127. ALDIZKARIA - 2016ko uztailaren 1a

1. NAFARROAKO FORU KOMUNITATEA

1.4. DIRU-LAGUNTZAK, LAGUNTZAK ETA BEKAK

Laburpena, Industriaren, Energiaren eta Berrikuntzaren zuzendari nagusiaren maiatzaren 31ko 297E/2016 Ebazpenarena. Ebazpen horren bidez, “Nazioarteko lankidetzan I+G proiektuak egiteko laguntzak, fabrikazioaren teknologia aurreratuen esparruan. Manunet 2016” izeneko deialdia onetsi da.

Diru-laguntzei buruzko azaroaren 17ko 38/2003 Lege Orokorraren 17.3.b eta 2.8.a artikuluetan aurreikusitakoari jarraituz, argitara ematen da deialdiaren laburpena; horren testu osoa Diru-laguntzen Datu Base Nazionalean kontsulta daiteke (http://www.pap.minhap.gob.es/bdnstrans/es/index): BDNS (identifikazioa): 309374.

Lehendabizikoa.–Onuradunak:

Ezagutza ikertu eta zabaltzen duten enpresa eta erakundeak (651/2014 (EB) Erregelamenduaren 2. artikuluko 83. atalean definituak) izanen dira laguntza hauen onuradunak, baldin eta lantokia Nafarroan badute eta bertan garatzen badituzte diru-laguntza jaso dezaketen jarduerak.

Bigarrena.–Xedea:

Nazioarteko lankidetzan, fabrikazioaren teknologia aurreratuen esparruan eta Manunet 2016 izeneko Europako lankidetza proiektuaren arloan I+G proiektuak egin daitezen sustatzea dute helburu laguntza hauek. Horrela, Nafarroako enpresen, batez ere ETEen, lehiakortasuna eta nazioartekotzea handituko dituen dinamizazio teknologikoa bultzatu gogo da.

Hirugarrena.–Oinarri arautzaileak:

297E/2016 Ebazpena, maiatzaren 31koa, Industriaren, Energiaren eta Berrikuntzaren zuzendari nagusiak emana.

http://www.navarra.es/home_es/Servicios/ficha/6192/Programa-de-financiacion-de-proyectos-de-I-D-en-cooperacion-internacional-Manunet-2016.

Laugarrena.–Zenbatekoa:

Deialdi honen ondoriozko konpromisoak betetzeko baimendu den gastua 500.000,00 eurokoa da.

Bosgarrena.–Eskaerak aurkezteko epea:

Eskaerak aurkezteko epea hilabetekoa izanen da, deialdiaren laburpena Nafarroako Aldizkari Ofizialean argitaratu eta biharamunetik hasita, eta zer egunetan argitaratzen den, hurrengo hilabetean bukatuko da, egun berean.

Iruñean, 2016ko maiatzaren 31n.–Industriaren, Energiaren eta Berrikuntzaren zuzendari nagusia, María Yolanda Blanco Rodríguez.

Iragarkiaren kodea: F1607600