4. PROZEDURA JUDIZIALAK
VALENTZIAKO LAN ARLOKO 12. EPAITEGIA
Ediktua. 438/2014 prozedura
Lorenzo Navarro Lorente jauna, Valentziako Lan arloko 12. Epaitegiko Justizia Administrazioaren letradua.
Aditzera ematen dut: epaitegi honetan, José Antonio Marfil Gonzálezek eta José Eduardo Marfil Romaguerak eskaturik, 438/2014 espedientea bideratzen ari da BDO Quota Auditores konkurtso-administratzailearen, Soldatak Bermatzeko Funtsaren eta Transportes Pedro Lecea SLren aurka, diru kopuru bat erreklamatzeko. 2016ko ekainaren 3an ebazpena eman da, epaitzan honela dioena:
Epaitza: Ezesten dut Soldatak Bermatzeko Funtsak alegatzen duen preskripzio partzialaren salbuespena, eta partez baiesten dut José Antonio Marfil González jaunak eta José Eduardo Marfil Romaguera jaunak Soldatak Bermatzeko Funtsaren, Transportes Pedro Lecea SL enpresaren eta BDO Quota Auditores SLP konkurtso-administrazioaren aurka jarritako demanda, eta, horrenbestez, deklaratzen dut auzi-jartzaileek eskubidea dutela Transportes Pedro Lecea SL enpresa demandatuaren kargura diru kopuru hauek kobratzeko: 13.114,95 euro, José Antonio Marfil González jaunaren soldatei dagokiena, eta 8.039,35 euro, José Eduardo Marfil Romaguera jaunaren soldatei dagokiena (Soldatak Bermatzeko Funtsak erantzukizun subsidiarioa du kopuru horren zati baten gainean). Horrenbestez, kondenatzen dut José Antonio Marfil González jaunari bere alde dituen 2.451,40 euro pagatzera, eta José Eduardo Marfil Romaguera jaunari bere alde dituen 3.397,10 euro pagatzera. Soldatak Bermatzeko Funtsa absolbitzen dut bere aurkako gainerako uzietatik, eta DBO Quota Auditores SLP konkurtso-administrazioa absolbitzen dut bere aurkako uzietatik, alde batera utzirik Konkurtso Legearen ondoriozko betebeharrak bete behar dituela eta Soldatak Bermatzeko Funtsak eskubidea duela auzi-jartzaileei ordaindutako kopuruetan subrogatzeko, Transportes Pedro Lecea SL enpresari dagokionez. Ez da bidezkoa alderdiren bat kondenatzea interesak eta kostuak pagatzera.
Jakinaraz bekie ebazpen hau alderdi guztiei legeak agindu bezala, eta horrekin batera ohartaraz bekie honen aurka erregutze-errekurtsoa jartzen ahal dutela Valentziako Erkidegoko Justizia Auzitegi Nagusiko Lan arloko Salari zuzendua, zenbatekoa dela-eta, Lan arloko Jurisdikzioa arautzen duen Legearen 191.2.g) artikuluarekin bat. Ebazpen hau jakinarazten denetik bost eguneko epean iragarri behar dute errekurtsoa, epaitegi honetako Idazkaritzan agertuz edo idazkia aurkeztuz, eta Lan arloko Jurisdikzioa arautzen duen Legearen 190. artikuluan eta hurrengoetan ezartzen diren gainerako formaltasunak betez.
Beraz, epai honen bidez, hori erabaki, agindu eta sinatzen dut.
Eta jasota gera dadin eta Transportes Pedro Lecea SLri behar bezala jakinarazteko balio izan dezan, non den jakiterik ez baitago, honako hau egiten dut, iragarki oholean jarri eta Nafarroako Aldizkari Ofizialean argitara dadin, eta enpresa horri ohartarazten diot hemendik aurrera jakinarazpenak epaitegiko iragarki-lekuan eginen zaizkiola, legez ezarritako moduan.
Valentzian, 2016ko ekainaren 7an.–Justizia Administrazioaren letradua, Lorenzo Navarro Lorente.
Iragarkiaren kodea: J1608013