2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
NOAIN (ELORTZIBAR)
Laburpena, Alkatetzaren 2016ko abuztuaren 4ko Ebazpenarena. Horren bidez, erabaki da 2016an enplegua sustatzeko diru-laguntzen deialdia eta haren oinarri arautzaileak onartzea
Diru-laguntzei buruzko azaroaren 17ko 38/2003 Lege Orokorraren 17.3.b eta 20.8.a artikuluetan aurreikusitakoari jarraituz, argitara ematen da deialdiaren laburpena; horren testu osoa Diru-laguntzen Datu Base Nazionalean kontsulta daiteke (http://www.pap.minhap.gob.es/bdnstrans): BDNS (Identifikazioa): 314441.
Lehendabizikoa.–Onuradunak.
Honelako langabeak kontratatzen dituzten enpresak: Nafarroako Enplegu Zerbitzuko enplegu agentzietan inskribaturik daudenak, Noain Elortzibarren erroldaturik daudenak gutienez ere urtebete lehenagotik, eta deialdian ezarritako beharkizun eta baldintzak betetzen dituztenak.
Bigarrena.–Xedea.
Kontratazioa eta enpleguaren egonkortasuna sustatzea, diru-laguntzak emanez, Noain Elortzibarren erroldatutako langile langabetuei lan-kontratuak egiteko.
Hirugarrena.–Oinarri arautzaileak.
Noain Elortzibarko Lurralde, Ekonomia eta Gizarte Pizgarrien Udal Planeko diru-laguntzak arautzen dituen udal ordenantza eta Diru-laguntzei buruzko azaroaren 17ko 38/2003 Lege Orokorra.
Laugarrena.–Zenbatekoa.
Lanaldi osoko kontratuetan, diru-laguntzaren zenbatekoa 1.000 eurotik 4.800 eurora artekoa izan daiteke, kontratua zer motatakoa den. Lanaldi partzialeko kontratuetan eta aldizkako kontratu finkoetan, berriz, pizgarriak hainbanatuko dira laneko benetako denboraren arabera.
Bosgarrena.–Eskabideak aurkezteko epea.
Hilabete izango da eskabideak aurkezteko, lan-kontratua hasi edo kontratua mugagabe bihurtu eta biharamunetik hasita. Kontratua 2016ko abenduan hasten bada, 2016ko abenduaren 31 izango da eskabideak aurkezteko azken eguna.
Deialdiak indarra hartu aurretik kontratazioak egin dituzten enpresek hilabeteko epea izango dute eskabideak aurkezteko, Nafarroako Aldizkari Ofizialean argitaratu eta biharamunetik hasita.
Noain Elortzibarren, 2016ko abuztuaren 4an.–Alkate udalburua, José Ignacio Erro Lacunza.
Iragarkiaren kodea: L1609405