1. NAFARROAKO FORU KOMUNITATEA
1.4. DIRU-LAGUNTZAK, LAGUNTZAK ETA BEKAK
Laburpena, Nafar Lansare-Nafarroako Enplegu Zerbitzuko zuzendari kudeatzaileak ekainaren 23an emandako 1317/2016 Ebazpenarena. Ebazpen horren bidez deialdia onesten da diru-laguntzak emateko Gizarteratzearen eta Ekonomia Sozialaren Programa Eragilearen esparruaren barruan (2014-2020 EGF) Nafarroako Foru Komunitatean jarduketak egiteko hautatzen diren entitateei.
Diru-laguntzei buruzko azaroaren 17ko 38/2003 Lege Orokorraren 17.3.b eta 20.8.a artikuluetan aurreikusitakoari jarraituz, argitara ematen da deialdiaren laburpena; horren testu osoa Diru-laguntzen Datu Base Nazionalean kontsulta daiteke (http://http://www.pap.minhap.gob.es/bdnstrans/eu/index): BDNS (identifikazioa): 310398.
Eskabideak aurkezteko epea 20 egun naturalekoa izanen da, deialdia Nafarroako Aldizkari Ofizialean argitaratu eta biharamunetik hasita. Hurrengo ekitaldietan, deialdia onestearekin batera ezarriko da epea.
Deialdi hau Europako Gizarte Funtsak, Gizarteratzearen eta Ekonomia Sozialaren Programa Eragilearen esparruaren barruan (2014-2020 EGF), finantzatutako eragiketak hautatzeko deialdian proiekturen bat aurkeztu eta onetsi zaien entitateentzat da.
Diru-laguntzak emateko prozedura norgehiagokako araubideari jarraikiz tramitatuko da.
Entitate eskatzaileek honako ekintza hauek egin beharko dituzte:
–Gaitasunak diagnostikatzeko eta ebaluatzeko ekintzak.
–Lana bilatzeko orientazioa eta laguntza.
–Lan munduan sartu aurreko gaitasunak eskuratzeko ekintzak.
–Enpresekiko bitartekaritza eta prospekzio ekintzak.
Zeharka, ekintza horietan prozesuen eta emaitzen koordinazio, gainbegiratze eta segimendu jarduketak sartu beharko dira.
Ekintza horietara joaten diren pertsonen %80k edo gehiagok langabezian egon beharko dute, eta gainerakoek kolokako lana izatea onartuko da. Proiektua 2016ko urtarrilaren 1etik azaroaren 30era bitarte gauzatu beharko da. Hurrengo urteetan, proiektua aurreko urteko abenduaren 1etik kasuan kasuko urteko azaroaren 30era bitarte egin beharko da.
Entitate bakoitzarentzako diru-laguntza proiektuaren kostuaren %50era artekoa izan daiteke, baina 10.000 euroko muga gainditu gabe.
Iruñean, 2016ko ekainaren 23an.–Nafar Lansare-Nafarroako Enplegu Zerbitzuko zuzendari kudeatzailea, Paz Fernández Mendaza.
Iragarkiaren kodea: F1607994
