2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
BAZTAN
Laburpena, euskara ikasteko diru-laguntzen 2016ko deialdia arautzen duten oinarriena
Baztango Udaleko Tokiko Gobernu Batzarrak, 2016ko ekainaren 10ean egin bilkuran, erabaki zuen onestea euskara ikasteko diru-laguntzen 2016ko deialdia arautzen duten oinarriak.
Diru-laguntzei buruzko azaroaren 17ko 38/2003 Lege Orokorraren 17.3.b eta 20.8.a artikuluetan aurreikusitakoari jarraituz, argitara ematen da deialdiaren laburpena; horren testu osoa Diru-laguntzen Datu Base Nazionalean kontsulta daiteke (http://www.pap.minhap.gob.es/bdnstrans/index): BDNS (kodea): 315813.
Lehena.–Onuradunak.
Oinarrietan ezarritako baldintzak betetzen dituztenek jaso dezakete euskara ikasteko diru-laguntza.
Bigarrena.–Xedea.
Deialdi honen xedea da diru-laguntzen kontzesioa arautzea, Baztango bizilagunak izanik euskara ikastaroren bat egiten ari direnei.
Hirugarrena.–Oinarri arautzaileak.
http://baztan.eus.
Laugarrena.–Zenbatekoa.
Laguntzak 2016ko aurrekontuko diru-laguntzen kontu-sailaren kargura finantzatuko dira, euskara ikasteko diru-laguntzen deialdia. Kontu-sailak 2.000 euro ditu.
Bosgarrena.–Eskabideak aurkezteko epea.
Eskabideak aurkezteko epea 2016ko urriaren 21ean bukatuko da, 14:00etan.
Baztanen, 2016ko abuztuaren 29an.–Alkatea, Joseba Otondo Bikondoa.
Iragarkiaren kodea: L1609936
