Iragarkia

150. ALDIZKARIA - 2016ko abuztuaren 4a

1. NAFARROAKO FORU KOMUNITATEA

1.7. BESTELAKOAK

60/2016 EBAZPENA, uztailaren 4koa, Garraio Zerbitzuko zuzendariak emana, errepideko garraiorako ibilgailu zenbaiten gidarien hasierako kualifikazioa frogatzen duen lanbide gaitasunaren agiria lortzeko probak gainditu dituzten izangaien zerrenda onesten duena. Probak 2016ko ekainaren 17an egin ziren.

Garraio Zerbitzuko zuzendariaren azaroaren 20ko 82/2015 Ebazpenaren bidez, 2016ko deialdia onetsi zen errepideko garraiorako ibilgailu jakin batzuen gidarien lanbide gaitasunaren agiria lortzeko, hasierako kualifikazioa egiaztatzen duena. Ebazpen hori 2015eko 246. Nafarroako Aldizkari Ofizialean argitaratu zen, abenduaren 11n.

Behar diren probak egin ondoren, izendatutako epaimahaiak 2016ko ekainaren 17an egindako probak gainditu dituzten izangaien zerrenda aurkeztu du.

Horrenbestez, Garapen Ekonomikorako Departamentuaren egitura organikoa ezartzen duen irailaren 3ko 170/2015 Foru Dekretuaren bigarren xedapen gehigarriaren 3. atalak eta errepideko garraiorako ibilgailu mota zenbaiten gidarien hasierako kualifikazioa eta etengabeko prestakuntza arautu zituen uztailaren 20ko 1032/2007 Errege Dekretuaren 15. artikuluak ematen dizkidaten eskumenak erabiliz,

EBATZI DUT:

1. Ebazpen honen eranskinean ageri den izangaien zerrenda onestea. Zerrenda horretan ageri dira errepideko garraiorako ibilgailu zenbaiten gidarien hasierako kualifikazioa frogatzen duen lanbide gaitasunaren agiria eskuratu duten izangaiak, 2016ko ekainaren 17an egindako probak gainditu dituztelako.

2. Errepideko garraiorako ibilgailu zenbaiten gidarien lanbide gaitasunaren agiriak prestatzea eta behar diren kualifikazio txartelak ematea.

3. Ebazpen hau Garraioen Ustiapenerako Atalari jakinaraztea eta Nafarroako Aldizkari Ofizialean argitaratzea, behar diren ondorioak izan ditzan.

4. Ebazpen honek ez du bide administratiboa amaitzen, eta haren aurka interesdunek gora jotzeko errekurtsoa jar dezakete, Herri Lanetako zuzendari nagusiari zuzendua, hilabeteko epean, Nafarroako Aldizkari Ofizialean argitaratu eta biharamunetik aitzina.

Iruñean, 2016ko uztailaren 4an.–Garraio Zerbitzuko zuzendaria, Miguel Ángel Jiménez de Cisneros y Fonfría.

ERANSKINA

Gidarien lanbide gaitasunaren agiria lortzeko 2016ko ekainaren 17an egindako probak gainditu dituzten pertsonen zerrenda

Iragarkiaren kodea: F1608612