2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
TUTERA
Laburpena, Tokiko Gobernu Batzarrak 2016ko maiatzaren 27an hartutako erabakiarena. Horren bidez onetsi zen oinarrizko kirola bultzatzeko diru-laguntzak emateko deialdi publikoa, 2015-2016 denboraldiko kirol jardueretan parte hartzeko, Udala jabe
duen materiala uzteko, publizitate eremuak ustiatzeko
eta Tuteran kirol arloko emanaldi, ikuskizun eta ekitaldiak (puntualak) antolatzeko 2016an
Diru-laguntzei buruzko azaroaren 17ko 38/2003 Lege Orokorraren 17.3.b eta 20.8.a artikuluetan aurreikusitakoari jarraituz, argitara ematen da deialdiaren laburpena; horren testu osoa Diru-laguntzen Datu Base Nazionalean lor daiteke (http://www.pap.minhap.gob.es/bdnstrans/index): BDNS (Identifikazioa): 310385.
A) Onuradunak: Irabazi asmorik gabeko elkarteak, kirol arloko emanaldi, ikuskizun eta/edo ekitaldi puntualak antolatzen badituzte egutegiko urte batez eta Tuteran, betiere antolatzailearendako defizitarioak direnean.
B) Xedea: Denboraldiko jarduerak, oinarrizko kirola sustatzea, publizitate eremuak lagatzea, materialak lagatzea eta ekitaldi puntualak egutegiko urte batez edo kirol denboraldi batez.
C) Oinarri arautzaileak: Diru-laguntzen Base Nazionalean, Tuterako Udaleko Kirol Bulegoetan eta Udalaren webgunean.
D) Zenbatekoa: 49.000 euro (1.000 euro, gehienez ere, jarduera puntual bakoitzeko, eta 9.000 euro, gehienez ere, denboraldi bakoitzean oinarrizko kirola sustatzeko).
E) Eskabideak aurkezteko epea: Laburpena Nafarroako Aldizkari Ofizialean argitaratzen den egunetik aurrera. Diruz lagun daitekeen jarduera zer motatakoa den, egun batean edo bestean bukatuko da epea.
F) Justifikazioa: Diruz lagun daitekeen jarduera zer motatakoa den, egun batean edo bestean bukatuko da epea.
Tuteran, 2016ko ekainaren 27an.–Alkatea, Eneko Larrarte Huguet.
Iragarkiaren kodea: L1607995
