1. NAFARROAKO FORU KOMUNITATEA
1.4. DIRU-LAGUNTZAK, LAGUNTZAK ETA BEKAK
Laburpena, Industriaren, Energiaren eta Berrikuntzaren zuzendari nagusiaren ekainaren 14ko 298E/2016 Ebazpenarena. Ebazpen horren bidez, energia berriztagarrien instalazioetan inbertsioak egiteko toki entitateei eta irabazi-asmorik gabeko entitateei diru-laguntzak emateko deialdia onetsi da.
Diru-laguntzei buruzko azaroaren 17ko 38/2003 Lege Orokorraren 17.3.b eta 2.8.a artikuluetan aurreikusitakoari jarraituz, argitara ematen da deialdiaren laburpena; horren testu osoa Diru-laguntzen Datu Base Nazionalean kontsulta daiteke (http://www.pap.minhap.gob.es/bdnstrans/es/index): BDNS (Identifikazioa): 309302.
Lehendabizikoa.–Onuradunak:
a) Nafarroako toki entitateak.
b) Irabazi-asmorik gabeko entitateak, hau da, interes orokorreko xedeak dituztenak eta balizko etekinak erakundearen beraren helburuetarako erabiltzen dituztenak, kideen artean banatu gabe.
Bigarrena.–Xedea:
Diru-laguntza honen xedea Nafarroako III. Energia Plan (2020) horretan aurreikusitako helburuak lortzen laguntzea da, energia berriztagarrien teknologia mota desberdinak toki entitateetan eta irabazi-asmorik gabeko entitateetan ezartzen lagunduz.
Hirugarrena.–Oinarri arautzaileak:
Oinarri arautzaileak Industriaren, Energiaren eta Berrikuntzaren zuzendari nagusiaren apirilaren 21eko 256E/2016 Ebazpenaren bidez onetsi dira, eta Nafarroako Gobernuaren Interneteko atarian (www.nafarroa.eus) argitaratuta daude.
Laugarrena.–Zenbatekoa:
120.000 euro diru-laguntzaren xede diren inbertsioak egiten dituzten toki entitateentzat eta 140.000 euro irabazi-asmorik gabeko entitateentzat.
Bosgarrena.–Eskaerak aurkezteko epea:
40 egun baliodun, deialdia Nafarroako Aldizkari Ofizialean argitaratu eta biharamunetik hasita.
Iruñean, 2016ko ekainaren 14an.–Industriaren, Energiaren eta Berrikuntzaren zuzendari nagusia, María Yolanda Blanco Rodríguez.
Iragarkiaren kodea: F1607437
