3. ESTATUKO ADMINISTRAZIOA
EBROKO UR KONFEDERAZIOA
Iragarki oharra. Erreferentzia: 2013-A-154
Jose María Pascual Martinez eta M.ª Pilar Perez Moreno jaun-andreek honako datu eta ezaugarri hauek dituen ur publikoen aprobetxamendua eskatu dute:
1. hargunea: Arga ibaia, koordenatuak: ETRS89 UTM-30 X:615.609 Y:4.745.269.
2. hargunea: putzua, koordenatuak: ETRS89 UTM-30 X:615.688 Y:4.745.249.
Udalerria: Esteribar (Nafarroa).
Erabilera: ureztaketa, etxeko erabilerak, edateko ez.
Aprobetxamenduaren tokia: 3. poligonoko 515. eta 318. lurzatiak, Esteribarren (Nafarroa).
Batez besteko emari baliokidea kontsumo handieneko hilean (l/s): 0,074.
Gehieneko bolumena urtean: 737 m³.
Aprobetxamenduan bi hargune daude, bata lur azpiko urarena eta bestea azalekoa. Lur azpiko uraren hargunea zundaketa baten bidez eginen da, Arga ibaiaren ezkerraldean, eta 0,16 metroko diametroa eta 40 metroko sakonera du; ura 0,75 ZP-ko potentzia duen elektroponpa baten bidez aterako da, 0,41 l/s-ko uneko gehieneko emariarekin, eta m³ 1eko eta 5 m³-ko bi biltegitan gordeko da. Azaleko hargunea, berriz, Arga ibaian da, ezkerraldean; grabitatez hartuko da ura, eta 200 mm-ko diametroko hodi baten bidez, ibai ondoko pasealekua gurutzatu ondoren, ura eramanen du 515. lurzatian dagoen 1 x 1 x 4 metroko kutxeta batera; bertan 1,1 kW-eko urpeko ponpa bat paratuko da, ura 40.500 litroko biltegi bateraino bidaltzeko. Uraren deribazioa urte guztian eginen da, eta ura 0,25 hektareako eremua ureztatzeko (lorategia, baratza eta zuhaiztia) eta etxerako erabiliko da, ez edateko.
Aditzera ematen da orok jakin dezan eta eskaera honek kalte egiten diela uste dutenek beren erreklamazioak Ebroko Ur Konfederazioari idatziz aurkezteko aukera izan dezaten, hogeita bost egun balioduneko epean, iragarki hau Nafarroako Aldizkari Ofizialean argitaratzen denetik hasita. Eta, horretarako, espedientea ikusgai egonen da Ebroko Ur Konfederazioan (Sagasta pasealekua 26-28, Zaragoza). Eta espedientearen fotokopiak eta dokumentazio teknikoa Iruñean egonen dira ikusgai (Serafín Olave, 7), bulego orduetan.
Zaragozan, 2016ko abuztuaren 18an.–Ur komisarioa, eskuordez, komisario albokoa, Antonio Coch Flotats.
Iragarkiaren kodea: E1609786
