1. NAFARROAKO FORU KOMUNITATEA
1.7. BESTELAKOAK
ERABAKIA, Nafarroako Gobernuak 2015eko abenduaren 16an hartua, Nafarroako Unibertsitate Publikoan irakaskuntzan, ikerketan, administrazioan eta zerbitzuetan diharduten langileen kostuak 2016ko ekitaldirako baimentzen dituena.
Nafarroako Unibertsitate Publikoko Gizarte Kontseiluari buruzko uztailaren 2ko 15/2008 Foru Legearen 5.d) artikuluan ezartzen denez, Unibertsitateak unibertsitateko aurrekontuari eta hura betetzeko arauei erantsiko die Nafarroako Gobernuan unibertsitatearen arloko eskumena duen departamentuak egindako aldeko txostena, aurrekontuko langileen kostuari buruzkoa.
Hezkuntza Departamentuak aldeko txostena eman zuen 2015eko abenduaren 15ean, Nafarroako Unibertsitate Publikoak langileen kostuak 2016ko ekitaldirako onesteko egindako eskaerari buruz.
Unibertsitateei buruzko abenduaren 21eko 6/2001 Lege Organikoaren 81.4 artikuluan ezartzen da kasuan kasuko autonomia erkidegoak onetsi beharko dituela administrazioan, zerbitzuetan, irakaskuntzan eta ikerketan diharduten langileen kostuak.
Horrenbestez, Nafarroako Gobernuak, Hezkuntzako kontseilariak proposaturik,
ERABAKI DU:
1. Nafarroako Unibertsitate Publikoko gastuen I. kapituluko kostua, langileei dagokiena, 2016. urterako baimentzea, unibertsitateak berak eskatuta. Kostuak 51.304.025,30 euro egiten du guztira. Greba egitetik eta Estatuko eta Nafarroako araudi berria aplikatzetik langileriaren gastuan aurrezten dena kenduko da aurrezpen horiek zenbatu ondoan ordaintzen den hiruhileko transferentziatik.
2. Baimena ematea Nafarroako Unibertsitate Publikoari 2012ko abenduko aparteko ordainsariaren itzulketa partzialari eta lansarien % 1eko igoerari dagokiona finantzatzeko, diruzaintzako atxiki gabeko gerakinaren kargura. Zenbatekoa 984.624.27 eurokoa da.
3. Nafarroako Unibertsitate Publikoak, barruko langileak kontratatzeko prozeduretan, lanpostuen benetako amortizazioa ziurtatuko du lanpostu berrien jabetza hartzen denean.
4. Erabaki hau Nafarroako Aldizkari Ofizialean argitaratzea.
5. Erabaki hau Nafarroako Unibertsitate Publikoko kudeatzaileari, Nafarroako Unibertsitate Publikoko Ekonomia, Plangintza eta Irakasleen Gaietarako errektoreordeari eta Nafarroako Unibertsitate Publikoko Gizarte Kontseiluko buruari jakinaraztea, eta Hezkuntza Departamentuko Unibertsitateen eta Hezkuntza Baliabideen Zuzendaritza Nagusira eta Unibertsitateen eta Hezkuntzako Teknologien Zerbitzura igortzea.
Iruñean, 2015eko abenduaren 16an.–Nafarroako Gobernuko kontseilari idazkaria, María José Beaumont Aristu.
Iragarkiaren kodea: F1516936
