Iragarkia

123. ALDIZKARIA - 2016ko ekainaren 27a

1. NAFARROAKO FORU KOMUNITATEA

1.7. BESTELAKOAK

175/2016 EBAZPENA, maiatzaren 18koa, Hezkuntzako zuzendari nagusiak emana, Nafarroako Foru Komunitateko lurralde eremuan diren Haur eta Lehen Hezkuntzako zenbait eskola eta ikastetxe publikori baimena ematen diena Atzerriko Bigarren Hizkuntza 2016-2017 ikasturtetik aurrera irakasteko.

Antolamenduaren eta Aukera Berdintasunaren Zerbitzuko zuzendariak aldeko txostena aurkeztu du ebazpen honen eranskinean jasotzen diren Haur eta Lehen Hezkuntzako eskola eta ikastetxe publikoek 2016-2017 ikasturtetik aurrera Atzerriko Bigarren Hezkuntza irakats dezaten baimentzeko.

Nafarroako Foru Komunitateko lurralde eremuan diren Lehen Hezkuntzako ikastetxeetako irakaskuntzen ezarpena eta ordutegia arautzeko Hezkuntzako kontseilariak ekainaren 2an emandako 51/2014 Foru Aginduak, uztailaren 3ko 64/2015 Foru Aginduak aldatu ondoren, ezartzen du ikastetxeek Lehen Hezkuntzako edozein ikasmailatatik aurrera eskain dezaketela Atzerriko Bigarren Hizkuntza, Hezkuntza Departamentuak baimena eman ondoren.

Atzerriko Bigarren Hizkuntza Lehen Hezkuntzan emateko baimenaren prozedura arautzea du xede abuztuaren 22ko 73/2014 Foru Aginduak, betiere Nafarroako Foru Komunitateko lurralde eremuan diren ikastetxe publikoetan, pribatuetan eta pribatu itunduetan.

Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1 d) artikuluak ematen dizkidan ahalmenak erabiliz,

EBATZI DUT:

1. Baimena ematea ebazpen honen eranskinean jasotzen diren eskola eta ikastetxeei Atzerriko Bigarren Hizkuntza irakats dezaten zehazten den Lehen Hezkuntzako ikasmailatik hasita, 2016-2017 ikasturtetik aurrera.

2. Ebazpen honetako aurreko puntuan aipatzen diren baimenek balioa izateko, ekainaren 2ko 51/2014 Foru Aginduan eta abuztuaren 22ko 73/2014 Foru Aginduan ezarritako beharkizunak eta prozedura, hurrenez hurren, bete beharko dira.

3. Atzerriko Bigarren Hizkuntzaren curriculuma uztailaren 16ko 60/2014 Foru Dekretuan ezarritakoa izanen da, foru dekretu horren bidez ezarri baitzen Nafarroako Foru Komunitateko Lehen Hezkuntzako irakaskuntzen curriculuma.

4. Hezkuntzako kontseilariaren abuztuaren 22ko 73/2014 Foru Aginduaren 3. artikuluko 4. puntuan aipatzen diren kasuetako bat gertatuz gero, Hezkuntza Departamentuak baliorik gabe utz dezake baimena.

5. Ebazpen honen aurka gora jotzeko errekurtsoa jartzen ahal da, Hezkuntzako kontseilariari zuzendua, argitaratu eta biharamunetik hilabeteko epean.

6. Ebazpen hau Antolamenduaren eta Aukera Berdintasunaren Zerbitzura, Hezkuntzako Ikuskapen Zerbitzura, Baliabide Ekonomikoen Zerbitzura eta Giza Baliabideen Zerbitzura, Ikasketak Antolatzeko Atalera, Ingelesaren eta Atzerriko Beste Hizkuntza Batzuen Atalera, Ikastetxeen, Finantzaketaren eta Ikasketetarako Laguntzen Atalera eta ukitutako ikastetxe eta eskoletara igortzea, behar diren ondorioak izan ditzan.

7. Ebazpen hau Nafarroako Aldizkari Ofizialean argitaratzea.

Iruñean, 2016ko maiatzaren 18an.–Hezkuntzako zuzendari nagusia, Estebe Petrizan Iriarte.

ERANSKINA

Atzerriko Bigarren Hizkuntza 2016-2017 ikasturtetik aurrera irakasteko baimena duten Lehen Hezkuntzako eskola eta ikastetxeen zerrenda

Iragarkiaren kodea: F1606300