1. NAFARROAKO FORU KOMUNITATEA
1.3. LURRALDEAREN ANTOLAMENDUA ETA HIRIGINTZA
235/2016 FORU AGINDUA, ekainaren 23koa, Landa Garapeneko, Ingurumeneko eta Toki Administrazioko kontseilariak emana, hasiera batean onesten duena Desoioko Udal Plan Orokorra 3. poligonoko 908. lurzatian, La Cuesta alderdian aldatzeko espedientea. Sustatzailea Noemí Álvarez Calleja da.
Noemí Álvarez Callejak Desoioko Udal Plan Orokorrean, 3. poligonoko 908. lurzatian, La Cuesta alderdian egiturazko aldaketa egiteko espedientea aurkeztu du, Landa Garapeneko, Ingurumeneko eta Toki Administrazioko Departamentuak tramitatu eta ebazteko.
Aldaketaren xedea lurzati horren azpikategoria aldatzea da, “ingurumen balioagatik zaindu beharreko lurzorua” izatetik “natur ustiaketarako balioagatik zaindu beharreko lurzorua” izatera.
Sustatzaileak eskatu du departamentuak tramita dezan espedientea, Lurraldearen Antolamenduari eta Hirigintzari buruzko abenduaren 20ko 35/2002 Foru Legearen 80.2 artikuluan xedatutakoarekin bat.
Ikusirik aurkeztutako dokumentazio teknikoa, Desoioko Udal Idazkariaren ziurtagiriak, espedientean daudenak, bai eta Landa Garapeneko, Ingurumeneko eta Toki Administrazioko Departamentuko Lurraldearen Antolamendu eta Hirigintza Zerbitzuaren txostena, Nafarroako Gobernuari eta Lehendakariari buruzko abenduaren 3ko 14/2004 Foru Legearen 41.1 artikuluak emandako eskudantziak erabiliz,
AGINDU DUT:
1. Hasiera batean onestea, Desoioko Udala subrogatuz, Desoioko Udal Plan Orokorrean, 3. poligonoko 908. lurzatian, La Cuesta alderdian egiturazko aldaketa egiteko espedientea. Sustatzailea Noemí Álvarez Calleja da.
2. Espedientea hilabetean jendaurrean edukitzea, Nafarroako Aldizkari Ofizialean argitaratuta, eta iragarkiak paratuta Nafarroako Foru Komunitatean argitaratzen diren egunkarietan.
Ondorio horietarako, espedientea interesdunen eskura egonen da Landa Garapeneko, Ingurumeneko eta Toki Administrazioko Departamentuaren bulegoetan (Gonzalez Tablas kalea, 9, 31005 Iruña), eta epe horretan zilegi izanen da idatziz nahi adina alegazio aurkeztea.
Agiria, halaber, esteka honen bidez ikusten ahalko da: http:/ExposicionPublicaOT.navarra.es foru agindu hau Nafarroako Aldizkari Ofizialean argitaratu eta biharamunetik hasita.
3. Foru agindu hau Desoioko Udalari eta sustatzaileari jakinaraztea, eta Nafarroako Aldizkari Ofizialean argitaratzea, behar diren ondorioak izan ditzan.
Iruñean, 2016ko ekainaren 23an.–Landa Garapeneko, Ingurumeneko eta Toki Administrazioko kontseilaria, Isabel Elizalde Arretxea.
Iragarkiaren kodea: F1608001