1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
ERABAKIA, Nafarroako Gobernuak 2016ko ekainaren 22an hartua, Ignacio Amatriain Cía jauna, Nafarroako Foru Auzitegi Ekonomiko-Administratiboko burua, kargutik kentzen duena, berak hala eskatuta.
Nafarroako Foru Komunitateko Administrazioaren Berraztertzeko Errekurtsoei eta Aurkaratze Ekonomiko-Administratiboei buruzko Erregelamenduak (uztailaren 2ko 178/2001 Foru Dekretuaren bidez onetsiak), 21.2 artikuluan xedatzen duenez, Foru Auzitegi Ekonomiko-Administratiboko burua Nafarroako Gobernuak izendatuko du, Ekonomia eta Ogasuneko kontseilariak proposaturik, bertako kideen artean eta, ondorio guztietarako, Foru Komunitateko Administrazioko Zerbitzuko zuzendarien kategoria edukiko du.
Horrenbestez, Ogasuneko eta Finantza Politikako kontseilariak proposaturik, Nafarroako Gobernuak.
ERABAKI DU:
1. Ignacio Amatriain Cía jauna, Nafarroako Foru Auzitegi Ekonomiko-Administratiboko burua, kargutik kentzea, berak hala eskatuta.
2. Erabaki hau interesdunari jakinaraztea, eta Nafarroako Foru Auzitegi Ekonomiko-Administratiboko Idazkaritzara, Nafarroako Zerga Ogasuneko kudeaketa zuzendaritzara, Funtzio Publikoko Zuzendaritza Nagusira eta Ogasuneko eta Finantza Politikako Departamentuko Idazkaritza Tekniko Nagusira igortzea, behar diren ondorioak sor ditzan.
3. Erabaki hau Nafarroako Aldizkari Ofizialean argitaratzea, orok jakin dezan.
Iruñean, 2016ko ekainaren 22an.–Nafarroako Gobernuko kontseilari idazkaria, María José Beaumont Aristu.
Iragarkiaren kodea: F1607718
