1. NAFARROAKO FORU KOMUNITATEA
1.7. BESTELAKOAK
71/2016 FORU AGINDUA, ekainaren 17koa, Hezkuntzako kontseilariak emana, Hezkuntzako kontseilariaren maiatzaren 22ko 52/2015 Foru Agindua aldatzen duena, haren bidez arautzen baitira otsailaren 28ko 127/2014 Errege Dekretuaren laugarren xedapen gehigarrian aipatzen diren lanbide heziketako prestakuntza programak, “Lanbide Heziketa Bereziko zikloak” deituak, hezkuntza behar bereziak dituzten ikasleentzat, Nafarroako Foru Komunitatearen eremuan.
Hezkuntzako kontseilariaren maiatzaren 22ko 52/2015 Foru Aginduak otsailaren 28ko 127/2014 Errege Dekretuaren laugarren xedapen gehigarrian aipatzen diren lanbide heziketako prestakuntza programak, “Lanbide Heziketa Bereziko zikloak” deituak, arautzen ditu hezkuntza behar bereziak dituzten ikasleentzat, Nafarroako Foru Komunitatearen eremuan.
Otsailaren 28ko 127/2014 Errege Dekretuaren laugarren xedapen gehigarrian aurreikusten diren programak, Nafarroako Foru Komunitatearen eremuan Hasierako Lanbide Kualifikazioko Programa Bereziak ordeztuko dituztenak, ezartzeko behar den araudia garatzeko, besteak beste, foru agindu bat onetsi behar izan zen, programa horiek “Lanbide Heziketako berariazko programak” izenarekin arautzeko, hezkuntza behar bereziak dituzten ikasleentzat.
2015-2016 ikasturtea hasi aurretik, maiatzaren 22ko 52/2015 Foru Aginduaren xedapen iragankor bakarrean aurreikusitako ebazpenaren bidezko garapena egin ez denez gero, konpontzen zail diren arazoak sortu dira eta, hortaz, komenigarri da xedapen iragankor horren edukia aldatzea eta beste xedapen gehigarri bat eranstea, hau da, hirugarren xedapen gehigarria, Hasierako Lanbide Kualifikazioko Programa Berezien egoera arautzeko, bai eta haren xedapen indargabetzaile bakarra kentzea ere.
Horregatik guztiagatik, beharrezkoa da foru agindu bat prestatzea, maiatzaren 22ko 52/2015 Foru Aginduaren xedapen iragankor bakarra aldatu eta hirugarren xedapen gehigarria erantsiko diona; izan ere, foru agindu horren bidez, otsailaren 28ko 127/2014 Errege Dekretuaren laugarren xedapen gehigarrian aipatzen diren lanbide heziketako prestakuntza programak, “Lanbide Heziketa Bereziko zikloak” deituak, arautzen dira hezkuntza behar bereziak dituzten ikasleentzat, Nafarroako Foru Komunitatearen eremuan.
Ikusita Lanbide Heziketaren Zerbitzuko zuzendariaren txostena, Hezkuntzako kontseilariaren maiatzaren 22ko 52/2015 Foru Agindua aldatzearen aldekoa (foru agindu horren bidez, otsailaren 28ko 127/2014 Errege Dekretuaren laugarren xedapen gehigarrian aipatzen diren lanbide heziketako prestakuntza programak, “Lanbide Heziketa Bereziko zikloak” deituak, arautzen dira hezkuntza behar bereziak dituzten ikasleentzat, Nafarroako Foru Komunitatearen eremuan),
AGINDU DUT:
Lehen artikulua.–Hirugarren xedapen gehigarria eranstea maiatzaren 22ko 52/2015 Foru Aginduari, zeinaren bidez otsailaren 28ko 127/2014 Errege Dekretuaren laugarren xedapen gehigarrian aipatzen diren lanbide heziketako prestakuntza programak, “Lanbide Heziketa Bereziko zikloak” deituak, arautzen baitira hezkuntza behar bereziak dituzten ikasleentzat, Nafarroako Foru Komunitatearen eremuan.
Hirugarren xedapen gehigarria gehitu da. Hona testua:
“Hirugarren xedapen gehigarria.–Lanbide Heziketa Bereziko zikloen ezarpena.
Lanbide Heziketa Bereziko zikloak 2016-2017 ikasturtean ezarriko dira.”
Bigarren artikulua.–Maiatzaren 22ko 52/2015 Foru Aginduaren xedapen iragankor bakarra aldatzea; foru agindu horren bidez, otsailaren 28ko 127/2014 Errege Dekretuaren laugarren xedapen gehigarrian aipatzen diren lanbide heziketako prestakuntza programak, “Lanbide Heziketa Bereziko zikloak” deituak, arautzen dira hezkuntza behar bereziak dituzten ikasleentzat, Nafarroako Foru Komunitatearen eremuan.
Xedapen iragankor bakarraren testua aldatu da. Hona testu berria:
“Xedapen iragankor bakarra.–Hasierako Lanbide Kualifikazioko Programen, modalitate Berezikoen, araubide iragankorra.
Aurreko ikasturteetan hasita dauden Hasierako Lanbide Kualifikazioko Programek dagokien ikasturtean erabat bukatu arte jarraituko dute.”
Hirugarren artikulua.–Maiatzaren 22ko 52/2015 Foru Aginduaren xedapen indargabetzaile bakarra kentzea; foru agindu horren bidez, otsailaren 28ko 127/2014 Errege Dekretuaren laugarren xedapen gehigarrian aipatzen diren lanbide heziketako prestakuntza programak, “Lanbide Heziketa Bereziko zikloak” deituak, arautzen dira hezkuntza behar bereziak dituzten ikasleentzat, Nafarroako Foru Komunitatearen eremuan.
Kendu egin da maiatzaren 22ko 52/2015 Foru Aginduaren xedapen indargabetzaile bakarra; foru agindu horren bidez, otsailaren 28ko 127/2014 Errege Dekretuaren laugarren xedapen gehigarrian aipatzen diren lanbide heziketako prestakuntza programak, “Lanbide Heziketa Bereziko zikloak” deituak, arautzen dira hezkuntza behar bereziak dituzten ikasleentzat, Nafarroako Foru Komunitatearen eremuan.
Azken xedapena.–Indarra hartzea.
Foru agindu honek Nafarroako Aldizkari Ofizialean argitaratu eta biharamunean hartuko du indarra.
Iruñean, 2016ko ekainaren 17an.–Hezkuntzako kontseilaria, José Luis Mendoza Peña.
Iragarkiaren kodea: F1607632