta egiaztatua baitu kirolaren arloan eta horren esparru juridikoan, Nafarroako Foru Komunitatean Nafarroako Kirol Justiziako Batzordea eta Kirol Diziplina arautzen dituen martxoaren 10eko 48/2003 Foru Dekretuaren 4. artikuluarekin bat.

Horrenbestez, Nafarroako Kirolaren eta Gazteriaren Institutua erakunde autonomoaren estatutuak onetsi zituen abuztuaren 28ko 133/2015 Foru Dekretuak ematen dizkidan eskumenei jarraikiz, arestian aipatu uztailaren 5eko 15/2001 Foru Legearen eta martxoaren 10eko 48/2003 Foru Dekretuaren bidez eskuratu ditudan eskudantziak erabiliz, Esteban Imaz Vacas jauna Nafarroako Kirol Justiziako Batzordeko idazkari izendatzea proposatzen da.

EBATZI DUT:

1. Esteban Imaz Vacas jauna Nafarroako Kirol Justiziako Batzordeko idazkari izendatzea. Administrazio Publikoko teknikari da (arlo juridikoa) Nafarroako Kirolaren eta Gazteriaren Institutuan, Nafarroako Foru Komunitateko kirol administrazioko funtzionarioa, eta ezaguna da bere esperientzia kirolaren arloan eta horren esparru juridikoan.

2. Ebazpen hau Nafarroako Aldizkari Ofizialean argitaratzea, behar diren ondorioak izan ditzan.

3. Ebazpen hau Nafarroako Kirolaren eta Gazteriaren Institutuari, Garapen Estrategikoaren, Azpiegituren eta Baliabide Kudeaketaren Zuzendariordetzari, Administrazio eta Kudeaketa Atalari, Nafarroako Kirol Justiziako Batzordeari, Nafarroako Kirol Justiziako Batzordeko Idazkaritzari, Kirolaren Zuzendariordetzari eta interesdunari jakinaraztea, behar diren ondorioak izan ditzan.

Iruñean, 2016ko irailaren 2an.–Nafarroako Kirolaren eta Gazteriaren Institutuko zuzendari kudeatzailea, Rubén Goñi Urroz.

Iragarkiaren kodea: F1610034