1. NAFARROAKO FORU KOMUNITATEA
1.4. DIRU-LAGUNTZAK, LAGUNTZAK ETA BEKAK
Laburpena, Politika Ekonomiko eta Enpresarialaren eta Lanaren zuzendari nagusiaren ekainaren 16ko 726/2016 Ebazpenarena. Ebazpen horren bidez, lehiakortasuna hobetzeko laguntzen 2016ko deialdia onetsi da.
Diru-laguntzei buruzko azaroaren 17ko 38/2003 Lege Orokorraren 17.3.b eta 2.8.a artikuluetan aurreikusitakoari jarraituz, argitara ematen da deialdiaren laburpena; horren testu osoa Diru-laguntzen Datu Base Nazionalean kontsulta daiteke (http://www.pap.minhap.gob.es/bdnstrans/es/index): BDNS (identifikazioa): 309522.
Lehendabizikoa.–Onuradunak:
Nafarroan kokatuta egonik, jarduera hauetakoren batean aritzen diren enpresak:
–Manufakturako industriak eta informaziokoak eta komunikazioetakoak, Ekonomia jardueren sailkapen nazionaleko (CNAE 2009) B, C eta J sailetan sartuak.
–Hondakinak tratatu eta deuseztatzea; balorizazioa eta kutsadura kentzeko jarduerak eta hondakinak kudeatzeko beste zerbitzu batzuk (CNAE 2009: E saileko 38.2, 38.3 eta 39).
–Ingeniaritzako zerbitzu teknikoak eta aholkularitza teknikoarekin lotuta dauden beste jarduera batzuk (CNAE 2009: 71.12).
–Ikerketa eta garapena (CNAE 2009: 72.1).
Bigarrena.–Xedea:
Nafarroako enpresentzako aholkularitza espezializatua sustatzea da laguntza hauen helburua, diru-laguntza emanez lehiakortasuna hobetzen duten proiektuei, hau da, enpresaren hainbat esparru aztertzeari eta hobekuntza ekintzen inplementazioari, haren lehiakortasuna modu argi eta jasangarrian eta berehala handitzeari begira.
Hirugarrena.–Oinarri arautzaileak:
Oinarri arautzaileak Politika Ekonomiko eta Enpresarialaren eta Lanaren zuzendari nagusiaren ekainaren 16ko 726/2016 Ebazpenaren bidez onetsi dira, eta Nafarroako Gobernuaren Interneteko atarian (www.nafarroa.eus) argitaratuta daude.
Laugarrena.–Zenbatekoa:
400.000 euro.
Bosgarrena.–Eskaerak aurkezteko epea:
Eskaerak aurkezteko epea deialdi hau Nafarroako Aldizkari Ofizialean argitaratu eta biharamunean hasi eta 2016ko abuztuaren 31n bukatuko da.
Iruñean, 2016ko ekainaren 16an.–Politika Ekonomiko eta Enpresarialaren eta Lanaren zuzendari nagusia, Izaskun Goñi Razquin.
Iragarkiaren kodea: F1607599
