1. NAFARROAKO FORU KOMUNITATEA
1.5. ESTATUTUAK ETA LAN HITZARMEN KOLEKTIBOAK
38C/2016 EBAZPENA, maiatzaren 19koa, Politika Ekonomiko eta Enpresarialaren eta Lanaren zuzendari nagusiak emana, Orikaingo Bacaicoa Industrias Plásticas SA enpresaren hitzarmen kolektiboa erregistratu, gorde eta Nafarroako Aldizkari Ofizialean argitaratzea erabakitzen duena.
Ikusirik Orikaingo Bacaicoa Industrias Plásticas SA enpresaren hitzarmen kolektiboaren testua (kode zenbakia: 31000802011983), Erregistro honetan sartu zena 2016ko apirilaren 26an eta enpresaren eta sindikatu batzuen (UGT) ordezkariek 2016ko apirilaren 19an izenpetu eta 2016ko maiatzaren 12an zuzendu zutena. Langileen Estatutuari buruzko Legearen testu bategina onetsi zuen urriaren 23ko 2/2015 Legegintzako Errege Dekretuaren 90. artikuluaren 2. eta 3. idatz-zatietan eta Hitzarmen Kolektiboen eta Akordioen Erregistro eta Gordailuei buruzko maiatzaren 28ko 713/2010 Errege Dekretuan ezarritakoaren arabera,
EBATZI DUT:
1. Nafarroako Lan Hitzarmen eta Akordio Kolektiboen Erregistroan inskribatzeko agintzea.
2. Nafarroako Aldizkari Ofizialean argitaratzeko agintzea, orok jakin dezan.
Iruñean, 2016ko maiatzaren 19an.–Politika Ekonomiko eta Enpresarialaren eta Lanaren zuzendari nagusia, Izaskun Goñi Razquin.
Orikaingo Bacaicoa Industrias Plásticas SA enpresaren hitzarmen kolektiboa (PDF).
Iragarkiaren kodea: F1606474
