1. NAFARROAKO FORU KOMUNITATEA
1.4. DIRU-LAGUNTZAK, LAGUNTZAK ETA BEKAK
Laburpena, Politika Ekonomiko eta Enpresarialaren eta Lanaren zuzendari nagusiaren abuztuaren 11ko 943/2016 Ebazpenarena; ebazpen horren bidez, industriako enpresa handietan inbertsioetarako laguntzak emateko deialdia onesten da.
Diru-laguntzei buruzko azaroaren 17ko 38/2003 Lege Orokorraren 17.3.b eta 20.8.a artikuluetan aurreikusitakoari jarraituz, argitara ematen da deialdiaren laburpena; horren testu osoa Diru-laguntzen Datu Base Nazionalean kontsulta daiteke (http://www.pap.minhap.gob.es/bdnstrans/eu/index): BDNS (identifikazioa): 315168.
Lehendabizikoa.–Onuradunak.
Manufaktura-industriak (2009ko Ekonomia Jardueren Sailkapen Nazionala: C sektorea), Europar Batasunaren Funtzionamenduari buruzko Tratatuaren 1. eranskineko nekazaritzako elikagaien industriak salbu.
Hondakinak tratatu eta deuseztatzea; balorizazioa eta kutsadura kentzeko jarduerak eta hondakinak kudeatzeko beste zerbitzu batzuk (EJSN-2009: E saileko 38.2, 38.3 eta 39).
Informazio jarduerak eta komunikazioak (EJSN-2009: J sektorea).
Logistikako jarduerak, hala nola gordetzea eta biltzea, salgaiak maneiatzea eta garraioari lotutako bestelako jarduerak (EJSN-2009: M saileko 71.12 eta 71.20).
Ikerketa eta garapena (EJSN-2009: M saileko 72).
Ikerketa eta garapena (EJSN-2009: M saileko 74.10).
Bigarrena.–Xedea.
Nafarroako industriako enpresa handiek ekoizpen arloko inbertsio proiektuak egitea sustatzea, lehiatzeko egoera hobean egon daitezen.
Hirugarrena.–Oinarri arautzaileak.
Abuztuaren 11ko 943/2016 Ebazpena, Nafarroako Gobernuaren Interneteko atarian argitaratua (www.navarra.es).
Laugarrena.–Zenbatekoa.
2.500.000 euro.
Bosgarrena.–Eskaerak aurkezteko epea.
Laburpena Nafarroako Aldizkari Ofizialean argitaratu eta biharamunean hasi eta 2016ko urriaren 30ean bukatuko da.
Iruñean, 2016ko abuztuaren 11n.–Politika Ekonomiko eta Enpresarialaren eta Lanaren zuzendari nagusia, Izaskun Goñi Razquin.
Iragarkiaren kodea: F1609622