14. ALDIZKARIA - 2016ko urtarrilaren 22a

1. NAFARROAKO FORU KOMUNITATEA

1.2. AGINTARIAK ETA LANGILEAK

1.2.1. Kargu-uzteak, izendapenak eta bestelako egoerak

328/2015 FORU AGINDUA, abenduaren 2koa, Osasuneko kontseilariak emana, Koldo Iñaki Cambra Contín jauna Gizarte Osasuna Sustatzeko Zerbitzuko buru izendatzen duena.

Nafarroako Osasun Publikoaren eta Lan Osasunaren Institutua erakunde autonomoa eratu eta haren estatutuak onetsi zituen uztailaren 18ko 63/2012 Foru Dekretua aldatzen duen urriaren 14ko 242/2015 Foru Dekretuaren 21. artikuluak ezartzen du institutu horretako zerbitzuko buruak izendatuko eta kargutik kenduko direla Osasunbidea-Nafarroako Osasun Zerbitzuaren menpeko zerbitzuko buruentzat ezarritako baldintza berberetan.

Osasunbidea-Nafarroako Osasun Zerbitzuaren estatutuak onetsi zituen irailaren 3ko 171/2015 Foru Dekretuaren 20.1 artikuluak xedatzen du organo zentraletako zuzendariak, kudeatzaileak, zuzendariordeak, organo periferikoetako zuzendariak eta zerbitzuko buruak izendatzea eta kargutik kentzea Osasuneko kontseilariari dagokiola, Osasunbidea-Nafarroako Osasun Zerbitzuko zuzendari kudeatzaileak proposaturik.

Nafarroako Osasun Publikoaren eta Lan Osasunaren Institutuko zuzendari kudeatzaileak aurkeztutako proposamena ikusirik,

AGINDU DUT:

1. Koldo Iñaki Cambra Contín jauna Gizarte Osasuna Sustatzeko Zerbitzuko buru izendatzea.

2. Foru agindu hau interesdunari jakinaraztea, eta Funtzio Publikoko Zuzendaritza Nagusiari, Osasun Departamentuko Idazkaritza Tekniko Nagusiari, zuzendari kudeatzaileari eta Nafarroako Osasun Publikoaren eta Lan Osasunaren Institutuko Kudeaketa Ekonomikoaren eta Profesionalen Zerbitzuari igortzea, behar diren ondorioak izan ditzan.

3. Foru agindu hau Nafarroako Aldizkari Ofizialean argitaratzea, orok jakin dezan.

Iruñean, 2015eko abenduaren 2an.–Osasuneko kontseilaria, Fernando Domínguez Cunchillos.

Iragarkiaren kodea: F1517134